المساعد الشخصي الرقمي

مشاهدة النسخة كاملة : بين الجــكسي والبيبســـي وحــلاج الألفية الثالثة


abuwadah
11-28-2010, 02:56 PM
يا اخوانا فيكم زول حضــر ســهرة النيل الأزرق الكانت مع شــيخ الأمين
أو كما عرفت لاحقا بأنه هو الشيخ الملقب بشيخ الجكسي المحايتو ببسي
سألت منه أخوي والذي عرفت انه صديق له فمدحه لي ورغم ثقتي في أخي
ومحبتي الشــديده له لدرجة اني استطيع أن اصـدق كل ما يقوله لي رغــم
ذلك عند الســهرة دي أخدت لي وقفة
ومن اليوم داك بفكــر فيها لي هسع
كدي لو فيكم زول عندو أكــيده أكــتر يفيدنا بيها
ولو ما عندكم هذا الموضــوع أو هذه الظــاهرة تحــتاج دراســة
ولطلبة علم الإجتمــاع دا موضــوع ماجـــستير والا دكتــوراه جــاهز

abuwadah
11-28-2010, 03:06 PM
على موقــع التصوف altasawif.com يقول عن خصائص التصوف الإسلامي

في حديثنا عن حقيقة التصوف إشارات متعددة إلى خصائص التصوف ، ولكننا نريد هنا أن نقف
قليلا لنسجل أهم خصائص التصوف عامة :
أولها : الترقي الأخلاقي لأن التصوف يقوم على رياضة روحية تستهدف تصفية النفس بالمجاهدات
البدنية ، والرياضات النفسية ، وممارسة لحياة الزهد والتقشف والحرمان من متع الدنيا ومباهجها ،
حتى يفنى الصوفي عن نفسه ويبقى بالله ، وعندئذ قد يقول بالإتحاد أو الحلول أو وحدة الوجود على
نحو مما سنعرف فيما بعد .
ثانيهما : العرفان الذوقي المباشر ، فإذا كان الفلاسفة يستخدمون مناهج العقل في إثبات العقيدة الدينية
أو تنفيذ حملات خصومها وحجج أعدائها ، والعلماء يستخدمون مناهج الملاحظة والتجربة في معرفة
الأشياء فإن الصوفية يستخدمون الكشف أو الذوق الصوفي طريقا إلى إدراك الحقائق المستترة وراء
المحسوسات ، وهذا الكشف أشبه بومضة سريعة الزوال ، ويجيء بعد رياضة بدنية ومعاناة نفسية
على نحو ما أشرنا من قبل .
وثالثهما : الطمأنينة أو السعادة وهي غاية تتحقق بعد نجاح الصوفي في قهر دواعي الشهوات أو
ضبطها حتى يتحرر السالك إلى الله من كل مخاوفه ، ويشعر براحة نفسية عميقة .
ورابعها : الرمزية في التعبير فعبارات الصوفية تحمل معاني لا يُعرف الكثير منها إلا بالتحليل والتعمق
في التأويل ومن هنا كان من الصعب على العامة أن يدركوا معاني التغيرات الصوفية ومن هذا
وغيره نقول مع الدكتور التفتازاني ، إن التصوف ليس حياة سلبية يعتزل صاحبها المجتمع الذي ينتمي
إليه ، ويهرب من مواجهته ومواجهة الحياة بصورة عامة وإنما هو فلسفة حياة تهدف إلى الترقي بالنفس
الإنسانية أخلاقيا ، وتزويدها بقيم روحية تساعدها على الضرب في زحمة الحياة ويتحقق ذلك عن طريق
رياضيات روحية تنتمي بالفناء في الحقيقة الأسمى والعرفان بها دوما لا عقلا فتكون ثمرتها السعادة الروحية .
*
هل ينطبق هذا الحــال على ما نرى من تصوف جــديد ؟؟؟؟
مجــرد ســــؤال

ودسعد
11-28-2010, 07:25 PM
والله يا ابو وضاح أنا حضرت السهرة دى من أولها لحد آخرها، ومعى بقية أفراد أسرتى ،وسألت ولدى عن منو الشيخ دا ؟؟ وذكر لى ماذكرته أنت (أن المحاية بيبسى وكذا )وقد أوضح لى أن لهذا الشيخ رأى مخالف عن كيفية التصوف ويرى أن التصوف ليس لبس الملون المرقع المتسخ ولكن الله جميل يحب الجمال ،لذلك لابد من أن يظهر المتصوف بمظهر يليق بصفاء وجمال الدواخل (يعنى حلا بره وجوه )وبعدين حكاية المحاية دى طبعا مخلوطة ( بالسكن بتاع الصاج )وهى لا تصلح لأنو السكن كربون ووسخان عشان كدا لما يعملو محاية لازم تكون مستساقة وقابلة (للشراب !!!) الحكاية زكرتنى زمان جاء قريبنا للوالد من قرية أمكى (وهو الجد السمانى )وأنا عمرى مابين اربعة لى خمسة سنة وقام جاب كباية فيها موية وأنا واقف جنبو ،طبعا يقرأ آيات ويتفل فى الكباية وبعدما انتهى قالو لى أشرب الموية دى ، فرفضت وقلت (يخ ) الزول بصق فى فى الموية دى ومابشربها، طبعا غشونى لأنو كبوها فى (كوز !!!) طلس وبعد داك شربتها ،زى ماحكو لى بعد داك.
عموما أنا والله جاتنى خوفه ساعة الحلقة دى لأنو حدما قلبتا فى الحاصل دا مالقيت شىء أقولو ، عاينت للناس الحاضرين كلهم نقاوة عديل كدى ، تعرف قلتا لى ولدى فتش اليشخ محلو وين وكلمنى لأنو مقرب أقتنع بالطريقة دى .وربك يستر !!!!؟؟؟؟؟eeereeer

