المساعد الشخصي الرقمي

مشاهدة النسخة كاملة : ذكريات وهضربة عجائز


الصفحات : [1] 2

العلقمابي
03-16-2009, 10:30 AM
ذكريات تاتي من بعيد بعضها بلون داكن من كثرة تراكم السنون عليها0 والحبوبات القاعدات في الدانقه ام خشمين عندنا في منظر عجيب واحدات يضفرن وواحده هناك جايبه السعن تخش في اللبن ونحن طبعا شايلين الكوريات الضغار 000
انا عندي كوريه صغيره(شدويه) واقعد جمب خالتي عشان يدوني الغباشه
والغباشه للحناكيش هي باقي اللبن بعد مايشيلو منو السمن-
وشراب الغباشه لذيذ جدا
والخير كان كتير الغباشه ذاتها تستعمل علف للغنم يخلطوها بي نوا التمر يدقوه ويدوه البهائم
--- بعدين عندي خالتي لمن تدور تجيب القش مابتشيل منجل
تورقو من محلو
وانا اجتر هذه الذكري
اذ تذكرت الصايح
النقر قالو وقع من القطر
والنسوان يتجارن
وداك اليوم خلونا برانا
الناس كاهم جرو اب حمد بي كرعيهم0 ومعانا خالتي كبيره ومابتقدر تمشي
ولقيناها فرصه مع ودخالي عادل وطلقنا خروف الضحيه
والخروف نطح حاجه امنه الجات تشوفنا
:confused::confused::confused::confused::confused:

رباطابية
03-17-2009, 11:03 AM
بوح العجائز احلى بوح وعايزة استأذن واسجل معاكم

العلقمابي
03-17-2009, 11:07 AM
ذكري ابت ان تفارق خيالي رغم بعدها يوم نقلو الوالد الي العالياب 000 وتجهيزات السفر 000 وانا واختي عندنا شنطه جلد حمراء 000 وجاء باص ضمره ووقف بي فوق 000 وخرجت الحله كلها تودع المسافرين0000 وحبوبتي ام امي طبعا ماها من مقرات ومافارق معاها السفر طالما انها ماقاعده في ابوهشيم 0000 الوحيده معاي انا واختي المابتبكي000000000ولحقنا بنطون خمسه000 وقابلنا عمي رحمه الله 000 وودانا بيتو 0000 بي كارو حصان 000وبعدين لمن قطر كريمه جاء وكان زمان يضبطو عليهو الساعة 000 ركبنا في القطر واختي كانت اول مرة تركب القطر 00 انا طبعا ركبتو مره لي عتمور بقطر النقل 000 يعني اول مره اركب قطر ركاب 0000
والقطر قام واذكر كان في وداعنا عمي والقاسم ود بت البخيته وغيرهم 000
ودي كانت فتره عزيزه غادرت فيها مقرات ولمده 8 سنوات لم نعود للبلد نعرفنا فيها بشخصيات

العلقمابي
03-17-2009, 07:59 PM
بوح العجائز احلى بوح وعايزة استأذن واسجل معاكم


اتفضلي المحل محلك
ودايرين نشوف بوح من جيلين

البيت بيتك

أب شخيت
03-18-2009, 08:22 AM
بوح العجائز احلى بوح وعايزة استأذن واسجل معاكم

هوي يا رباطابية:
بوح العجايز زي "أم بوح" البقر..:)..
كوراك بي صوت عالي...
لأنهم بيفتكرو الناس كلهم زيهم إضنين تقيلات...
وكمان طقم الأسنان قاعد يخلي الكلام فيهو كركبة شديدة ومابيتفرز بي سهولة...
والطقم زاتو قاعد يطفّق الجضوم ويخليها تتهوزز مع الكلام...
غايتو بارك الله في جضوم محمد واطه....
وماتنسي لما العجايز ديل لما يتكلمو علا تبعدي منهم مسافه لانو الخشم قاعد يرش...
والحكمة كان بقت السفة خاتّنها مع الطقم...
والله جملتين بس وتكون السفة تطايرت في خلق الله....
وكان الله عتّرك وضحّكتيهو في الحالة دي....
:):):)

دحين لسع دايره تتسجلي معانا.؟.:)..

اللمشي أملا أبريقي دا و أجيكم أباوح معاكم..:).

شمعه الرباطابيه
03-18-2009, 10:05 AM
انا زاتي معاكم ياجماعه انا اصلي تربيه حبوبات يعني مواكبه الحاصل

العلقمابي
03-19-2009, 12:42 AM
انا زاتي معاكم ياجماعه انا اصلي تربيه حبوبات يعني مواكبه الحاصل


الحق يااب شخيت
دي سوتنا مع الحبوبات عددددددددددددددديل
نحن دابنا يابت
يعني سبعينات بس

حبابك عشره بس احكيلنا طفولتك شرطا تبقي ماشفتي الباسطه

شمعه الرباطابيه
03-19-2009, 09:11 AM
الحق يااب شخيت
دي سوتنا مع الحبوبات عددددددددددددددديل
نحن دابنا يابت
يعني سبعينات بس

حبابك عشره بس احكيلنا طفولتك شرطا تبقي ماشفتي الباسطه

الباسطه بري ماشفتها لكين حبوبتي شافتا وبتريده ريده شديده كان نايمه بتصحي ليها كل شي جايز عند العجايز ولاشنو

العلقمابي
03-19-2009, 01:29 PM
الباسطه بري ماشفتها لكين حبوبتي شافتا وبتريده ريده شديده كان نايمه بتصحي ليها كل شي جايز عند العجايز ولاشنو


انتي مادام بت حبوبات يلا ورينا
الغباشه دي شنو؟
والكادق بيختو فيهو شنو؟
والمحجان بيسوبو شنو؟

فلسنجي
03-19-2009, 02:35 PM
السلام عليكم بصوت عاااااااااااااااااالي شان تسمعوني انا ودفلان شان مابتشوفوني
شايفكن كل واحد خاتي ليو علبة تراب تحت كراع سريرو
انا كنت بقطع لي حبوبتي السعف للضفيره واشرب الروب الفي الكادق الفي المعلاق واربط معاها الكنجال
اها بي تقبلوني معاكم

ود الباقير
03-19-2009, 02:59 PM
http://www.wahatalrobatab.com/vb/uploaded/114_01237460194.gif

العلقمابي
03-20-2009, 12:24 AM
http://www.wahatalrobatab.com/vb/uploaded/114_01237460194.gif


شكرا ليك ياراقي

العلقمابي
03-21-2009, 12:31 AM
تم نقل ابي الي العالياب 000
وصلنا في صباح يوم من ايام الله0 من عام 710
كان في استقبالنا الجيران واذكر منهم
- الصادق يوسف الحكمدار من السليمانيه وزوجته واولاده
واحد محسي كان الناظر التاني
وكنا انا واختي فقط
كانت العالياب محطه هامه
فيها دخلت المدرسه
وطبعا ابو يقبلوني لانو عمري 5سنين ونص
بعدين المدير رباطابي قبلني مستمع
وجيت السادس واستمريت
واذكر فيها اب كوع بتاع الدكان والحريرابي بتاع الفرن

بت الكربه
03-21-2009, 05:40 PM
العلقمابي ما احلي كلماتك وما اروع بوح العجايز

انت مبدع حقا

شمعه الرباطابيه
03-21-2009, 06:14 PM
ياسلام دا البوح ولابلاش تسلم

العلقمابي
03-22-2009, 10:40 AM
العلقمابي ما احلي كلماتك وما اروع بوح العجايز

انت مبدع حقا

شكرا

وكبرتي لي راسي

العلقمابي
03-22-2009, 10:43 AM
ياسلام دا البوح ولابلاش تسلم


شكرا ليك
ودايرين العجايز الكبار يبوحو برضو

العلقمابي
03-22-2009, 10:51 AM
-مره الدنيا خريف 000
- وانا جاري وراء ابوي
- وكان الخور نازل
وانا قايلو مويه بسيطه
وشالني ليك
والحق الحق مرقوني
وطرت لي حسع مابقطع خور الا بعد التاكد من قوته
00000
مره لقيت لي حمار مطلوق
قمت ركبت وركبت اماني اختي وراي
والحمار قام عار بينا
وانا نطيت
واماني وقعت فوق حجر
اتفلقت تحت عينها
والدم نازل
وبقت لها علامه لي حسع
وادوني جنس دقه
وبعدين في هذه الفتره
جابو اخوي الصغير
وطبعا جيه ولد تاني في البيت
خلوني من الدلع

العلقمابي
03-22-2009, 07:44 PM
فجأة تذكرت بيتنا في العالياب
كنا انا واختي واخي الصغير
وابي وامي
وحبوبتي وخالتي
ماكنا ندري اننا سننقص واحد
فجاه حبوبه كانت في مناسبه
وجات عندها وجع راس
واليوم داك مارقدت معاها
وما حجتني
وماكنت ادري ان هذا اليوم كان آخر عهدي بها
ماتت اليوم الثاني
اتذكرها بكل مافيها
مره لونه اسمر سمره فاتحه
وعندها شلخ صغير
تذكر حكاويها في ام درمان التي ولدت فيها وتربت
هي اصلا من الترعه ( غرب ابوهشيم)
واتذكر خالي جاء من طوكر
وبكي علي امو بكي شديد
وجن اخواتها واخوها من ام درمان
وكنت رغم زحمه الناس
افتقدها
وافتقدها بشده
كانت عامله لي حمايه من الدق
كانت احن من رايت
ولازال الناس هنا يذكرونها
واذكرها بطريقتي الخاصه

العلقمابي
03-24-2009, 12:43 AM
ياسلام دا البوح ولابلاش تسلم


قووووووووووووووووووولو شي

أسامة
03-24-2009, 02:24 PM
أخي تسرني مشاركاتك القيمة ودعوتك لي وها أنا أدعوك أيضاً في الديون بس ممكن نقعد في دوان ناس الرباطابية وناكل من المنقه

أسامة
03-24-2009, 02:29 PM
أحلى بوح وأشكرك على مشاركاتك القيمة أخي .. وتقبل الدعوة في الديوان ممكن نمشي نقعد في ديوان ناس رباطابية وناكل من المنقه

العلقمابي
03-24-2009, 03:18 PM
أخي تسرني مشاركاتك القيمة ودعوتك لي وها أنا أدعوك أيضاً في الديون بس ممكن نقعد في دوان ناس الرباطابية وناكل من المنقه

شكرا علي مرورك الانيق

الرباطابيه زاته من ناس لندن

ديوان جدها
دا المعروف
وديوان عمد

ادخل حبابك
والجد قاعد

العلقمابي
03-24-2009, 03:29 PM
قامو نقلو ابوي من العالياب لي محطه قنب الحلاوين 00 وطبعا ادونا عربيه قطر 000 وركبنا القطر واذكر يوم الوداع جات جارتنا فاطمه بت الامين زوجة الحكمدار المرحوم الصادق يوسف من السليمانيه تبكي وهي شاعره تغني:
بنات النقر
الشالكن القطر
ادوه التابلت وصفر
والكمساري ليهو اشر
ياحليلكن
سعاد الفنجريه
وامنه البرمكيه
و0000 واماني يفتحو النيه
(محل النقط دا اسمي)
والناس دي تبكي والقطر قام ، وتركونا تحت كبري المسلميه وجو اهل امي من امدرمان قيلو معانا
وبعد يومين قطرونا ووصلنا قنب واول مره نجي في البلد وكان المدارس فاتحه وارجونا الرباطاب اهل اب شخيت وامو واخواتو ومعاهم عداد البضاعه من الجريف اسمو محمد العوض غباش وزوجتو قمر
وعائله اب شلعه وهم رباطاب من مقرات واستوطن قنب من المهديه وله ولاد وبنات كبار وهو يشبه صوره عثمان دقنه 000 راجل ضخم وشايب 0
طبعا اب شخيت بيتذكر احسن مني لانو انا لمن جينا قنب كنت في تانيه ابتدائي
ونجي لي قنب وذكرياته واتمني من اب شخيت ان يعينني علي الذكري

العلقمابي
03-26-2009, 10:17 PM
تاني يوم ابوي ودانا المدرسه وكانت بين الحله وطريق مدني 000 واول مره اشوف الحواشات شمال المدرسه0000 وعاينت شفت لي دخان كتير جهه الشرق بعد البحر قلت الناس ديل حرقو قالولي دي مدخنه مصنع سكر الجنيد0000

بمناسبه مصنع الجنيد فيه جنس قصب

نمشي نقطع الشرق ونجيب القصب
ونغفل غفير البنطون
وتمسك قصبتك وجنس جري
ماتقيف الا في شارع الظلت

وجنس جريه من الظلت مانقيف الا جمب الترب
ومنها الي المحطه

العلقمابي
03-28-2009, 12:23 AM
في موسم القطن جو قالو الطلبه يحصدو
كم حواشه لصالح المدرسه
ويدونا حلاوة
بعدين حواشه حواشتين ما ادونا
قامو ولاد سادسه وخامسه
قالو ارمو القطن في الواطه
وارفعوه تاني عشان يتوسخ
وناس المشروع
رفضو الطلبه
ودي اول غتاته نعرفها

العلقمابي
03-28-2009, 03:21 PM
فجاة تذكرته
بقامته الطويله ولونه الفاحم
يلبس هدوم مرقعه000
اظني كان درويش وفوت طوالي
يجي يقعد قدام ديوان جدي العالي
ويرقد في المسطبه
--
ونجي نحن صغار نغني ليه من بعيد

اب عبلات تعال بي جاي
الله عليك ترمي ايديك

والغريبه يقوم يرقص فيها
ويسكنا
ونجري ندخل البيوت
وتاني نجيهو

كرداس
03-31-2009, 11:45 PM
زي مادخلنا مرقنا يمكن عشان نحنا ماعجايز

ود الباقير
04-01-2009, 01:18 AM
زي مادخلنا مرقنا يمكن عشان نحنا ماعجايز


دخلت ما بتمرق ساكت وين شمعه

العلقمابي
04-02-2009, 08:40 PM
دخلت ما بتمرق ساكت وين شمعه

نحن ماعجايز

دي ذكريات طفوله
يلا ياود الباقير اتذكر

العلقمابي
04-02-2009, 08:47 PM
دخلت ما بتمرق ساكت وين شمعه

نحن ماعجايز

دي ذكريات طفوله
يلا ياود الباقير اتذكر

العلقمابي
04-04-2009, 05:34 PM
المسافه قريبه بين قنب والحصاحيصا
وعندنا اهلنا هناك ساكنين جوار مركز البوليس بين السكه حديد والظلت
وبنمشي طوالي
مره مرقت دعايه قالو المرفعين عضالو بت
ومن يومها بقينا لو مشينا الحصاحيصا بس حدنا السوق
جيهة المستشفي مابنمشي
وللحصاحيصا موقع في قلبي
بها الاهل
والباسطه والحلويات
وكنت بدي اب شخيت معاي

العلقمابي
04-13-2009, 12:28 PM
يوم كدي وانا عندي سمايه لي بنتي الكبري 000 وبعدها جوني ناس الدفاع الشعبي وقالو الجنوب داير ناس0000 قمنا مشينا بي قافله ووصلنا الخرطوم نص النهار واستقبلونا قدام وزارة الدفاع ومنها للمنسقيه وصرفنا السلاح وللطيارة عدل000 لقينا مافي طيران بتنا في صاله الحجاج والصباح لقينا نسوان بيسون الزلابيا والشاي شربنا ورسلت لي اخوي الاصغر وكان بجمارك المطار وجاء وطبعا كانت له مفاجاة 000
المهم قلت ليهو قول للوالده رحمها الله اني داير اوصل حاجات وجاي وان تتركو للظروف ان تخبرها بذلك
واتذكر جونا ناس ساحات الفداء وكان معي الشهيد ماجد كامل وقلت ليهو امش انضم انت اصلك حتستشهد والطيارة قامت حوالي السادسة مساء وطيارة شحن طبعا كلها حاجات تزلق ----
وصلنا جوبا ليلا ونزلونا في الجامعه في الحوش ساكت لاغرف ولاحاجه قالو مليانه
----------فترت بعدين بواصل

أسامة
04-13-2009, 01:41 PM
يوم كدي وانا عندي سمايه لي بنتي الكبري 000 وبعدها جوني ناس الدفاع الشعبي وقالو الجنوب داير ناس0000 قمنا مشينا بي قافله ووصلنا الخرطوم نص النهار واستقبلونا قدام وزارة الدفاع ومنها للمنسقيه وصرفنا السلاح وللطيارة عدل000 لقينا مافي طيران بتنا في صاله الحجاج والصباح لقينا نسوان بيسون الزلابيا والشاي شربنا ورسلت لي اخوي الاصغر وكان بجمارك المطار وجاء وطبعا كانت له مفاجاة 000
المهم قلت ليهو قول للوالده رحمها الله اني داير اوصل حاجات وجاي وان تتركو للظروف ان تخبرها بذلك
واتذكر جونا ناس ساحات الفداء وكان معي الشهيد ماجد كامل وقلت ليهو امش انضم انت اصلك حتستشهد والطيارة قامت حوالي السادسة مساء وطيارة شحن طبعا كلها حاجات تزلق ----
وصلنا جوبا ليلا ونزلونا في الجامعه في الحوش ساكت لاغرف ولاحاجه قالو مليانه
----------فترت بعدين بواصل
"]]زكرتني والله رحلتي إلى جوبا ، من الأشياء التي لا يمكن أن أنساها هذه الرحلة الجميلة في عام 1997 لمدة شهر طفت خلال كافة أرجاء الاستوائية من جوبا لتوريت لتركاكا للوي ومناطق أخرى بعيدة جدا وسط الجنوب وعلى مشارف نمولي رحلة جميلة سوف أحكي عنها لاحقا في هذا البوست بوح العجائز بس بعد لما تكمل أنت رحلتك [/siz[/SIZE]e]

أسامة
04-13-2009, 01:46 PM
] أستعد يا بوح العائز مع زكرياتي في رحلة إلى جنوب السودان سوف أحكيها لكم بالتفصل الممل والشيق ، زي حكاية ما زال أبو فانوس يتجول ليلا في مقرات[/size]
والزكريات الأخرى رحلة إلى بحر الغزال ، حيث كان لمدة اربعة أيام وفيها طريف

رباطابية
04-13-2009, 01:57 PM
انا خوافة شديد من الناس ذي المولودة في خلا

مرة جاء راجل في بيتنا ومافي زول غيرنا انا وامي بيتنا القديم كان وسط رمال يعني بتشوف الزول من برة الراجل كان بشبة اجدادي من امي شديد نفس الشكل وكمان لابس شال كبير ابيض(بسموه التوب) يعني في كل شئ هو جدي جريت عشان استقبلوا لمن قربت اصل الباب وانا شايفاهو بالحيطة وهو شايفني قلت ليه اهلا ياجدي رد علي تعالي اديني خبرك عرفت الصوت غريب ومن جنبوا وجرية وااااااحدة دخلت كوركت في امي وكانت جوة الاوضة اطلعي اطلعي اوب عليكي جاكي امي اتخلعت وماعرفت تتصرف وانا ماقادرة افهمة اي شئ بس شابكاها جاااااااااااكي اجري قبل ماتلبسي توبك امي طلعت معاي جريتة من يدها عشان ماتمشي ليها وبالباب التحت جرينا دخلنا بيت عمي والراجل يهرج انا محنون عشان تجروا مني عمي طلع لية لقاها فعلا زول بلد وصاحب جدي وعايز يسأل من البيت وقعد في الاعتذار وعمي نكرني قال ليه دي ضيفة عندنا جاية من الصعيد ومابتعرف الناس وبالجلالة حتى الراجل رضى :)

العلقمابي
04-13-2009, 02:01 PM
يوم كدي وانا عندي سمايه لي بنتي الكبري 000 وبعدها جوني ناس الدفاع الشعبي وقالو الجنوب داير ناس0000 قمنا مشينا بي قافله ووصلنا الخرطوم نص النهار واستقبلونا قدام وزارة الدفاع ومنها للمنسقيه وصرفنا السلاح وللطيارة عدل000 لقينا مافي طيران بتنا في صاله الحجاج والصباح لقينا نسوان بيسون الزلابيا والشاي شربنا ورسلت لي اخوي الاصغر وكان بجمارك المطار وجاء وطبعا كانت له مفاجاة 000
المهم قلت ليهو قول للوالده رحمها الله اني داير اوصل حاجات وجاي وان تتركو للظروف ان تخبرها بذلك
واتذكر جونا ناس ساحات الفداء وكان معي الشهيد ماجد كامل وقلت ليهو امش انضم انت اصلك حتستشهد والطيارة قامت حوالي السادسة مساء وطيارة شحن طبعا كلها حاجات تزلق ----
وصلنا جوبا ليلا ونزلونا في الجامعه في الحوش ساكت لاغرف ولاحاجه قالو مليانه
----------فترت بعدين بواصل
"]]زكرتني والله رحلتي إلى جوبا ، من الأشياء التي لا يمكن أن أنساها هذه الرحلة الجميلة في عام 1997 لمدة شهر طفت خلال كافة أرجاء الاستوائية من جوبا لتوريت لتركاكا للوي ومناطق أخرى بعيدة جدا وسط الجنوب وعلى مشارف نمولي رحلة جميلة سوف أحكي عنها لاحقا في هذا البوست بوح العجائز بس بعد لما تكمل أنت رحلتك [/siz[/SIZE]e]

] أستعد يا بوح العائز مع زكرياتي في رحلة إلى جنوب السودان سوف أحكيها لكم بالتفصل الممل والشيق ، زي حكاية ما زال أبو فانوس يتجول ليلا في مقرات[/size]
والزكريات الأخرى رحلة إلى بحر الغزال ، حيث كان لمدة اربعة أيام وفيها طريف

حبابك عشره
والجنوب بلد جميل جدا
بس ايام الحرب حاجه صعبه
ارجو ان تكتب طوالي وماتنتظرني

العلقمابي
04-13-2009, 02:04 PM
انا خوافة شديد من الناس ذي المولودة في خلا

مرة جاء راجل في بيتنا ومافي زول غيرنا انا وامي بيتنا القديم كان وسط رمال يعني بتشوف الزول من برة الراجل كان بشبة اجدادي من امي شديد نفس الشكل وكمان لابس شال كبير ابيض(بسموه التوب) يعني في كل شئ هو جدي جريت عشان استقبلوا لمن قربت اصل الباب وانا شايفاهو بالحيطة وهو شايفني قلت ليه اهلا ياجدي رد علي تعالي اديني خبرك عرفت الصوت غريب ومن جنبوا وجرية وااااااحدة دخلت كوركت في امي وكانت جوة الاوضة اطلعي اطلعي اوب عليكي جاكي امي اتخلعت وماعرفت تتصرف وانا ماقادرة افهمة اي شئ بس شابكاها جاااااااااااكي اجري قبل ماتلبسي توبك امي طلعت معاي جريتة من يدها عشان ماتمشي ليها وبالباب التحت جرينا دخلنا بيت عمي والراجل يهرج انا محنون عشان تجروا مني عمي طلع لية لقاها فعلا زول بلد وصاحب جدي وعايز يسأل من البيت وقعد في الاعتذار وعمي نكرني قال ليه دي ضيفة عندنا جاية من الصعيد ومابتعرف الناس وبالجلالة حتى الراجل رضى :)

هههههههههههههههههه
انتي كان قعدتي في البلد
كان بقي قلبك زي الحديد
اتحنكشتي
حسع اكان زمن الملك اكنتي بي تجري

الكلام دا كان سنة 59 علي ما اعتقد

رباطابية
04-13-2009, 02:07 PM
هههههههههههههههههه
انتي كان قعدتي في البلد
كان بقي قلبك زي الحديد
اتحنكشتي
حسع اكان زمن الملك اكنتي بي تجري

الكلام دا كان سنة 59 علي ما اعتقد

والله وانا في البلد خوافة زمن المدرسة لو لقينا زول مابنعرفو في الشارع بنقول ليه السلام عليكم لو مارد السلام بنخلي ليه الدرب :)

العلقمابي
04-13-2009, 02:11 PM
والله وانا في البلد خوافة زمن المدرسة لو لقينا زول مابنعرفو في الشارع بنقول ليه السلام عليكم لو مارد السلام بنخلي ليه الدرب :)

هههههههههههههه
مع انو حقو تخافي في الخرطوم
البلد امان شديد

شمعه الرباطابيه
04-13-2009, 07:08 PM
دخلت ما بتمرق ساكت وين شمعه

قاعده لكين العجايز ديل مامدني فرصه معاهم

العلقمابي
04-13-2009, 11:08 PM
قاعده لكين العجايز ديل مامدني فرصه معاهم

الفرصه عندك
خاصه انتي مدثر قالي
قديمه وبت حبوبات

العلقمابي
04-14-2009, 12:06 AM
رقدنا في الحوش وبعد شويه جمعونا وقالو عاوزين عدد يجيب العشاء
انا افتكرت شيل صواني وبس مرقت شلهمه ساكت
جدعونلنا حله ودقيق وحطب وقالو اعملو (الباشنقو)
دا شنو
المهم سالناجاي جاي ورونا
عملنا العصيده بالعسل والطحنيه
وضربنا ليك جنس ضرب
وصرفولنا بطانيه وناموسيه
ورقدنا
حسسونا نص الليل وقالو في جرحي تعالو نزلزهم
جنس دم وقطيع
لي قريب الصباح
ومعانا واحد زي الزهلل كدي
المهم الصباح الطابور جمع
كنا اغلبنا من ولايه نهر النيل
قسمونا الي مجموعتين
مجموعتا قالو تتحرك الي النجم الثاقب
وجابو عربات الجيش الكبيره (zy) ولقينا فيها عساكر جيش
نحنا ماشين وين والنجم الثاقب دا شنو
قالو الي شمال منقلا
- منقلا اللت التاريخ والجغرافيا
- تحركنا وقطعنا كبري جوبا
- واحد من العساكر منصوري من القناويت قعدت جمبو
قال المتحرك في منقلا ويستعد لضرب المعسكرات من منقلا الي بور
اصلو الخوارج احتلوها منذ فتره
ومرينا بي قمبا- مقري - الجابوري صلينا فيها ولقينا فيها ناس خدمه وطنيه
- وصلنا منقلا ورايناها قبل المغيب - مصانع مدمره والدفاعات فوق البحر
- جابولينا كوجه اكلناها ورقدنا في الواطه تحت نيم كتير
- جانا واحد قال قدامكم خوارج ماليهم حد
- ادروب قالو حسع في داعي تزهللنا وكان من كسلا راجل لذيذ بشكل عجيب
- وصبحنا وجابو لينا العتاد والزخيره وورونا نمشي كيف وشكونا شك وسط ناس الجيش0-
- واتحركنا صوب اول محلات الخوارج وتسمي(كرسمبا) وجنس خبت
-----------------------نتم بعدين

بت الكربه
04-14-2009, 12:15 AM
العلقمابي..........
امتعتنا والله,

العلقمابي
04-14-2009, 12:21 AM
العلقمابي..........
امتعتنا والله,

مشكوووووووووووووووووووره يابنتنا
عمك ادقش في الدنيا دي كتير
رغم انو عمري ماهو كبير
ولسع حاتقري هنا حاجات تخوف
ومره تبكي ومره تضحك حصلت لينا في الجنوب

بت الكربه
04-14-2009, 12:26 AM
مشكوووووووووووووووووووره يابنتنا
عمك ادقش في الدنيا دي كتير
رغم انو عمري ماهو كبير
ولسع حاتقري هنا حاجات تخوف
ومره تبكي ومره تضحك حصلت لينا في الجنوب

في انتظارك عمي
انا من اشد المعجبين بالعجايز داخل الواحه وخارجه

ورينا بوحك يا عجوز

وخلينا في داخلك النعاين

أسامة
04-14-2009, 12:30 AM
- جانا واحد قال قدامكم خوارج ماليهم حد
- ادروب قالو حسع في داعي تزهللنا وكان من كسلا راجل لذيذ بشكل عجيب
- وصبحنا وجابو لينا العتاد والزخيره وورونا نمشي كيف وشكونا شك وسط ناس الجيش0-
- واتحركنا صوب اول محلات الخوارج وتسمي(كرسمبا) وجنس خبت-----------------------نتم بعدين[/size][/font][/quote]

هههههههههههههههه
واصل نحنا في النتظار .. بس ما تكون قلت الحقوني أنا استشهدتا
أمتعتنا بأسلوبك الرائع

شمعه الرباطابيه
04-14-2009, 09:56 AM
الفرصه عندك
خاصه انتي مدثر قالي
قديمه وبت حبوبات

انا ماني اقدم منو وبعدين مدثر دا اليصبر لي بوريهو ليهو

العلقمابي
04-14-2009, 12:24 PM
في انتظارك عمي
انا من اشد المعجبين بالعجايز داخل الواحه وخارجه

ورينا بوحك يا عجوز

وخلينا في داخلك النعاين

- جانا واحد قال قدامكم خوارج ماليهم حد
- ادروب قالو حسع في داعي تزهللنا وكان من كسلا راجل لذيذ بشكل عجيب
- وصبحنا وجابو لينا العتاد والزخيره وورونا نمشي كيف وشكونا شك وسط ناس الجيش0-
- واتحركنا صوب اول محلات الخوارج وتسمي(كرسمبا) وجنس خبت-----------------------نتم بعدين[/size][/font]

هههههههههههههههه
واصل نحنا في النتظار .. بس ما تكون قلت الحقوني أنا استشهدتا
أمتعتنا بأسلوبك الرائع[/quote]

انا ماني اقدم منو وبعدين مدثر دا اليصبر لي بوريهو ليهو

مشكوووووووووووووووووووووورين
وامل ان لا تملوا من كلامي

العلقمابي
04-14-2009, 12:37 PM
- اتحركنا الصباح في شكل صندوق ووزعونا وسط العساكر
- مشينا حوالي ساعتين وكل مره العساكر ينظفو بالرصاص قدامنا
- العربات والمدفعيه في النص علي الشارع المردوم
- انا كنت في الجانب الايمن وجمبي دبوره المحامي من عطبره
- وبدون سابق انذار اتفتحت طاقه جهنم فوقنا رصاص تقيل
- الضابط قال احرسو مواجهتكم دي وماعندكم شغله بالجهات الاخري ان احتجنا لدعم بنجيكم
- القائد مننا رباطابي فارس وشجاع
- استمر الضرب حوالي الساعه من 3 اتجاهات
- الزول الجمبي انضرب في ايدو 00 ربطتها ليه ونحن راقدين بي شاله كنت رابطه في نصي
- بعد شويه الجماعه جرو
- قمنا نطارد فيهم بجهة الخلا الجهة الكنا نحن فيها
- لقينا كترة جثث وواحدين مجرحين ونسوان وشفع
- بعدها مشينا حوالي نصف ساعه وارتكزنا لانو في معسكر خوارج قدامنا والمدفعيه ابتدت تضرب فيهم
وتحركنا ومالقينا ضرب
- بعدها كانت في مقاومه في قريه اسمها (فكر)
- بعدين المغرب قرب كل زول حفر ليه حفره في محلو ونوم مافي لحدي الصباح
- الصباح وقبل نتحرك لقينا الرصاص انفتح فوقنا تاني والمسافه قريبه بقينا نضرب فيهم
وجرو
- اصبحنا قصاد قريه(ديار) لقينا خنادق الخوارج محفوره وهم جرو
- جينا قريه (جوجا ) ومنها اكبر معسكر للخوارج 00 اشتغلو فيهم ناس المدفعيه ضرب تقيل
ولمن هجمنا عليهم استمر الضرب 3 ساعات 00 قامو جرو تجاه (سودان سفاري)
- قعدنا يومنا دا كلو نلقط في الحاجات الخلوها وجرو
- واعاد القائد ترتيب المعسكر وبتنا في جميزه اكبر معاقل التمرد في شمال الاستوائيه
---------------------------------
نواصل

أسامة
04-19-2009, 08:36 AM
وينك مالك سكت عن البوح
متابعنك ... أها بعد جميزه الحصل شنو

أب شخيت
04-19-2009, 08:59 AM
يبدو أنا نمت وفاتني قطر العجايز دا...
لأني صراحة ماقاعد أدخل كل الأقسام...
وحسع البوست دا بجيهو من بدايتو بعد أخلص من الفي إيدي دا...
ماتفوتوني كتير بي وراي...