ام ريم
11-28-2010, 07:42 PM
فعلاً سهره ملفته للنظر,,ومنظر الشيخ والحيران وهم في كامل هندامهم وزينتهم والنساء اخر (تبرج) ,,والملاحظ انو الحيران من الطبقات الراقيه المتعلمه,,ويبدو ذلك من أشكالهم,,,والشيخ يتحدث عن خلاويهو في امريكا وكيف يتواصل مع حيرانو (الخواجات )عبر النت ...
حكي لي أحدهم انو مره راح يسأل عن الشيخ ,,قالو ليهو الشيخ سافر دبي لقضاء شهر العسل,,يبدو انو دي تصوف اخر زمن...الله يرحم ابونا البرعي..

صوفية
11-28-2010, 10:18 PM
ببسى؟؟؟

بالمناسبة...

أنا لا متصوفة..ولا أنوى...

إسم على إسم...

بس...:smile:$$$&&&$$$&&&$$$&&&

تهامي باشا
11-28-2010, 10:36 PM
ببسى؟؟؟

بالمناسبة...

أنا لا متصوفة..ولا أنوى...

إسم على إسم...

بس...:smile:$$$&&&$$$&&&$$$&&&


677fggggggfggggggfggggggfgggggg677

نهله الهادي
11-29-2010, 12:16 AM
ههههههههههههه
طبعا انا حضرتا لقطات من الاعاده بالنهار كنا عايزين نفطر ويمكن الجوع ماخلاني استوعب القصه كويس
تصوف آخر زمن ,, سبحان الله بالله هو دا شيخ الامين زاتو انا قلتا دا شيخ يمني (من لبسو )
غايتو بالجد فراغ وعدم موضوع ,, طبعاً سمعتا بعض الاخوات الكريمات وهن يتحدثن
ما شاء الله لبس ايه ونمص والطرح في نص الشعر وآخر مكياج ,, والعجب كلامهم عن الطريق وما تعلموه فيها
احدي الاخوات الكريمات تقول :( اتعلمنا الكتير من هذه الزاويه وهذه الطريقه , فقد تلمنا كيفيه الوضوء والغسل والطهاره )
هل رايتو كميه العلم الذي تعلموه ؟؟!!!
والله بالجد ضحكوني شديد ,,, عنهم فراغ ما عارفين يعملو فيه شنو .

نهله الهادي
11-29-2010, 12:43 AM
بي مناسبه ان الله جميل يحب الجمال
مره في احدي القنوات كان المزيع بيتكلم مع المطربه اللبنانيه ( هيفاء وهبي )
فقال لها : انو هي بتعتمد علي الشكل والمظهر وليس علي الصوت والموهبه .
فقالت : ان الله جميل يحب الجمال ,,
والله ضحكتني شديد ,, هسي في الدين كلو مالقت غير ان الله جميل يحب الجمال!! ولا الباقي ما عجبها !!.

عبد القيوم الماحي حاج علي
11-29-2010, 03:36 AM
*هؤلاء-وأمثالهم-ليسوا سوى تجار دين..يستغلون جهل هذا الشعب الساذج..

بديرية
11-29-2010, 07:54 AM
على موقــع التصوف altasawif.com
*
هل ينطبق هذا الحــال على ما نرى من تصوف جــديد ؟؟؟؟
مجــرد ســــؤال



مثل هولاء لاينطبق عليهم حال المتصوفين ولايمدون له بصلة
وحاشة وكلا الصوفية برئية من تلك الافعال..اين التصوف هنا؟؟؟
اخي الكريم لقد شاهد هذه السهرة وكان الكل مندهش..ويتسال
هل هولاء القوم جادين وهل مقدم السهرة في كامل وعيه
هذا تشويه لسمعة الصوفية ..وربكـ يستر
وتقبل مـــــروري

الممنوع
11-29-2010, 10:21 AM
عجبا لكم
اين هي الصوفيه حتي يخربون سمعتها ؟؟
الصوفيه تعريفها كوم وممارسات مشايخ الطرق كوم براهو
يابشر افيقو من ما انتم فيه ما الصوفية وخلافها الا مخططات مدروسه لتفكيك الاسلام ومايفعله مشايخهم بين فمنهم من يمدح نفسه ومنهم من يشرك الرسول الله ومنهم من يدعي انه يصلي العصر في مكه وهو نايم عجبا عجبا عجبا يابشر