أسامة
04-19-2009, 02:20 PM
يبدو أنا نمت وفاتني قطر العجايز دا...
لأني صراحة ماقاعد أدخل كل الأقسام...
وحسع البوست دا بجيهو من بدايتو بعد أخلص من الفي إيدي دا...ماتفوتوني كتير بي وراي...

أنا بقول واله البوست دا ناقص زول ..
شوف العلقمابي دا بحجينا كيف ..
بوح عجائز بالجد .. يا عجوز
البوست دا أنت لو جيته الناقصه تمت
حايكون بوح عجائز صح

أبشخيث جااااااااااااااااااااااااااااااااكم

ما تتأخر

أب شخيت
04-19-2009, 05:29 PM
طبعا اب شخيت بيتذكر احسن مني لانو انا لمن جينا قنب كنت في تانيه ابتدائي
ونجي لي قنب وذكرياته واتمني من اب شخيت ان يعينني علي الذكري

نحن قعدنا في قنب 1977-1978...
جيناها من أتبرا...
وأذكر يومنا النزلنا من عربية البضاعة الوكت كان ضهر....
نزلنا جعانين خلاص....
جاتنا مرة جارنا (شاويش) شايلاله صحن كبير مغطياهو بي كبديق ألّيل أُسطُّبة...
ساعة فتحناهو لقيناهو مزرود كسرة بي ملاح خدرة مفروكة...
والله الخدرة دي لايوم الليله طعمه في خشمي من الحلاوة الفيها.:)..
إتزردنا فيها لامن فضّلنا الباقي...
وبالمغرب جوني ولاد المحطة...
ناس ولاد عمنا (تيه) "عوض وعبود" وولاد عمنا (عوض سليمان)...
ساقوني ومشينا للحلة تحت لي دكان (مضوّي)...
هناك شفت لي أغرب منظر في حياتي....
رادي كبييييييييييير وفيهو صورة بالأبيض والأسود وفيهو ناس بيتكلموا زي السينما المتجولة...
وكمان جابلو نشرة أخبار....
أنا عملت فيها شايف الداهية دي قبل كدي.:)..
وإتفرجخت فوق الواطه السوداء ديك المشققة..:)..
الجماعة ما خلوني أتم الفرجة قالوا لي أراحكا لأنو التلفزيون الليلة برامجو ما كويسة...
"هو بالله الشي دا ماهو السينما المتجولة الكانو بيجيبولنا فيها عبود..؟:).."
دا كلام قلتو بيني وبين نفسي...
نان بتفضحلهم و أنا عندي "شهادة من ناس اللوحات" لما عملنا إحتفال الإستقلال في أتبرا السنة الفاتت..:)..
قمت معاهم بعد قلت ليهم:
- أصلو التلفزيون دا اليومين ديل أفلامو ماها كويسة...:):):)..
و مرقت معاهم...
وأنا قاعد أحفظ في درب الرجوع للتلفزيون الشين يا قولن..:)..
إتذكر في طريقنا غشينا النادي البين الحلة والمحطة العندو حوش بتاع شوك....
قلت ليهم أنا داير أمشي البيت لأني تعبان من السفر....
قالوا لي بي تخبر الدرب؟...رديت عليهم "كيفن ما بخبرو..!!"..
ومشيت منهم لامن بلعتني الضلمة...
وعضّيت جلابتي ويا تلفزيون مضوي جاك البلاء..:):):)..
الغريبة ما تميت لي يجي ساعة زمن بلاء لقيتلك الولاد المسانيح ديل واقفين فوق راسي..:)..
مابعرفن خبروني هني كيفن..:)..
المرة دي راعوا حالتي وخلوني شبعت من أفلام التلفزيون.:)..
وكمان شفت الفنانة تغني في الفلم :
"النميري عااااااد..
النميري عاد جيد ليا..
النميري عاد بي سلاح الدبابات جيد لي.."...
.......:):):)

وأنا غايتو بعود ليكم تاني بسلاح الكيبورد..:)..

ديك الجن
04-19-2009, 07:50 PM
نحن قعدنا في قنب 1977-1978...
جيناها من أتبرا...
وأذكر يومنا النزلنا من عربية البضاعة الوكت كان ضهر....
نزلنا جعانين خلاص....
جاتنا مرة جارنا (شاويش) شايلاله صحن كبير مغطياهو بي كبديق ألّيل أُسطُّبة...
ساعة فتحناهو لقيناهو مزرود كسرة بي ملاح خدرة مفروكة...
والله الخدرة دي لايوم الليله طعمه في خشمي من الحلاوة الفيها.:)..
إتزردنا فيها لامن فضّلنا الباقي...
وبالمغرب جوني ولاد المحطة...
ناس ولاد عمنا (تيه) "عوض وعبود" وولاد عمنا (عوض سليمان)...
ساقوني ومشينا للحلة تحت لي دكان (مضوّي)...
هناك شفت لي أغرب منظر في حياتي....
رادي كبييييييييييير وفيهو صورة بالأبيض والأسود وفيهو ناس بيتكلموا زي السينما المتجولة...
وكمان جابلو نشرة أخبار....
أنا عملت فيها شايف الداهية دي قبل كدي.:)..
وإتفرجخت فوق الواطه السوداء ديك المشققة..:)..
الجماعة ما خلوني أتم الفرجة قالوا لي أراحكا لأنو التلفزيون الليلة برامجو ما كويسة...
"هو بالله الشي دا ماهو السينما المتجولة الكانو بيجيبولنا فيها عبود..؟:).."
دا كلام قلتو بيني وبين نفسي...
نان بتفضحلهم و أنا عندي "شهادة من ناس اللوحات" لما عملنا إحتفال الإستقلال في أتبرا السنة الفاتت..:)..
قمت معاهم بعد قلت ليهم:
- أصلو التلفزيون دا اليومين ديل أفلامو ماها كويسة...:):):)..
و مرقت معاهم...
وأنا قاعد أحفظ في درب الرجوع للتلفزيون الشين يا قولن..:)..
إتذكر في طريقنا غشينا النادي البين الحلة والمحطة العندو حوش بتاع شوك....
قلت ليهم أنا داير أمشي البيت لأني تعبان من السفر....
قالوا لي بي تخبر الدرب؟...رديت عليهم "كيفن ما بخبرو..!!"..
ومشيت منهم لامن بلعتني الضلمة...
وعضّيت جلابتي ويا تلفزيون مضوي جاك البلاء..:):):)..
الغريبة ما تميت لي يجي ساعة زمن بلاء لقيتلك الولاد المسانيح ديل واقفين فوق راسي..:)..
مابعرفن خبروني هني كيفن..:)..
المرة دي راعوا حالتي وخلوني شبعت من أفلام التلفزيون.:)..
وكمان شفت الفنانة تغني في الفلم :
"النميري عااااااد..
النميري عاد جيد ليا..
النميري عاد بي سلاح الدبابات جيد لي.."...
.......:):):)

وأنا غايتو بعود ليكم تاني بسلاح الكيبورد..:)..

تشلم ياحاج أب شخيت يا خوي والله زكرتنا زمنناً شمح بالحيل

العلقمابي
04-19-2009, 08:33 PM
نحن قعدنا في قنب 1977-1978...
جيناها من أتبرا...
وأذكر يومنا النزلنا من عربية البضاعة الوكت كان ضهر....
نزلنا جعانين خلاص....
جاتنا مرة جارنا (شاويش) شايلاله صحن كبير مغطياهو بي كبديق ألّيل أُسطُّبة...
ساعة فتحناهو لقيناهو مزرود كسرة بي ملاح خدرة مفروكة...
والله الخدرة دي لايوم الليله طعمه في خشمي من الحلاوة الفيها.:)..
إتزردنا فيها لامن فضّلنا الباقي...
وبالمغرب جوني ولاد المحطة...
ناس ولاد عمنا (تيه) "عوض وعبود" وولاد عمنا (عوض سليمان)...
ساقوني ومشينا للحلة تحت لي دكان (مضوّي)...
هناك شفت لي أغرب منظر في حياتي....
رادي كبييييييييييير وفيهو صورة بالأبيض والأسود وفيهو ناس بيتكلموا زي السينما المتجولة...
وكمان جابلو نشرة أخبار....
أنا عملت فيها شايف الداهية دي قبل كدي.:)..
وإتفرجخت فوق الواطه السوداء ديك المشققة..:)..
الجماعة ما خلوني أتم الفرجة قالوا لي أراحكا لأنو التلفزيون الليلة برامجو ما كويسة...
"هو بالله الشي دا ماهو السينما المتجولة الكانو بيجيبولنا فيها عبود..؟:).."
دا كلام قلتو بيني وبين نفسي...
نان بتفضحلهم و أنا عندي "شهادة من ناس اللوحات" لما عملنا إحتفال الإستقلال في أتبرا السنة الفاتت..:)..
قمت معاهم بعد قلت ليهم:
- أصلو التلفزيون دا اليومين ديل أفلامو ماها كويسة...:):):)..
و مرقت معاهم...
وأنا قاعد أحفظ في درب الرجوع للتلفزيون الشين يا قولن..:)..
إتذكر في طريقنا غشينا النادي البين الحلة والمحطة العندو حوش بتاع شوك....
قلت ليهم أنا داير أمشي البيت لأني تعبان من السفر....
قالوا لي بي تخبر الدرب؟...رديت عليهم "كيفن ما بخبرو..!!"..
ومشيت منهم لامن بلعتني الضلمة...
وعضّيت جلابتي ويا تلفزيون مضوي جاك البلاء..:):):)..
الغريبة ما تميت لي يجي ساعة زمن بلاء لقيتلك الولاد المسانيح ديل واقفين فوق راسي..:)..
مابعرفن خبروني هني كيفن..:)..
المرة دي راعوا حالتي وخلوني شبعت من أفلام التلفزيون.:)..
وكمان شفت الفنانة تغني في الفلم :
"النميري عااااااد..
النميري عاد جيد ليا..
النميري عاد بي سلاح الدبابات جيد لي.."...
.......:):):)

وأنا غايتو بعود ليكم تاني بسلاح الكيبورد..:)..

والله قصه
بس تذكر نحن الصغار عاملين فرقه غناء
واشترينا بنقز ودربكه
والبروفات في الجنينه الفاضيه
البي ضهر بيوتكم

العلقمابي
04-20-2009, 12:21 PM
بعد ذلك قعدنا في المعسكر والحراسة نهاريه لمده ساعتين في طرف الغابه وحراسة ليله ديدبان لمدة ساعه وطوف نهاري يوم بعد يوم الي ثلات مواقع 0000
- طبعا الانتظار ممل جدا نتوقع الخوارج في اي لحظة
-الخنادق والحذر
- الكوجا والباشنقوه دا الاكل
- بعدين المجاهدين عندهم تعيينات وتحسينات المهم قمنا فصلنا تحسينات المجاهدين وبقينا نمشي مع الطوف الي جوبا وعملنا مخزن صغير ومسكناه انا ومحمد ابراهيم
- بعدين يوم الدغش ضرب لغم من الالغام المزروعة حول المعسكر وجنس جري للخنادق ولقينا الخزن بتاعتنا مافي الجماعه اتخلعو ---- مشيت زاحف لي خندق ادروب لقيت خزن الجماعه كلها عندو جبتها وجيت ليهم 000
- ادروب طبعا زول لذيذ قالي الناس دي بتعرف تعبي سريع وانا بطي
-في الصباح اتلقت غزاله طافشه لما فيها اللغم فرتكه حته حته
- طبعا عساكر المظلات اكلوها-
- المره التانيه بقينا نسمع صوت من البحر --- اتاريها (عيست) (فرس بحر ) كمان عملت فينا جنس عمايل
ادروب يوم ضرب فيها مجموعه وقفوه ادارة داخليه في البعوضه وواقف علي حيلو وهو طبعا خايف من تجيهو طلقه من الخوارج 000
-بعدين قمنا سوينا مسجد للجيش
- والقائد قال لي نعمل فصل محو اميه للعساكر ومشيت جوبا لي ناس الزكاة اشترولي الكراسات وجابو الكتب والسبوره والطباشير وبقيت لمن اكون قاعد ادرس لهم (عندي معرفه بطريقه تدريس الكبار استفدت منها) ويساعدني 2 من المعلمين المعانا
- نووووووووووووووووووووووواصل

العلقمابي
04-20-2009, 11:18 PM
- يوم 25 ديسمبر 1995 يوم لاينسي سمعنا ضرب في معسكر فرياك بتاع الخوارج دورو الدوشكات براهم وقتلو قائدهم ويليام نون
- هاجمنا في الصباح منطقه مابعرف اسمها كان فيها خوارج كتار جايين يحتفلو بالعيد بتاعهم
- مرض بعد يومين دبوره المحامي وجاتو حساسيه
- جلست يوما عند شجرة الديدبان وجاءني الرقيب بريمه واتونسنا وقال انو جاء في لواء الردع وهو الذي استشهد ابن خالي وكانت المفاجأة انني اجلس جوار قبره

أب شخيت
04-20-2009, 11:47 PM
جلست يوما عند شجرة الديدبان وجاءني الرقيب بريمه واتونسنا وقال انو جاء في لواء الردع وهو الذي استشهد ابن خالي وكانت المفاجأة انني اجلس جوار قبره

اللهم تقبله عندك في زمرة الشهداء المكرّمين....
أتابع ما تكتب عن فترة الجنوب...وأنا لا أزال بمحطة قنب....
سأفرغ أولاً من قنب ثم آتيك للجنوب...
فلدي توثيق مباشر باليوم والساعة والدقيقة لكامل العام 1993...
سأحاول أن أنشر بعضه هنا...

العلقمابي
04-20-2009, 11:52 PM
اللهم تقبله عندك في زمرة الشهداء المكرّمين....
أتابع ما تكتب عن فترة الجنوب...وأنا لا أزال بمحطة قنب....
سأفرغ أولاً من قنب ثم آتيك للجنوب...
فلدي توثيق مباشر باليوم والساعة والدقيقة لكامل العام 1993...
سأحاول أن أنشر بعضه هنا...

اي عليك الله
اسلوبك جميل جدا في الكتابه
فضي نفسك لينا في البوست دا

أب شخيت
04-21-2009, 12:18 AM
وعاينت شفت لي دخان كتير جهه الشرق بعد البحر قلت الناس ديل حرقو قالولي دي مدخنه مصنع سكر الجنيد0000
بمناسبه مصنع الجنيد فيه جنس قصب
نمشي نقطع الشرق ونجيب القصب
ونغفل غفير البنطون
وتمسك قصبتك وجنس جري
ماتقيف الا في شارع الظلت
وجنس جريه من الظلت مانقيف الا جمب الترب
ومنها الي المحطه

بدت مواهبنا التجارية البسيطة في عطبرة...
كنا بنجيب الدفيق الأخدر نسويهو عقود ونبيعو في سوق الداخلة.:)..
العقد بي تعريفة....
اليوم كلو دخلك مايلحق قرش..:)..
أها لما مشينا قنّب إتنوعت البضاعة:
شي قصب سكر مسروق.:)..
شي برنجي في الكمبو.:)..
شي جازولين غارفنّو من بطن الفنطاز..:).
شي شاي سادة فيهو جنزبيل...
شي هبّابات أُسْطّبّه...
حسع ما دام جبت سيرة قصب الجنيد خلينا نعوم فوق عومك:
جماعة المحطة كنا بنقطع البانطون للشرق محل المصنع...
كل واحد شايل ليهو شوال خيش و منجل...
نمشي نقيف في الطريق الترابي الرابط بين المصنع ومزارع القصب...
تجينا التركترات القديمة ديك جارة ليها ترلات مستّفة قصب سكر ناقلنّو للمصنع...
الواحد يتمعط وراء الترلة زي جماعة "ولاد الريف رمّولنا رغيف..:).."...
تلحق الترلة وتمسك ليك قصباية و تدق فرامل...
القصباية تتملص من الترلة الماشة...
نمشي ندس القصبة ونجي تاني للترلة البعدها...
الغريبة التركترات ديل مشيهن بطيئ زي البطة أي زول يلحقن.:)..
آخر اليوم يكون عندك كليقة قصب...
نقعد نقطع القصب نص متر نص متر...
ناكل ونتدشّى...والباقي نختّو في الشوال...
باقي ناس البانطون مانعين شيل القصب...
شوالاتنا ديك نلاقى بيها قطر نيالا المزحوم داك وقطر الأبيض وقطر كسلا...
قطعة القصبة بي تعريفة...
ومتمصرفين والحمد لله...

العلقمابي
04-21-2009, 08:39 AM
بدت مواهبنا التجارية البسيطة في عطبرة...
كنا بنجيب الدفيق الأخدر نسويهو عقود ونبيعو في سوق الداخلة.:)..
العقد بي تعريفة....
اليوم كلو دخلك مايلحق قرش..:)..
أها لما مشينا قنّب إتنوعت البضاعة:
شي قصب سكر مسروق.:)..
شي برنجي في الكمبو.:)..
شي جازولين غارفنّو من بطن الفنطاز..:).
شي شاي سادة فيهو جنزبيل...
شي هبّابات أُسْطّبّه...
حسع ما دام جبت سيرة قصب الجنيد خلينا نعوم فوق عومك:
جماعة المحطة كنا بنقطع البانطون للشرق محل المصنع...
كل واحد شايل ليهو شوال خيش و منجل...
نمشي نقيف في الطريق الترابي الرابط بين المصنع ومزارع القصب...
تجينا التركترات القديمة ديك جارة ليها ترلات مستّفة قصب سكر ناقلنّو للمصنع...
الواحد يتمعط وراء الترلة زي جماعة "ولاد الريف رمّولنا رغيف..:).."...
تلحق الترلة وتمسك ليك قصباية و تدق فرامل...
القصباية تتملص من الترلة الماشة...
نمشي ندس القصبة ونجي تاني للترلة البعدها...
الغريبة التركترات ديل مشيهن بطيئ زي البطة أي زول يلحقن.:)..
آخر اليوم يكون عندك كليقة قصب...
نقعد نقطع القصب نص متر نص متر...
ناكل ونتدشّى...والباقي نختّو في الشوال...
باقي ناس البانطون مانعين شيل القصب...
شوالاتنا ديك نلاقى بيها قطر نيالا المزحوم داك وقطر الأبيض وقطر كسلا...
قطعة القصبة بي تعريفة...
ومتمصرفين والحمد لله...

ههههههههههههههههههههه
ههههههههههههههههههههه
-والله وكت اتذكر المنظر داك
سجر سجر يا
الروسمان والبرنجي وابونخله ظهر دابو
-انت تتذكر لمن سوو مستودع المولاص جمب بيتنا
-والكرين الكبير اب عجل
-يوم لحسنا من المولاص وماني عارفين فيهو كحول
معاي عبدالكريم محمد العوض غباش ومبارك زروق حسع ضابط جيش
وجنس نوم اليوم كلو
-والله ضحكتني ضحك الليله

أسامة
04-21-2009, 09:39 AM
[000000]نمشي نقيف في الطريق الترابي الرابط بين المصنع ومزارع القصب...
تجينا التركترات القديمة ديك جارة ليها ترلات مستّفة قصب سكر ناقلنّو للمصنع...
الواحد يتمعط وراء الترلة زي جماعة "ولاد الريف رمّولنا رغيف..:).."...
تلحق الترلة وتمسك ليك قصباية و تدق فرامل...
القصباية تتملص من الترلة الماشة...
نمشي ندس القصبة ونجي تاني للترلة البعدها...
الغريبة التركترات ديل مشيهن بطيئ زي البطة أي زول يلحقن.:)..
آخر اليوم يكون عندك كليقة قصب...
نقعد نقطع القصب نص متر نص متر...
ناكل ونتدشّى...والباقي نختّو في الشوال...
باقي ناس البانطون مانعين شيل القصب...
شوالاتنا ديك نلاقى بيها قطر نيالا المزحوم داك وقطر الأبيض وقطر كسلا...
قطعة القصبة بي تعريفة...
ومتمصرفين والحمد لله... [/color][/size][/font][/QUOTE]

ههههههههههههههه

أبشخيت الحاجه الما قاله يوم لموا فيه همباته .. أولاد الحلة التانية .. أدوه جنس دقه وقلعوا منه شواله :D[/COLOR]

العلقمابي
04-21-2009, 10:02 AM
[000000]نمشي نقيف في الطريق الترابي الرابط بين المصنع ومزارع القصب...
تجينا التركترات القديمة ديك جارة ليها ترلات مستّفة قصب سكر ناقلنّو للمصنع...
الواحد يتمعط وراء الترلة زي جماعة "ولاد الريف رمّولنا رغيف..:).."...
تلحق الترلة وتمسك ليك قصباية و تدق فرامل...
القصباية تتملص من الترلة الماشة...
نمشي ندس القصبة ونجي تاني للترلة البعدها...
الغريبة التركترات ديل مشيهن بطيئ زي البطة أي زول يلحقن.:)..
آخر اليوم يكون عندك كليقة قصب...
نقعد نقطع القصب نص متر نص متر...
ناكل ونتدشّى...والباقي نختّو في الشوال...
باقي ناس البانطون مانعين شيل القصب...
شوالاتنا ديك نلاقى بيها قطر نيالا المزحوم داك وقطر الأبيض وقطر كسلا...
قطعة القصبة بي تعريفة...
ومتمصرفين والحمد لله... [/color][/size][/font]

ههههههههههههههه

أبشخيت الحاجه الما قاله يوم لموا فيه همباته .. أولاد الحلة التانية .. أدوه جنس دقه وقلعوا منه شواله :D[/COLOR][/QUOTE]

هههههههههههههههه
اولاد المحطه دايما بيمشو سوا
عشان كدي مافي زول بيتعرض ليهم
نحن طبعا اصغر من ناس اب شخيت بنجري وراهم
وينهرونا ومادايرننا نمشي معاهم

ابووجدان
04-28-2009, 01:16 PM
تكتب في شنو امش حل الداعوسة

ابووجدان
04-28-2009, 01:18 PM
تكتب في شنو امش حل الداعوسة

انا قلت سلام ولقيتك مشغول تكتب مارديت لي

العلقمابي
04-28-2009, 01:33 PM
مره جينا طوف جوبا
- بعدين في جامعه جوبا في الليل دعونا انا والاخ محمد ابراهيم وقلنا نسوق معانا واحد صاحبنا عشان يشوف عينه المجاهدين السوبر
- دخلنا لقينا الشهيد ماجد كامل واخوه كان طالب جامعه ومعاهم بعض الاخوان
- كانت جلسه طيبه تناولنا فيها جوانب روحيه
- صاحبنا اقتنع بالاخوان ديل جدا وقال لي ( نحن كان كدي مابنتغلب)
- استمرت الجلسه حتي الواحده
- اليوم التاني الصباح بدري معانا عمنا 0000 مجاهد جونا 2 ضباط من القياده عشان يقنعوه يرجع الشمال لانو ولدو زميلهم ضابط والبيت في الخرطوم مافيهو راجل
- عمنا قاليهم انتو رجعو ولدي واصر علي عدم الرجوع (رحمه الله)
- زي الساعه الواحده ظهرا جات عربيه جرحي فيها ابوالنسب (مرتضي) ودمو ماشي واسعفوه وقعدت معاه في العنبر وهو اصر انو مايرقد
- في الليل جاء مولانا الشهيد حاج نور وقال عاوز من جند الله
- مرتضي اصر يمشي معاهو
- غايتو باصرناه للقعاد بالاوامر من القائد
- وبكرة سفرناه للشمال ارساليه
- رجعنا انا ومحمد ابراهيم الي جميزه

العلقمابي
04-29-2009, 03:29 PM
- من ضمن الشخصيات التي اذكرها معنا
- اثنين من كبار القانونيين فيهم واحد وكيل وزارة الان كانو متواضعين لدرجه كبيره
- معانا ايضا طلاب اولاد ملحلحين وخدومين
- جعليين ومناصير ورباطاب
- عساكر ممتازين وطبعا اول مرة نختلط برجال الجيش التحيه لهم
- الغابات زاته كثيفه لدرجه كبيره
- تعلمنا الصبر والاعتماد علي الذات وحب التضحيه
- تعرفنا برجال حتي الان علاقتنا مستمره
- لازلت اذكر يوم قيامي الي جوبا والوداع الحار
- يوم قاعدين انا ومحمد وادروب واولاد الحمر جاء واحد سالمنا سلام شديد وقال انو كان هنا
وجاي يودع زملائه ومشي مننا علي البحر وغرق كان يوم حزين نحن طبعا اخر من راة واخر من تكلم معه وكان جمبو بطه اصغر عسكري
ايام لن تنسي

العلقمابي
05-02-2009, 03:41 PM
- تم تحويلي الي جوبا للعلاج وكانت العمليات قد توقفت
ومعي محمد ابراهيم
ذهبنا الي جوبا وكنا نريد ان نلتحق بعد العلاج بمتحرك عزة السودان
فيه ابن عمنا الشهيد سيف الدين عبدالله الامين من عتمور
اخدنا 7 يوم في جوبا وتم توزيعنا الي منطقه خلف جبل كجور
مامشينا لانو اخدونا في الدوريات الليليه
بعد داك قالو لازم تسافرو للشمال
جينا للخرطوم اليوم القبل التاسوع بتاع العيد
ووجدت الوالده عليها رحمة الله نائمه واختي وزوجها معلمين في المدرسة
وتفاجئت الوالده بحضوري
وجاء اخي الاصغر وعملو كرامه
سافرت البلد بي لوري المغرب واصبحت يوم التاسوع في ابوحمد
كانت ايام جميله جدا رغم مرارتها والمآسي فيها

العلقمابي
05-03-2009, 01:28 PM
- قبل الشارع وكانت المواصلات بالقطر فقط
وكنا في عطبره وجايين بالقطر وماتت امراة من امن ومشينا الدافنه واتاخرنا والقطر فات
- معي محجوب باشري اقنعته انو لوري عبد المنعم سند موجود وان يشحنو
- المهم شحنو سماد واتحركنا يوم الجمعه بعد الفطور
- لحدي خور اب نمل تمام وعندما وصلنا وادي الحمار اللستك الخلفي نزل
- قعدنا الجمعه لحدي الساعه10 في الليل جانا لوري وصلحو معانا اللستك وبمجرد ان تحركنا نص كيلو تاني اللستك نزل
- صبحنا علي السبت وعندنا برميل مويه حاااااااااااااره وقرقوش وبصل
- المهم اكلنا قرقوش بليناه ومعاه بصل
- قعدنا لحدي العصر تحت اللوري قام محجوب عندو سكر وشاي وبن اداها المساعد سووا الشاي
والجبنه
- لحدي المغرب جانا زدواي كبير صلحو لينا اللستك واتحركنا
- بمجرد من مرقنا من خور امور تاني نزل
-صبحنا علي الاحد اليوم كلو ماجات عربيه لحدي اليوم التاني الدغش
جانا لوري ادانا امبوبه داخليه ركبناها ومشينا وصلنا ام غدي بعد الفطور عند اولاد محمد علي مصطفي
- يازول ضبحو واكلنا اكل شديد وقامو ادونا لستك كامل ربطناه ومشينا ابوحمد
وصلنا الساعه2 ظهر
- شفتو التعب دا

العلقمابي
05-05-2009, 09:06 AM
انتو الناس ديل وينن
اب شخيت والعجائز

العقبنسي
05-05-2009, 10:01 AM
انتو الناس ديل وينن
اب شخيت والعجائز

نحنا كيف ننفع ولّا حصريا على العجائز

العلقمابي
05-05-2009, 10:43 AM
نحنا كيف ننفع ولّا حصريا على العجائز

تنفع ونص
هي الحكايه مامذكرات
او ذكريات قديمه
ادخل وماتخاف

العقبنسي
05-05-2009, 10:45 AM
تنفع ونص
هي الحكايه مامذكرات
او ذكريات قديمه
ادخل وماتخاف