وبعد دا كلو تلقى ناس متعلمين يعتقدون فيهم ويقدسونهم

سترك يارب

زينوبه
11-29-2010, 10:30 AM
حسبنا الله ونعم الوكيل ،،،
اللهم اكفنا شرِّ خلقك ،،،
اللهم أهدنا إلى الطريق المستقيم ،،،
ولا حول ولا قوة إلا بالله العلي العظيم ،،،

abuwadah
12-01-2010, 10:28 AM
والله يا ابو وضاح أنا حضرت
عاينت للناس الحاضرين كلهم نقاوة عديل كدى ، تعرف قلتا لى ولدى فتش الشيخ محلو وين وكلمنى لأنو مقرب أقتنع بالطريقة دى .وربك يستر !!!!؟؟؟؟؟eeereeer


غايتو انا ســألت وقالوا لي عندهم زاوية هنا في دبي
اليومين ديل بفتش فيها لأنه والله دينن دا
ســمح خلاص، لا تفجير ولا تحجير
بس تسرح تتمسح وتلبس
وتجي الحلبه

abuwadah
12-01-2010, 10:31 AM
...
حكي لي أحدهم انو مره راح يسأل عن الشيخ ,,قالو ليهو الشيخ سافر دبي لقضاء شهر العسل,,يبدو انو دي تصوف اخر زمن...الله يرحم ابونا البرعي..

يا قول خلف الله
لا لا لا لا ماشــهر عســل
قالوا عندو زاويــة عدييييل في دبي
أصبري لي يا ام ريم بجيب لك خــبرها

abuwadah
12-01-2010, 10:35 AM
ببسى؟؟؟

إسم على إسم...

بس...:smile:$$$&&&$$$&&&$$$&&&





يعني زي الحاصــل بين
عمــر النور وعمــود النور
إيييييييه يكااااا

abuwadah
12-01-2010, 10:39 AM
والله بالجد ضحكوني شديد ,,, عنهم فراغ ما عارفين يعملو فيه شنو .

هوووووي يا بت الهــادي
والله الشيخ دا يســخطك يقلبك
عصفور الجنة والله يقلبك كناري
طبعا شــيوخنا زمان بيقلبوا الزول قــرد
شفت الفرق ؟ ؟

abuwadah
12-01-2010, 10:47 AM
المطربه اللبنانيه ( هيفاء وهبي )
فقالت : ان الله جميل يحب الجمال ,,
والله ضحكتني شديد ,, هسي في الدين كلو مالقت غير ان الله جميل يحب الجمال!! ولا الباقي ما عجبها !!.

مالها دي هســع
ما ها من الدين والا انتو
الا الزول يجيكن أغبش
ومتيمم صعيدا طاهرا

abuwadah
12-01-2010, 10:50 AM
*هؤلاء-وأمثالهم-ليسوا سوى تجار دين..يستغلون جهل هذا الشعب الساذج..

أيواااااا يا عبدو
وضــح أفصح أبـن
أمثــالهم ديل زي منوووو
عشــان نحن شوية غشيمين

abuwadah
12-01-2010, 10:56 AM
هل هولاء القوم جادين وهل مقدم السهرة في كامل وعيه
هذا تشويه لسمعة الصوفية ..وربكـ يستر
وتقبل مـــــروري

أهلين بنتنا ومشكورة على المرور
لكن الســؤال لازال قائم
حتى يأتي من يمثل
الصوفية ويقول لا، الجماعة
ديل لا مننا ولا بنعرفهم ،وحتى ذلك
الحين الجماعة يعتبروا من المجددين
في الطريقــة الصــوفية

abuwadah
12-01-2010, 11:04 AM
عجبا لكم
اين هي الصوفيه حتي يخربون سمعتها ؟؟
الصوفيه تعريفها كوم وممارسات مشايخ الطرق كوم براهو
يابشر افيقو من ما انتم فيه ما الصوفية وخلافها الا مخططات مدروسه لتفكيك الاسلام
ومايفعله مشايخهم بين فمنهم من يمدح نفسه ومنهم من يشرك الرسول الله
ومنهم من يدعي انه يصلي العصر في مكه وهو نايم عجبا عجبا عجبا يابشر

وبعد دا كلو تلقى ناس متعلمين يعتقدون فيهم ويقدسونهم

سترك يارب


يعني شــنو يا الممنوع؟؟
هسـع ناس الشيخ الجعلي كان فكولكم
المجانين الفي حوش كدباس ديك في زول بقدر عليهم
أنا غايتو الصوفية الجديدة دي عاجباني
لغاية ما يجي زول يقنعني
انها غلط بخليها
واباري ندى القلعة
وافراح عصــام وريماز
وأكون على بينه من أمــري

abuwadah
12-01-2010, 11:07 AM
حسبنا الله ونعم الوكيل ،،،
اللهم اكفنا شرِّ خلقك ،،،
اللهم أهدنا إلى الطريق المستقيم ،،،
ولا حول ولا قوة إلا بالله العلي العظيم ،،،

ونعم بالله يا زينوبه يا بنت النيل
لكن ما وريتينا رايك شنو
هل دي صوفية والا
قطنية