خلاص جيتكم تب

العلقمابي
05-05-2009, 10:50 AM
خلاص جيتكم تب

راجنك تعال سريع
واحكي من بيت الكلاوي

العلقمابي
05-09-2009, 04:53 PM
وين العجائز دييييييييييييييييييييل

العلقمابي
05-10-2009, 02:38 PM
كنت علي مااذكر في الرابعه من عمري
- وكان عادل ابن خالي اكبرمني بعام
وقدام البيت في حفره بنو منها بيوت وخلوها واتردمت رمله
وجاريين نلعب
وطعنتني شوكه كبيره في بطن كراعي لمن مرقت بي فوق
وعادل مابيقدر يشيلني يوديني جوه قام جراني بالواطه وتاني في شوكه طعنتني في ضهري
بقن علي شوكتين
- ودوني للتمرجي علي الحسين قدام دكان النقر
- والمرق بلا بنج جنس حروريه
- حبوبتي لابي رحمها الله واقفه جمب راسي
والناس ماسكني وكت الحكايه حرت قمت نمت فيها بي جنس عضه لمن كوركت
الشكله انو حارقاني الفي ضهري وكت لقيت المرق حار سكت عليها
واتسببت وتاني اليوم التالت مسكوني ليها
وجنس كواريك

مرتضى مجذوب
05-10-2009, 06:25 PM
السلام عليكم بصوت عاااااااااااااااااالي شان تسمعوني انا ودفلان شان مابتشوفوني
شايفكن كل واحد خاتي ليو علبة تراب تحت كراع سريرو
انا كنت بقطع لي حبوبتي السعف للضفيره واشرب الروب الفي الكادق الفي المعلاق واربط معاها الكنجال
اها بي تقبلوني معاكم

حبابك خش لا داخول ناس البيت مشوا يفطروا البهائم مافى زولا بفتحلك حبابك خش منو انت

انت عارف قصة استئذانك دى ذكرتنى قصة حبوبتن للعلقمابى قالوا مكجناله واحد كدى جارن ليهم قام جاء الصباح يصبح عليها من برة يكورك هو سلام اهل البيت ازيكم ويكررها وهو ماشى لا جوة وقف فى البرندة وكرر السلام وصاحبتنا(حبوبتنا) سامعاهو وضاربة منو طناش وخشة لى عند باب الاوضة مدا راسو وقال حاجى سلام ردت عليه ببرود (ما قلنا اهلا ) واتغطت تانى

العلقمابي
05-10-2009, 06:30 PM
حبابك خش لا داخول ناس البيت مشوا يفطروا البهائم مافى زولا بفتحلك حبابك خش منو انت

انت عارف قصة استئذانك دى ذكرتنى قصة حبوبتن للعلقمابى قالوا مكجناله واحد كدى جارن ليهم قام جاء الصباح يصبح عليها من برة يكورك هو سلام اهل البيت ازيكم ويكررها وهو ماشى لا جوة وقف فى البرندة وكرر السلام وصاحبتنا(حبوبتنا) سامعاهو وضاربة منو طناش وخشة لى عند باب الاوضة مدا راسو وقال حاجى سلام ردت عليه ببرود (ما قلنا اهلا ) واتغطت تانى

وين يا رفسنجاني
كيف احوالك
ربنا جابك هنا
يلا اكتب بقلمك البعرفو داك

مرتضى مجذوب
05-10-2009, 06:40 PM
وين يا رفسنجاني
كيف احوالك
ربنا جابك هنا
يلا اكتب بقلمك البعرفو داك

غدا انشاء الله احدثكم عن قصة الرد (املاهو شنو يا جدو موية 00000 لأ لبن ) وهى ذات صلة وثيقة بالعلقمابى ودى القصة الفعلية انتظرونا

شمعه الرباطابيه
05-10-2009, 06:41 PM
كنت علي مااذكر في الرابعه من عمري
- وكان عادل ابن خالي اكبرمني بعام
وقدام البيت في حفره بنو منها بيوت وخلوها واتردمت رمله
وجاريين نلعب
وطعنتني شوكه كبيره في بطن كراعي لمن مرقت بي فوق
وعادل مابيقدر يشيلني يوديني جوه قام جراني بالواطه وتاني في شوكه طعنتني في ضهري
بقن علي شوكتين
- ودوني للتمرجي علي الحسين قدام دكان النقر
- والمرق بلا بنج جنس حروريه
- حبوبتي لابي رحمها الله واقفه جمب راسي
والناس ماسكني وكت الحكايه حرت قمت نمت فيها بي جنس عضه لمن كوركت
الشكله انو حارقاني الفي ضهري وكت لقيت المرق حار سكت عليها
واتسببت وتاني اليوم التالت مسكوني ليها
وجنس كواريك

احي والله وجعتا لي قلبي بس من الكلام ساكت:( لكين باين عليك كنتا شقي خلاص ;)

العلقمابي
05-10-2009, 07:04 PM
احي والله وجعتا لي قلبي بس من الكلام ساكت:( لكين باين عليك كنتا شقي خلاص ;)

ههههههههههههههههه
ذكريات قديمة
كم مره اتمناها لو تعود
حيث كنا بلا هموم والاهل موجودين
الاب والام احياء
والحبوبات قاعدات

شكرا شمعه علي مرورك

العلقمابي
05-10-2009, 07:08 PM
غدا انشاء الله احدثكم عن قصة الرد (املاهو شنو يا جدو موية 00000 لأ لبن ) وهى ذات صلة وثيقة بالعلقمابى ودى القصة الفعلية انتظرونا

ههههههههههههههههههه
دي قصه في قنب الحلاوين
حصلت لاختي وعمنا 00000000000
جنس مساخه

ابووجدان
05-10-2009, 07:59 PM
غدا انشاء الله احدثكم عن قصة الرد (املاهو شنو يا جدو موية 00000 لأ لبن ) وهى ذات صلة وثيقة بالعلقمابى ودى القصة الفعلية انتظرونا
يايوم بكرة ماتسرع

العلقمابي
05-10-2009, 08:02 PM
يايوم بكرة ماتسرع

ههههههههههههههه
دي قصه بين عمنا رحمه الله
واماني شقيقتي

العلقمابي
05-11-2009, 12:37 PM
زمان نحن طلبه في المتوسطه
نركب حميرنا في الليل نباري الحفلات
ونساهر فيها ويصادف نجي ونلبس للمدرسه وهاك يانوم
مرات يتغاتتو علينا ويطلقوا الحمير بتاعتنا ونمشي كداري والله نمشي شويه واقرب حمار في البرود
تطلقو وتبقي راكب وكت نقرب لي اهلنا نديه عصايتين
مره واحد سرقلو حمار وكت قرب لي اهلو طلقوا
الحمار حلف مايمشي
ويسكو ويجري
الحمار تاني يجي وراهو
لمن الناس شافوه وعرفوه طالقو من سيدو

ومرات لمن يمشو معانا عبدالرحمن شكله مضمونه
مرات ندق ومرات يكترو علينا يدقونا
غايتو كانت ايام
مره عندنا استاذ غياز
يشتمنا بي مشي الحفلات
وفي حفله في كدرمه وجينا متبلمين وافتعلنا شكله والمدرس جاء داخل
قام علي هجين اداهو بنيه في حنكو
الصباح جاء وشيهو وارم
ضحكنا فيهو جنس ضحك وهو ماعرف الضربو منو

ابووجدان
05-11-2009, 02:26 PM
زمان نحن طلبه في المتوسطه
نركب حميرنا في الليل نباري الحفلات
ونساهر فيها ويصادف نجي ونلبس للمدرسه وهاك يانوم
مرات يتغاتتو علينا ويطلقوا الحمير بتاعتنا ونمشي كداري والله نمشي شويه واقرب حمار في البرود
تطلقو وتبقي راكب وكت نقرب لي اهلنا نديه عصايتين
مره واحد سرقلو حمار وكت قرب لي اهلو طلقوا
الحمار حلف مايمشي
ويسكو ويجري
الحمار تاني يجي وراهو
لمن الناس شافوه وعرفوه طالقو من سيدو

ومرات لمن يمشو معانا عبدالرحمن شكله مضمونه
مرات ندق ومرات يكترو علينا يدقونا
غايتو كانت ايام
مره عندنا استاذ غياز
يشتمنا بي مشي الحفلات
وفي حفله في كدرمه وجينا متبلمين وافتعلنا شكله والمدرس جاء داخل
قام علي هجين اداهو بنيه في حنكو
الصباح جاء وشيهو وارم
ضحكنا فيهو جنس ضحك وهو ماعرف الضربو منو
الكلام دا انت حاضرو اما انك عجوز

ابووجدان
05-11-2009, 02:31 PM
الانسان احيانا يتذكر اشياء قديمة في بداية حياته ويغيب عنه مابعدذلك نحاول ان نجتر طفولتنا وايام الهباشة

ابووجدان
05-11-2009, 02:42 PM
اولا قد لاتصدقون اني اذكر سماية اخي وطريدي وكان عمري سنتين و3شهور
قمت من الصباح وانا فرحان فحلبت خالتي العز وكان اللبن كثيروالعز عندها 3عتان وبهمة يعني 4توائم فشربنا انا واخي الاكبر وخالتي وادينا باقي اللبن للكديسة البيضا وفيها برقة حمراثم ركبنا الحمارة وخالتي تحملني في حضنها واخي راكب وراها وتقلو امسك في عكفة السرج وعمي يحمل خروف السمايةوسرنامسافة طويلة ونزلت وجريت لامي لارى اخي الصغير ثم دخلت المارقون مع حبوبتي التي اعطتني دومة فخرجت والباقي ممسوح من الذاكرة وهذا اقدم مافي الذاكرة

فرنيب
05-11-2009, 04:29 PM
ابو وجدان رجعتنا سنين طويله لي وره انا بذكر لين الحين ايم طفولتي كنت في السودان وكان والدي معاي ودي كانت اخر مره يزور فيها الوالد السودان كانت سنة 1983يعني قبل 26سنه كانت ايام جميله مازلت اذكر ملامحها وكان عمري عامين.
شكرا اخي ولك من التحيه

العلقمابي
05-11-2009, 05:47 PM
الكلام دا انت حاضرو اما انك عجوز

انا طالب في المتوسطه
وانت استاذ

شمعه الرباطابيه
05-11-2009, 06:04 PM
زمان نحن طلبه في المتوسطه
نركب حميرنا في الليل نباري الحفلات
ونساهر فيها ويصادف نجي ونلبس للمدرسه وهاك يانوم
مرات يتغاتتو علينا ويطلقوا الحمير بتاعتنا ونمشي كداري والله نمشي شويه واقرب حمار في البرود
تطلقو وتبقي راكب وكت نقرب لي اهلنا نديه عصايتين
مره واحد سرقلو حمار وكت قرب لي اهلو طلقوا
الحمار حلف مايمشي
ويسكو ويجري
الحمار تاني يجي وراهو
لمن الناس شافوه وعرفوه طالقو من سيدو

ومرات لمن يمشو معانا عبدالرحمن شكله مضمونه
مرات ندق ومرات يكترو علينا يدقونا
غايتو كانت ايام
مره عندنا استاذ غياز
يشتمنا بي مشي الحفلات
وفي حفله في كدرمه وجينا متبلمين وافتعلنا شكله والمدرس جاء داخل
قام علي هجين اداهو بنيه في حنكو
الصباح جاء وشيهو وارم
ضحكنا فيهو جنس ضحك وهو ماعرف الضربو منو

هييييييييييييييييييه هييييييييييييييييييييييييييييه والله ضربه الحنك اللمن تورم كعبه لكين قصه حلوه هييييييييييييييييه وزكريات جميله ياعمي العلقمابي ليت الشباب يعود يوما ;);)

العلقمابي
05-11-2009, 06:09 PM
هييييييييييييييييييه هييييييييييييييييييييييييييييه والله ضربه الحنك اللمن تورم كعبه لكين قصه حلوه هييييييييييييييييه وزكريات جميله ياعمي العلقمابي ليت الشباب يعود يوما ;);)

شكرا
عمي دي سمحة
يابت انتي قايله عمري كم

عم بالجد وخال

شمعه الرباطابيه
05-11-2009, 06:15 PM
شكرا
عمي دي سمحة
يابت انتي قايله عمري كم

عم بالجد وخال

اها داير تبقا زي اب حجل كل مااقول ليهو عمو اب حجل يقول لي عما الكباس انتو ماتعترفوا انكم زمنكم راح وغنايكم مات زي ابو وجدان :d:d

العلقمابي
05-11-2009, 06:28 PM
اها داير تبقا زي اب حجل كل مااقول ليهو عمو اب حجل يقول لي عما الكباس انتو ماتعترفوا انكم زمنكم راح وغنايكم مات زي ابو وجدان :d:d

ابووجدان دا قرانا في المدرسة
عمي دي ممكن نقبله
لكن خايفين من جدو

شمعه الرباطابيه
05-11-2009, 06:30 PM
ابووجدان دا قرانا في المدرسة
عمي دي ممكن نقبله
لكن خايفين من جدو

لا لا خلينا في عمو دي جدو دي بتجيب المشاكل هو الناس في عمو دي مارضين لمن جدو بتجيب ليها دق ;);)

العلقمابي
05-11-2009, 06:32 PM
لا لا خلينا في عمو دي جدو دي بتجيب المشاكل هو الناس في عمو دي مارضين لمن جدو بتجيب ليها دق ;);)

خلاص انا قبلان
بي عمو

لانو العمر اتقدم بينا

شمعه الرباطابيه
05-11-2009, 06:34 PM
خلاص انا قبلان
بي عمو

لانو العمر اتقدم بينا

انتا لسع في عز الشباب عمو دي مالانك كبير بس دا احترام ليك والله يشهد ياعمو العلقمابي

العلقمابي
05-11-2009, 06:36 PM
انتا لسع في عز الشباب عمو دي مالانك كبير بس دا احترام ليك والله يشهد ياعمو العلقمابي

ياسلام عليكي
دا من اصلك الطيب
يابت الكدق

ذكرتيني غنوة المصير

ليه تقولي انتهينا ونحن في عز الشباب

شمعه الرباطابيه
05-11-2009, 06:42 PM
ياسلام عليكي
دا من اصلك الطيب
يابت الكدق

ذكرتيني غنوة المصير

ليه تقولي انتهينا ونحن في عز الشباب
والله صاح الاغنيه دي انا بحب اسمعا طوالي كلماتا جميله جدا وبتاعت كمال ترباس ظروف بتعدي ياحليل اغاني زمان والكلمات المعبره مش زي حسع كلام ماليهو اي معني

العلقمابي
05-11-2009, 06:47 PM
والله صاح الاغنيه دي انا بحب اسمعا طوالي كلماتا جميله جدا وبتاعت كمال ترباس ظروف بتعدي ياحليل اغاني زمان والكلمات المعبره مش زي حسع كلام ماليهو اي معني

هههههههههه
انا حسع بسمع احمد عمر الرباطابي
ومحمد وردي طوالي
واللاب توب مليان والكمبيوتر مليان
الغناء الزمان جميل جدا

ابو حجل
05-11-2009, 09:21 PM
شكرا
عمي دي سمحة
يابت انتي قايله عمري كم

عم بالجد وخال

عمرك كم ؟؟
ورينا 45 سنه ؟؟






ابو حجل

العلقمابي
05-11-2009, 09:51 PM
عمرك كم ؟؟
ورينا 45 سنه ؟؟






ابو حجل

صدقني ماوصلتها
انا ورحاب دفعه
اها كيفني ليك

ابو حجل
05-12-2009, 12:46 AM
صدقني ماوصلتها
انا ورحاب دفعه
اها كيفني ليك

هههههه
انت فوق الزييييق
خلاااااص يمكن سنه ولا اتنين تخس الزون

ابو حجل
05-12-2009, 12:48 AM
ابووجدان دا قرانا في المدرسة
عمي دي ممكن نقبله
لكن خايفين من جدو

هههههه
يمهل ولا يهمل
هسع قطعته فيكي في البوست حقي
نسيبتي مكرهاني
وجيت بي جاي لقيتك تقطعي
يقطع رزق المابيقطع فيكي




ابو حجل

العلقمابي
05-12-2009, 08:33 AM
هههههه
انت فوق الزييييق
خلاااااص يمكن سنه ولا اتنين تخس الزون

الزون مشكله
هو الزون عندكم كم

شمعه الرباطابيه
05-12-2009, 09:22 AM
هههههه
يمهل ولا يهمل
هسع قطعته فيكي في البوست حقي
نسيبتي مكرهاني
وجيت بي جاي لقيتك تقطعي
يقطع رزق المابيقطع فيكي




ابو حجل

هوي خلو القطيعه من الصباح ;);)

العلقمابي
05-12-2009, 09:33 AM
هوي خلو القطيعه من الصباح ;);)

اب حجل دا زول قطاع

شمعه الرباطابيه
05-12-2009, 09:35 AM
اب حجل دا زول قطاع

هييييييييييييييييييييييييه صباح الخير ياعمو العلقمابي انشاالله رايق وطبعا ابو حجل عمي دي مزعلاهو زعل شديد قايل نفسو صغير العجوز دا :p

العلقمابي
05-12-2009, 09:37 AM
هييييييييييييييييييييييييه صباح الخير ياعمو العلقمابي انشاالله رايق وطبعا ابو حجل عمي دي مزعلاهو زعل شديد قايل نفسو صغير العجوز دا :p

حباب بت اخوي
اب حجل دا اكبر مني

بس غاشي الجعليه مرتو قاليها
انو صغير

شمعه الرباطابيه
05-12-2009, 09:42 AM
حباب بت اخوي
اب حجل دا اكبر مني

بس غاشي الجعليه مرتو قاليها
انو صغير

هييييييييييييييييييييه انا كنتا حاسه من الاول انو قديم خلاص بس ماداير يعترف ;);)

العلقمابي
05-12-2009, 10:01 AM
هييييييييييييييييييييه انا كنتا حاسه من الاول انو قديم خلاص بس ماداير يعترف ;);)

هههههههههههههههههههه
قديم اقدم من الكسره

مرتضى مجذوب
05-12-2009, 02:17 PM
اب حجل دا زول قطاع

هووووووى يا العلقمابى وشمعة ألعبوا بالوتد ولا تلعبوا بالنار فالعين لا تعلى على الحاجب كيفن يعنى تقولوا ابحجل بتاع قطيعة معقولة جنا الملوك يحتاج للقطيعة

الزول دا كان من احفاد ابو حجل الواحد دا البنعرفوا وهو ساكت على الاتهام دا فانا نرفع عرضحالنا انابة عنه الى الطيب مصطفى ابو حجل بالكدق والطيب البحارى واحمد فتح الرحمن بابى هشيم وعثمان العمدة وود ميرغنى والعمدة حاج رحمة فتح الرحمن بالعاصمة

العلقمابي
05-12-2009, 02:34 PM
هووووووى يا العلقمابى وشمعة ألعبوا بالوتد ولا تلعبوا بالنار فالعين لا تعلى على الحاجب كيفن يعنى تقولوا ابحجل بتاع قطيعة معقولة جنا الملوك يحتاج للقطيعة

الزول دا كان من احفاد ابو حجل الواحد دا البنعرفوا وهو ساكت على الاتهام دا فانا نرفع عرضحالنا انابة عنه الى الطيب مصطفى ابو حجل بالكدق والطيب البحارى واحمد فتح الرحمن بابى هشيم وعثمان العمدة وود ميرغنى والعمدة حاج رحمة فتح الرحمن بالعاصمة

انت راكب من وين
انت قايلو ود ابوحجل
دا اسم مستعار ساكت
الزول دا دفعتك يامفرتك

مرتضى مجذوب
05-12-2009, 04:24 PM
انت راكب من وين
انت قايلو ود ابوحجل
دا اسم مستعار ساكت
الزول دا دفعتك يامفرتك

دا دفاع رباطابى عن رباطابى ايش الدخل ناس صعيد مصر معانا (تأملوا الاسم ) العلقمابى دا بيت من بيوت الصعايدة يوجدوا فى الباقير والزومة وعتمور ومقرات


الما مصدق يسأل عمر حلنقى فى الزومة

العلقمابي
05-13-2009, 12:24 AM
دا دفاع رباطابى عن رباطابى ايش الدخل ناس صعيد مصر معانا (تأملوا الاسم ) العلقمابى دا بيت من بيوت الصعايدة يوجدوا فى الباقير والزومة وعتمور ومقرات


الما مصدق يسأل عمر حلنقى فى الزومة

ههههههههههههههههه
حيا الله عمنا عمر حلنقي
وحسين محمد دفع الله

مرتضى مجذوب
05-13-2009, 10:47 AM
ههههههههههههههههه
حيا الله عمنا عمر حلنقي
وحسين محمد دفع الله

يا ناس هوووووووى قبضنا واحد فيروس ضكر العلقمابى جاسوس وفيروس وين الرباطاب

العلقمابى صديقنا لكن ما كنا متأكدين انو فيروس رباطابى امممممسك

العلقمابي
05-16-2009, 01:52 PM
يا ناس هوووووووى قبضنا واحد فيروس ضكر العلقمابى جاسوس وفيروس وين الرباطاب

العلقمابى صديقنا لكن ما كنا متأكدين انو فيروس رباطابى امممممسك

دا كلام شنو
فيروس شنو
انتبه

بت الشريك
05-16-2009, 02:00 PM
ههههههههههههههههه
حيا الله عمنا عمر حلنقي
وحسين محمد دفع الله

هوووووووووووى انتو مالكم ومال اهلى ديل

فرنيب
05-16-2009, 02:22 PM
شكراً عمنا العلقماني الذكريات مهما كانت جميله

انا بشارك بي قصه ليها معزه كبيره في قلبي كانت في اخر زياره للسودانقبل عشرين سنه

انا طبعا حبوبتي مرت جدي الصغيره كانت يوم عرسوها اصغر من عمتي بت جدي الصغيره

وابوي بيكون كبره وولد الكبير معزتو خاصه وابوي كان ليو اكتر من تسعه سنين من ما ساب السودان ومن الوقت داك مارجع للحين وانا كان عمري 9سنه يعني سبت السودان وانا ولد 5شهور
يعني مافي زول بيعرف ملامحي

وحبوبتي كانت ساكنه مدني جزيرة الفيل مع عمي الصغير عماتي بناته

وكنا جايين مدني مع الوالده ومافي زول عارف اننا جايين اغرب موقف اتعرضنا ليو او ماو صلنا محططة الباصات مدني ونزلة من الباص والا اسمع زول بناديني بي اسمي ويجي يعانقني وانا ماعارف ده منو
فرق الزمن والصور كانت قديمه وكان ده عمي عرفني كيف لين الحين ماعارف بس الدم بيحن ولمن وصلنا بيت حبوبه وعمي اعلن الخبر حبوبتي جات جاريه تقوم وتقع من الراكوبه للحوش تفتش فينا تشم ريحتنا وتلمم فينا بي دموعه كان موقف كل ما اتذكره تجري دموعي قعدتني في حجره اليوم كلو وتناديني بي اسم ابوي وتقول فلان جاني حليلهم وحليل محنتها الله يديه الصحه والعافيه


شكراً العلقماني اديتنا فرصه نبوح ونتذكر لحظات جميله لايمكن ان تنسى

العلقمابي
05-16-2009, 02:24 PM
هوووووووووووى انتو مالكم ومال اهلى ديل

حباب بت الشريك
الناس ديل اهلي
والزول دا مستنكر
عمنا عمر وحسين واحمد محمد والبقيه ديل اهلنا طبعا
ومرتضي دا مستنكر
اعمل ليهو شنو

بت الشريك
05-16-2009, 02:34 PM
حباب بت الشريك
الناس ديل اهلي
والزول دا مستنكر
عمنا عمر وحسين واحمد محمد والبقيه ديل اهلنا طبعا
ومرتضي دا مستنكر
اعمل ليهو شنو

كان كده انت قريبى وانا ما عارفه

العلقمابي
05-16-2009, 06:38 PM
شكراً عمنا العلقماني الذكريات مهما كانت جميله

انا بشارك بي قصه ليها معزه كبيره في قلبي كانت في اخر زياره للسودانقبل عشرين سنه

انا طبعا حبوبتي مرت جدي الصغيره كانت يوم عرسوها اصغر من عمتي بت جدي الصغيره

وابوي بيكون كبره وولد الكبير معزتو خاصه وابوي كان ليو اكتر من تسعه سنين من ما ساب السودان ومن الوقت داك مارجع للحين وانا كان عمري 9سنه يعني سبت السودان وانا ولد 5شهور
يعني مافي زول بيعرف ملامحي

وحبوبتي كانت ساكنه مدني جزيرة الفيل مع عمي الصغير عماتي بناته

وكنا جايين مدني مع الوالده ومافي زول عارف اننا جايين اغرب موقف اتعرضنا ليو او ماو صلنا محططة الباصات مدني ونزلة من الباص والا اسمع زول بناديني بي اسمي ويجي يعانقني وانا ماعارف ده منو
فرق الزمن والصور كانت قديمه وكان ده عمي عرفني كيف لين الحين ماعارف بس الدم بيحن ولمن وصلنا بيت حبوبه وعمي اعلن الخبر حبوبتي جات جاريه تقوم وتقع من الراكوبه للحوش تفتش فينا تشم ريحتنا وتلمم فينا بي دموعه كان موقف كل ما اتذكره تجري دموعي قعدتني في حجره اليوم كلو وتناديني بي اسم ابوي وتقول فلان جاني حليلهم وحليل محنتها الله يديه الصحه والعافيه


شكراً العلقماني اديتنا فرصه نبوح ونتذكر لحظات جميله لايمكن ان تنسى

قصة مؤثره
ارجو ان تكتب وما تقيف
هي ذكريات للاجيال بما فيها من حنيه ومراره وحلاوه وقسوه
تحياتي فرنيب

شمعه الرباطابيه
05-16-2009, 07:14 PM
مساكم الله بي الخير

العلقمابي
05-16-2009, 08:02 PM
مساكم الله بي الخير

حبابك بت اخوي
كيف الدوحه

شمعه الرباطابيه
05-16-2009, 08:04 PM
حبابك بت اخوي
كيف الدوحه
تمام الليله من الصباح عندنا هواء وكتاحه

العلقمابي
05-16-2009, 08:10 PM
تمام الليله من الصباح عندنا هواء وكتاحه

الكتاحه تجي من وين هناك
هن عندهن واطه تسوي كتاحه

شمعه الرباطابيه
05-17-2009, 09:47 AM
الكتاحه تجي من وين هناك
هن عندهن واطه تسوي كتاحه

بري جنس كتاحه جايه من وين ماعرفنا

العلقمابي
05-17-2009, 09:51 AM
بري جنس كتاحه جايه من وين ماعرفنا

يمكن جاياكم من ايران
عندهم اربعاء الحسين
يكشحو بعضهم فيها

شمعه الرباطابيه
05-17-2009, 10:16 AM
يمكن جاياكم من ايران
عندهم اربعاء الحسين
يكشحو بعضهم فيها

هييييييييييييييييييييييييييييييييييييييييه تصدق يمكن :d

مرتضى مجذوب
05-17-2009, 10:22 AM
هوووووووووووى انتو مالكم ومال اهلى ديل

اهلا بت الشريك والعلقمابى
شاف بت الشريك زعلانة والعلقمابى بطبعوا ملاطف ظريف على العموم احبابى الحجولة ليهم عندى معزة هم اهلها وقد عاشرتهم وعرفت معدنهم الاصيل وكذلك ناس عمر حلنقى وظريف القوم اخونا حسين محمد دفع الله وكل ناس الزومة وارتنسو وكجرات وارتل وانجرى ولا انسى ناس الكدق والترعة بالله تحياتنا ليهم اما بخصوص اخى العلقمابى بعرفلى وبعرفلو ويذكرن بعبارة قالها لى يوما الشاعر الرباطابى رئيس اتحاد الشعراء عمنا محمد يوسف موسى فى حوار اجريته معه قال لى يومها حقيقة ام دريقة تعرف محل كتف اختها وتعضيها وذلك حين سألته يا استاذ ما سبب التناقضات التى تحملها وتظهر فى شعرك انت تقول فى اغنيتك لوردى عذبنى وزيد عذابك يمكن قلبى ينسى ولعثمان حسين تقول تهيم خطواتى نشوانا تعانق دربك الاخضر /نظر الى وقال لى اسأل حاج رحمة فتح الرحمن القاعد جنبك دا حقيقة ام دريقة تعرف كتف اختها على العموم يا ابنى السؤال فى محلو لكن ما فى زول قدر اتجرأ سألنى منو حقيقة انا القصيدتين ديل عملتهن فى فترة عمرية مختلفة
فهمتو حاجة

بت الشريك
05-17-2009, 11:22 AM
اهلا بت الشريك والعلقمابى
شاف بت الشريك زعلانة والعلقمابى بطبعوا ملاطف ظريف على العموم احبابى الحجولة ليهم عندى معزة هم اهلها وقد عاشرتهم وعرفت معدنهم الاصيل وكذلك ناس عمر حلنقى وظريف القوم اخونا حسين محمد دفع الله وكل ناس الزومة وارتنسو وكجرات وارتل وانجرى ولا انسى ناس الكدق والترعة بالله تحياتنا ليهم اما بخصوص اخى العلقمابى بعرفلى وبعرفلو ويذكرن بعبارة قالها لى يوما الشاعر الرباطابى رئيس اتحاد الشعراء عمنا محمد يوسف موسى فى حوار اجريته معه قال لى يومها حقيقة ام دريقة تعرف محل كتف اختها وتعضيها وذلك حين سألته يا استاذ ما سبب التناقضات التى تحملها وتظهر فى شعرك انت تقول فى اغنيتك لوردى عذبنى وزيد عذابك يمكن قلبى ينسى ولعثمان حسين تقول تهيم خطواتى نشوانا تعانق دربك الاخضر /نظر الى وقال لى اسأل حاج رحمة فتح الرحمن القاعد جنبك دا حقيقة ام دريقة تعرف كتف اختها على العموم يا ابنى السؤال فى محلو لكن ما فى زول قدر اتجرأ سألنى منو حقيقة انا القصيدتين ديل عملتهن فى فترة عمرية مختلفة
فهمتو حاجة

انا مازعلانه لكن العلقمابى دا من سمع بالخزان بقى يقول الناس ديل اهلى (يكون داير شنو)


على العموم شكرا لك الاخ مرتضى

مرتضى مجذوب
05-17-2009, 12:07 PM
انا مازعلانه لكن العلقمابى دا من سمع بالخزان بقى يقول الناس ديل اهلى (يكون داير شنو)


على العموم شكرا لك الاخ مرتضى
شكرا الابنة او قل الاخت بت الشريك العلقمابى بعرفوا كويس انا هو من ناحية حقوق عينو ملياااانة فى ابو حمد بسم الله ماشاء الله وعندو حقوق فى الترعة لكن زى ما قلت ليكم دا انا فى نظرى فيروس مصرى داخل معانا لاحظوا الاسم (العلقمابى ) والعلقماب ديل يا اخوانا من صعيد مصر يا اخوانا زول بفتخر بمصريته (العلقمابى ) ويترك الافتخار بأعز قبيلة افتخر بالانتساب اليها ابوهو وامه واخوانو وهى الرباطاب
انتى يا بت الرباطاب نجيضة عرفتيهو لكن مضهبه سببو اوريك انا طبعا المصريين بهمهم النيل وبالتالى سدودو ولا بد من وضع جواسيس عندنا و(خذل عنا فان الحرب خدعة ) والله شنو يا بت؟ مع تحياتى لابو وجدان والعلقمابى ذاااااتو حتى يرعوى ويغير اسمو لما ينسب الى الرباطاب بلاش صعايدة بلاش لمة

العلقمابي
05-17-2009, 01:42 PM
انا مازعلانه لكن العلقمابى دا من سمع بالخزان بقى يقول الناس ديل اهلى (يكون داير شنو)


على العموم شكرا لك الاخ مرتضى

الله يسامحك
انا لي باهلي بغض النظر عن الخزان والتعويضات
والاهل مابيتبدلو بالقروش
وانا عندي اراضيوجنينه في ابوحمد ومقرات وعتمور
وماني داير قروش خزان
مرتضي دا داير يسويلو فتنه

بت الشريك
05-17-2009, 01:46 PM
الله يسامحك
انا لي باهلي بغض النظر عن الخزان والتعويضات
والاهل مابيتبدلو بالقروش
وانا عندي اراضيوجنينه في ابوحمد ومقرات وعتمور
وماني داير قروش خزان
مرتضي دا داير يسويلو فتنه

وانت زعلت ياعمنا اول مره اشوفك زعلان ومن بتك كمان
يس عمنا مرتضى الله يسامحه

العلقمابي
05-17-2009, 01:47 PM
اهلا بت الشريك والعلقمابى
شاف بت الشريك زعلانة والعلقمابى بطبعوا ملاطف ظريف على العموم احبابى الحجولة ليهم عندى معزة هم اهلها وقد عاشرتهم وعرفت معدنهم الاصيل وكذلك ناس عمر حلنقى وظريف القوم اخونا حسين محمد دفع الله وكل ناس الزومة وارتنسو وكجرات وارتل وانجرى ولا انسى ناس الكدق والترعة بالله تحياتنا ليهم اما بخصوص اخى العلقمابى بعرفلى وبعرفلو ويذكرن بعبارة قالها لى يوما الشاعر الرباطابى رئيس اتحاد الشعراء عمنا محمد يوسف موسى فى حوار اجريته معه قال لى يومها حقيقة ام دريقة تعرف محل كتف اختها وتعضيها وذلك حين سألته يا استاذ ما سبب التناقضات التى تحملها وتظهر فى شعرك انت تقول فى اغنيتك لوردى عذبنى وزيد عذابك يمكن قلبى ينسى ولعثمان حسين تقول تهيم خطواتى نشوانا تعانق دربك الاخضر /نظر الى وقال لى اسأل حاج رحمة فتح الرحمن القاعد جنبك دا حقيقة ام دريقة تعرف كتف اختها على العموم يا ابنى السؤال فى محلو لكن ما فى زول قدر اتجرأ سألنى منو حقيقة انا القصيدتين ديل عملتهن فى فترة عمرية مختلفة
فهمتو حاجة

شكرا الابنة او قل الاخت بت الشريك العلقمابى بعرفوا كويس انا هو من ناحية حقوق عينو ملياااانة فى ابو حمد بسم الله ماشاء الله وعندو حقوق فى الترعة لكن زى ما قلت ليكم دا انا فى نظرى فيروس مصرى داخل معانا لاحظوا الاسم (العلقمابى ) والعلقماب ديل يا اخوانا من صعيد مصر يا اخوانا زول بفتخر بمصريته (العلقمابى ) ويترك الافتخار بأعز قبيلة افتخر بالانتساب اليها ابوهو وامه واخوانو وهى الرباطاب
انتى يا بت الرباطاب نجيضة عرفتيهو لكن مضهبه سببو اوريك انا طبعا المصريين بهمهم النيل وبالتالى سدودو ولا بد من وضع جواسيس عندنا و(خذل عنا فان الحرب خدعة ) والله شنو يا بت؟ مع تحياتى لابو وجدان والعلقمابى ذاااااتو حتى يرعوى ويغير اسمو لما ينسب الى الرباطاب بلاش صعايدة بلاش لمة

اولا هناك فرق بين (العلقماب) ابناء علقم بن رباط
وبين ( العقيلات) ابناء عقيل بن ابي طالب
وعلقم هو ابن رباط الكبير
ويتركزون غرب الشريك وفي مري وعتمور
وجدنا محمد التوم ( حفاري) من العلقماب
انا خايف يلموا فيك العلقماب ولاد عمنا ويبهدلوك
وخاصه بي زرقتك دي

العلقمابي
05-17-2009, 01:48 PM
وانت زعلت ياعمنا اول مره اشوفك زعلان ومن بتك كمان
يس عمنا مرتضى الله يسامحه

لا لا والله مازعلت
مرتضي دا نسيبي
وجنو مشاغلات لانو صحفي
انا مابزعل لكن داير اوضح موقفي
ومرتضي ماقادر يفرق بين العلقماب والعقيلاب

بت الشريك
05-17-2009, 01:56 PM
لا لا والله مازعلت
مرتضي دا نسيبي
وجنو مشاغلات لانو صحفي
انا مابزعل لكن داير اوضح موقفي
ومرتضي ماقادر يفرق بين العلقماب والعقيلاب

انا عارفك ابوى وابو البنيات الله يخليك لينا

العلقمابي
05-17-2009, 02:01 PM
انا عارفك ابوى وابو البنيات الله يخليك لينا

هوي ماتكبريني ساكت
انا يادوب 40 سنه
لكن الضهر محني والشيب مالي الراس

بت الشريك
05-17-2009, 03:04 PM
هوي ماتكبريني ساكت
انا يادوب 40 سنه
لكن الضهر محني والشيب مالي الراس

تانى العجز كيفنه

العلقمابي
05-17-2009, 03:13 PM
تانى العجز كيفنه

اي والله
حسع عندي بتي دخلت الثانوي
خلتني بقيت عجوز
لكن ماسك في دخلتها صغيره

بت الشريك
05-17-2009, 03:15 PM
اي والله
حسع عندي بتي دخلت الثانوي
خلتني بقيت عجوز
لكن ماسك في دخلتها صغيره

هههههههههههههههههههه
الله يديك العافيه والصحه يارب

العلقمابي
05-17-2009, 03:18 PM
هههههههههههههههههههه
الله يديك العافيه والصحه يارب

ههههههههههههههه
ربنا يديم العافيه علي الجميع

العلقمابي
05-17-2009, 03:33 PM
لميت لي 6 مليون وجيت بعد اجازة العيد الصغير واشرب في جبنة الصباح مع واحد من اخوانا كان امير للحجاج بالمحليه وقلت ليهو انا ماشي الحج
- قال لي انو التقديم انتهي من اول رمضان
- استخلفت الله وعندي بيت بنيتو واخدت لي ماكينه للعربيه وقعدت
- السنه الجايه القروش ابن يتمن
- يوم 28 رمضان ابلغوني بانني تم اختياري اميرا لحجاج ابوحمد
-مشيت عملت الاجراءات
- في نوفمبر ادوني كشف الفوج من ابوحمد والعبيديه والمناصير 3 افراد
- طبعا لاوزت من ناس العبيديه لكن لمن علمت انهم اهل صديقي محمد خالد الفتهم قبل ان اقابلهم
- زرت الحجاج في بيوتهم جميعا قبل السفر
- كانوا ناس ممتازين
- اذكر اني تعبت في تحضير الفوج للسفر وجنس مذاكره كان النت غير متاح في ابوحمد كنت اسافر
اتبرا عشان افتش شوارع مكه في القوقل ايرث
- عندي حصه يوميه من ابووجدان
- ربنا وفقني في خدمة الحجاج وكانوا متعاونين جدا
-سافرنا اخر فوج ووصلنا في يسر الي الاراضي المقدسه
- اول يوم كان شاقا من جده الي مكه الي طواف القدوم للمفرد وطواف العمره للمتمتع
- تحلل المتمتع وظل المفرد علي حاله
- كانت الاشواق الي بيت الله والي حرمه فوق كل وصف
- تمنينا مني وعرفات لكن الامور مرهونه بميقاتها في الثامن من ذي الحجه لمني
- وكان ان نزلنا مني ومعسكرنا في طرف مزدلفه وبعيد عن الجمرات
- كانت نفرة عرفات متعه والعوده منها بالبصات لانو معانا ناس كبار
- ورمي الجمرات وجسرها والتحلل والاقامه بمني ومعسكراتها الضيقه
- ومن ثم الرجوع ثالث ايام العيد الي مكه
- والعمرات
- وختام المسك الذهاب لمدينه رسول الله صلي الله عليه وسلم
- نزلنا بفندق قصر المدينه
- 17 يوم بالمدينه
- ومن ثم الرجوع للديار
انها ايام ما اجملها وما اقرب فيها الانسان الي ربه
ولي عوده في الحجه الاخري

مرتضى مجذوب
05-17-2009, 03:48 PM
وانت زعلت ياعمنا اول مره اشوفك زعلان ومن بتك كمان
يس عمنا مرتضى الله يسامحه

يا بت الناس مكبرانى مالك انا يادوب فى عمر الزهور العلقمابى دا اكل سمايتى أى والله وبعد دا مسويانى عمو دايرانى اقولك 0000000 دقاسة وهذه القصة تذكرنى بقول الكاشف للفلاتية حين قالت انا واخوى الكاشف ما بنعرف نكتب ولا نقرأ قال ليها كشف حالك حسع الكاشف فى زولا طراهو دحين يا بت الناس عمتى بت الشريك خليك انت والعلقمابى فى بوح العجائز ديل انا عاوز افتح بوست واسميهو منتدى شباب اول شروطه استبعاد العلقمابى (نسيبى الذى افتخر به وقد شهدت زواجه يااالله ويامين بتذكر تفاصيلو ) واستبعد منو كذلك استاذنا ابو وجدان وبالمرة بت الشريك
مع تحياتى لكم

العلقمابي
05-17-2009, 04:00 PM
يا بت الناس مكبرانى مالك انا يادوب فى عمر الزهور العلقمابى دا اكل سمايتى أى والله وبعد دا مسويانى عمو دايرانى اقولك 0000000 دقاسة وهذه القصة تذكرنى بقول الكاشف للفلاتية حين قالت انا واخوى الكاشف ما بنعرف نكتب ولا نقرأ قال ليها كشف حالك حسع الكاشف فى زولا طراهو دحين يا بت الناس عمتى بت الشريك خليك انت والعلقمابى فى بوح العجائز ديل انا عاوز افتح بوست واسميهو منتدى شباب اول شروطه استبعاد العلقمابى (نسيبى الذى افتخر به وقد شهدت زواجه يااالله ويامين بتذكر تفاصيلو ) واستبعد منو كذلك استاذنا ابو وجدان وبالمرة بت الشريك
مع تحياتى لكم

انا ايام عرست انت شغال
ومرتي اصغر منك بي كم سنه
ماتبالغ

رباطابية
05-17-2009, 04:01 PM
يا بت الناس مكبرانى مالك انا يادوب فى عمر الزهور العلقمابى دا اكل سمايتى أى والله وبعد دا مسويانى عمو دايرانى اقولك 0000000 دقاسة وهذه القصة تذكرنى بقول الكاشف للفلاتية حين قالت انا واخوى الكاشف ما بنعرف نكتب ولا نقرأ قال ليها كشف حالك حسع الكاشف فى زولا طراهو دحين يا بت الناس عمتى بت الشريك خليك انت والعلقمابى فى بوح العجائز ديل انا عاوز افتح بوست واسميهو منتدى شباب اول شروطه استبعاد العلقمابى (نسيبى الذى افتخر به وقد شهدت زواجه يااالله ويامين بتذكر تفاصيلو ) واستبعد منو كذلك استاذنا ابو وجدان وبالمرة بت الشريك
مع تحياتى لكم

ماتزعل اصلو البباري العلقمابي وابووجدان بكبروهو ويقولوا ليه عمو اسألني انا لمن اتخرجوا من الجامعة والله ابوي ماعرس ومسوني قدرهم وانا ساكتة غايتو خربو علي اي شئ:p:p

العلقمابي
05-17-2009, 04:03 PM
ماتزعل اصلو البباري العلقمابي وابووجدان بكبروهو ويقولوا ليه عمو اسألني انا لمن اتخرجوا من الجامعة والله ابوي ماعرس ومسوني قدرهم وانا ساكتة غايتو خربو علي اي شئ:p:p

هههههههههههههههههه
شوف دايره تعمل صغيره

رباطابية
05-17-2009, 04:05 PM
هههههههههههههههههه
شوف دايره تعمل صغيره

الله يكبر العقول لكن عاد السبعيات والله ابوي ماعرس لمن انتهن اختار في التمانينات السنة الدايرة واحسب من 81:)

العلقمابي
05-17-2009, 08:30 PM
الله يكبر العقول لكن عاد السبعيات والله ابوي ماعرس لمن انتهن اختار في التمانينات السنة الدايرة واحسب من 81:)

الله يكبر العقول زي ماقلتي

الخواجه
05-18-2009, 04:46 PM
الباسطه بري ماشفتها لكين حبوبتي شافتا وبتريده ريده شديده كان نايمه بتصحي ليها كل شي جايز عند العجايز ولاشنو

بس بس بس ياخوانا دى بتقول ليكم
حبوبته بتعرف الباسطه
دى من الاول حنكوشه

العلقمابي
05-18-2009, 04:52 PM
بس بس بس ياخوانا دى بتقول ليكم
حبوبته بتعرف الباسطه
دى من الاول حنكوشه

كلاااااااااااااامك صاح
حنكوشه من بدري

شمعه الرباطابيه
05-18-2009, 05:15 PM
بس بس بس ياخوانا دى بتقول ليكم
حبوبته بتعرف الباسطه
دى من الاول حنكوشه

هوي نبرا من الحنكشه انا وحبوبتي حنكوش براك

شمعه الرباطابيه
05-18-2009, 05:16 PM
كلاااااااااااااامك صاح
حنكوشه من بدري

دا شنو ياعمي العلقمابي صدقتا الخواجه انتا ماعارفه جنو شمارات وكشوفات ;);)

العلقمابي
05-19-2009, 12:08 AM
دا شنو ياعمي العلقمابي صدقتا الخواجه انتا ماعارفه جنو شمارات وكشوفات ;);)

ههههههههههههههه
الخواجه دا اصلو قال بيحول لي حقي

العلقمابي
05-23-2009, 03:47 PM
انتو العجايز ديل
ماعندهم نضم

ابووجدان
05-23-2009, 06:14 PM
ابو وجدان رجعتنا سنين طويله لي وره انا بذكر لين الحين ايم طفولتي زكنت في السودان وكان والدي معايودي كانت اخر مره يزور فيها الوالد السودان كانت سنة 1983يعني قبل 26سنه كانت ايام جميله مازلت اذكر ملامحها وكان عمري عامين.
شكرا اخي ولك من التحيه
شكرا







































































شكراً اخي وليتك تروي ظمأك بطلَّة اخرى

ابووجدان
05-23-2009, 06:20 PM
وانا في الرابعة من عمري كنت ارعي الغنم مع عمي وابن عمي وذات يوم وجدت كبريتة الببغاء وهي مليانة فاخذها مني عمي الذي يكبرني ب8سنوات واشعل النار في شجرة طندب وارتفعت السنة اللهب ووجرينا وتركنا غنمنا خوفا من النار وحتي لانخبر اهلنا اشترى لنا عمي بسكويت ب تعريفة (5مليمات)

abuleila
05-24-2009, 10:28 AM
انتو العجايز ديل
ماعندهم نضم

نضم شنو كمان معاكم انتو-- اكان اتداخلنا تقوموا تشيلوا حسنا وتقولوا شاركت فى حملة ود النجومى--- احسن نتفرج ساكت

العلقمابي
05-24-2009, 10:55 AM
نضم شنو كمان معاكم انتو-- اكان اتداخلنا تقوموا تشيلوا حسنا وتقولوا شاركت فى حملة ود النجومى--- احسن نتفرج ساكت

تحياتي ابوليلي
ياريت تبوح بايام الدراسه والبلد والغربه وكيف اول يوم في الغربه
وماتخاف عارفين انك حضرت هكس باشا

abuleila
05-24-2009, 12:46 PM
تحياتي ابوليلي
ياريت تبوح بايام الدراسه والبلد والغربه وكيف اول يوم في الغربه
وماتخاف عارفين انك حضرت هكس باشا

اخوك غربتو بدات من يوم استدعانى الوالد للقراية فى امدرمان ومستمرة حتى اليوم
وكما ذكرت فى بوست سابق اتى ابن عمى المرحوم عبداله محمد الطيب من الكدق ليصطحبنى الى امدرمان
فارقت الوالدة ودموعها تزرف- لكنها لم تعترض رحمة الله عليها-- فقط ترجت عبدالله ان يغشى بى كدباس لزيارة الشيخ الجعلى ليبارك خطوتى
فى الشريك فجرا صحوت كالمجنون مخلوعا من صوت انفاس القطار وكنا نيام فى المحطة و كان هذا اول لقاء لى مع القطار-- نحن فى الغرب لم نكن نراه فقط نسمع صفارته عند مروره بسندة ارتل
ثم صعدنا وانطلق بنا القطار وتوالت المحطات-- اسماؤها جميلة ما عدا واحدة--- حتى توقف القطار فى العبيدية فنزلنا
كان علينا ان نعبر الى كدباس - ركبنا مركبا لا مجاديف له-- يسحب بواسطة سلسلة وعبرنا الى الضفة الاخرى
لا اذكر كم مضى من الوقت حتى وصلنا الى الخلاوي-- اعداد هائلة من الطلبة يحيطون بشيخهم-- تقدم ابن عمى نحوه وحياه ثم استدعانى للوقوف امام الشيخ
سالنى الشيخ هل دخلت الخلوة فاجبته بنعم-- ومن هو شيخك -- جدى زين العابدين - وهل تحفظ بعض السور فقرات له بعض الايات فنقر بعصاه نقرا خفيفا على راسى ثم اعطانى بعض المحاية فشربتها وقال لى انطلق-- خطوتك مباركة

العلقمابي
05-25-2009, 12:10 AM
اخوك غربتو بدات من يوم استدعانى الوالد للقراية فى امدرمان ومستمرة حتى اليوم
وكما ذكرت فى بوست سابق اتى ابن عمى المرحوم عبداله محمد الطيب من الكدق ليصطحبنى الى امدرمان
فارقت الوالدة ودموعها تزرف- لكنها لم تعترض رحمة الله عليها-- فقط ترجت عبدالله ان يغشى بى كدباس لزيارة الشيخ الجعلى ليبارك خطوتى
فى الشريك فجرا صحوت كالمجنون مخلوعا من صوت انفاس القطار وكنا نيام فى المحطة و كان هذا اول لقاء لى مع القطار-- نحن فى الغرب لم نكن نراه فقط نسمع صفارته عند مروره بسندة ارتل
ثم صعدنا وانطلق بنا القطار وتوالت المحطات-- اسماؤها جميلة ما عدا واحدة--- حتى توقف القطار فى العبيدية فنزلنا
كان علينا ان نعبر الى كدباس - ركبنا مركبا لا مجاديف له-- يسحب بواسطة سلسلة وعبرنا الى الضفة الاخرى
لا اذكر كم مضى من الوقت حتى وصلنا الى الخلاوي-- اعداد هائلة من الطلبة يحيطون بشيخهم-- تقدم ابن عمى نحوه وحياه ثم استدعانى للوقوف امام الشيخ
سالنى الشيخ هل دخلت الخلوة فاجبته بنعم-- ومن هو شيخك -- جدى زين العابدين - وهل تحفظ بعض السور فقرات له بعض الايات فنقر بعصاه نقرا خفيفا على راسى ثم اعطانى بعض المحاية فشربتها وقال لى انطلق-- خطوتك مباركة

ايووووووووووووووه كده
بدايه انيقه كاناقة كاتبها
ارجو ان تواصل واستاذنك سوف اكبر الخط لانو الجماعه الكبار وعمايه كتار

abuleila
05-25-2009, 01:37 PM
ايووووووووووووووه كده
بدايه انيقه كاناقة كاتبها
ارجو ان تواصل واستاذنك سوف اكبر الخط لانو الجماعه الكبار وعمايه كتار

جاكى بلاء يا امدرمان

وصلنا الخرطوم الصباح بدرى-- بعد نهار ممتد ملئ بالمشاهدات-- داخل العربة نساء يلبسن الجرجار الاسود ويدخن ويتحدثن بلغة لم افهمها وعبر الشباك قرى وجسور ومدن عامرة بالناس والعجلات والعربات التى اشاهدها لاول مرة وفى المحطات اناس يهرولون حول عربات القطار يعرضون ماكولات لم اتذوقها من قبل من فول وطعمية--هكذا مضى ذلك النهار وانا اتلفت يمينا و يسارا عبر شبابيك العربة لكى لا يفوت على شئ جديد حتى اصبت بالارهاق واستسلمت للنوم
نزلنا من القطار واتجهنا الى طابور من السيارات مذوقة رفارفها بالابيض --تحدث عبدالله مع احد السائقين فاتفقا ودخلنا الى السيارة رفقة اخرين بعد ان اودعنا عفشنا فى صندوق خلف السيارة-- ثم انطلقت بنا وتتابع سيل الانطباعات والاندهاش وكان ابن عمى يحاول ان يشرح لى وينطق ببعض الاسماء لكنى كنت منشغلا بالنظر اكثر من السمع-- الشوارع الحدائق -فقط عندما وصلنا المقرن وشاهدت النهرين يقترنان تذكرت البلد والجزاير فسالت عبدالله---- هى الخرطوم دى جزيرة زي كشوى--- وقبل ان يجيبنى عبدالله كان جميع من فى العربة بما فيهم السائق يوجه انظاره نحوى-- لماذا يا ترى

العلقمابي
05-25-2009, 01:46 PM
جاكى بلاء يا امدرمان

وصلنا الخرطوم الصباح بدرى-- بعد نهار ممتد ملئ بالمشاهدات-- داخل العربة نساء يلبسن الجرجار الاسود ويدخن ويتحدثن بلغة لم افهمها وعبر الشباك قرى وجسور ومدن عامرة بالناس والعجلات والعربات التى اشاهدها لاول مرة وفى المحطات اناس يهرولون حول عربات القطار يعرضون ماكولات لم اتذوقها من قبل من فول وطعمية--هكذا مضى ذلك النهار وانا اتلفت يمينا و يسارا عبر شبابيك العربة لكى لا يفوت على شئ جديد حتى اصبت بالارهاق واستسلمت للنوم
نزلنا من القطار واتجهنا الى طابور من السيارات مذوقة رفارفها بالابيض --تحدث عبدالله مع احد السائقين فاتفقا ودخلنا الى السيارة رفقة اخرين بعد ان اودعنا عفشنا فى صندوق خلف السيارة-- ثم انطلقت بنا وتتابع سيل الانطباعات والاندهاش وكان ابن عمى يحاول ان يشرح لى وينطق ببعض الاسماء لكنى كنت منشغلا بالنظر اكثر من السمع-- الشوارع الحدائق -فقط عندما وصلنا المقرن وشاهدت النهرين يقترنان تذكرت البلد والجزاير فسالت عبدالله---- هى الخرطوم دى جزيرة زي كشوى--- وقبل ان يجيبنى عبدالله كان جميع من فى العربة بما فيهم السائق يوجه انظاره نحوى-- لماذا يا ترى

شكرا ليك ابوليلي
ضحكت ضحك شديد وخاصه بتاعة المقرن
ارجو الا تقف وان تواصل

abuleila
05-25-2009, 07:57 PM
وقبل ان اكتشف سر تلك النظرات كنا قد دخلنا الكبرى فشاهدت مركبة من الجهة المقابلة تسير على قضيبين ولها عودان ممتدان متصلان باسلاك معلقة---سالت عبدالله-- الشئ دا قطر- وقبل ان يجيبنى اردفت-- نان مالو ما عندو دخان--
الرد اتانى بسرعة من احد الركاب---الشئ دا يا بوعريب بيسموهو الترماج وحسع جاى من امدرمان--وبيمشى بالكهرباء عشان كدى ما عندو دخان--ثم استمر ناشدا--بلدنا بلدنا امدرمان-- الكهرباء فيها بلا دخان--
شارع الزلط للتعبان-- والترماج للكسلان---
ثم صاح--- يا امدرمان جاكى بلاء--
هكذا استقبلتنى امدرمان----

طبق على صمت القبور وانزويت فى ركن المقعد تختلج فى نفسى مشاعر شتى وتساؤلات-- الى اى عالم انتقلت واى اناس سالتقيهم-- اهم مثل اهلى فى البلد ام خلق اخر--
تهت مع افكارى تلك حتى توقفت السيارة عند دكان عمنا ود الحنان بالموردة وكان دكانه مثله مثل جيرانه يبيع البروش والمقاطف والحبال وهى سلع سوقها رائج فى ذلك الزمان
اكرمنا العم ود الحنان بفطور تشكل من الفول مع الطعمية و الرغيف وهى كلها اشياء جديدة على معدتى وبعد شراب الشاى توجهنا بتاكسى الى شارع التمارة بالسوق الكبير حيث دكان الوالد
شقت بنا السيارة الشوارع والازقة المزدحمة بكل انواع المركبات وبكل اشكال الناس الى ان حللنا بشارع التمارة فتوقفت السيارة عند دكان الوالد
نزلت فاستقبلنى والدى بشئ من الحنان الصارم وراح يسالنى عن الاهل واحدا واحدا ثم تحول الى عبدالله وساله عن احوال الاهل بالكدق وبعض الامور الاخرى التى لا افقه فيها شيئا وسرعان ما توارد الناس من الدكاكين المجاورة لتحية عبدالله والسلام على ومن خلال حديثهم ولهجتهم استنتجت ان هؤلاء جميعهم اهلى فعادت الطمانينة الى نفسى وغادر الفزع قلبى

العلقمابي
05-25-2009, 11:45 PM
وقبل ان اكتشف سر تلك النظرات كنا قد دخلنا الكبرى فشاهدت مركبة من الجهة المقابلة تسير على قضيبين ولها عودان ممتدان متصلان باسلاك معلقة---سالت عبدالله-- الشئ دا قطر- وقبل ان يجيبنى اردفت-- نان مالو ما عندو دخان--
الرد اتانى بسرعة من احد الركاب---الشئ دا يا بوعريب بيسموهو الترماج وحسع جاى من امدرمان--وبيمشى بالكهرباء عشان كدى ما عندو دخان--ثم استمر ناشدا--بلدنا بلدنا امدرمان-- الكهرباء فيها بلا دخان--
شارع الزلط للتعبان-- والترماج للكسلان---
ثم صاح--- يا امدرمان جاكى بلاء--
هكذا استقبلتنى امدرمان----

طبق على صمت القبور وانزويت فى ركن المقعد تختلج فى نفسى مشاعر شتى وتساؤلات-- الى اى عالم انتقلت واى اناس سالتقيهم-- اهم مثل اهلى فى البلد ام خلق اخر--
تهت مع افكارى تلك حتى توقفت السيارة عند دكان عمنا ود الحنان بالموردة وكان دكانه مثله مثل جيرانه يبيع البروش والمقاطف والحبال وهى سلع سوقها رائج فى ذلك الزمان
اكرمنا العم ود الحنان بفطور تشكل من الفول مع الطعمية و الرغيف وهى كلها اشياء جديدة على معدتى وبعد شراب الشاى توجهنا بتاكسى الى شارع التمارة بالسوق الكبير حيث دكان الوالد
شقت بنا السيارة الشوارع والازقة المزدحمة بكل انواع المركبات وبكل اشكال الناس الى ان حللنا بشارع التمارة فتوقفت السيارة عند دكان الوالد
نزلت فاستقبلنى والدى بشئ من الحنان الصارم وراح يسالنى عن الاهل واحدا واحدا ثم تحول الى عبدالله وساله عن احوال الاهل بالكدق وبعض الامور الاخرى التى لا افقه فيها شيئا وسرعان ما توارد الناس من الدكاكين المجاورة لتحية عبدالله والسلام على ومن خلال حديثهم ولهجتهم استنتجت ان هؤلاء جميعهم اهلى فعادت الطمانينة الى نفسى وغادر الفزع قلبى

هههههههههههههههههه
انت قديم جنس قدم ( من زمن الترماي)
لوحة جميله لدكان ود الحنان وافتكر كان جمب محل الليمون الحالي كما قالت لي والدتي رحمها الله
فقد ولدت في المورده وتربت هناك مع اهل امها هي وخالي
واذكر كنا صغارا نذهب لحبوباتنا في المورده وحديقه المورده والسماكه والخور وكت يتملي
واهلنا في الهاشماب والعباسيه والثورات
انا منتظر المزيد

abuleila
05-26-2009, 08:07 AM
هههههههههههههههههه
انت قديم جنس قدم ( من زمن الترماي)
لوحة جميله لدكان ود الحنان وافتكر كان جمب محل الليمون الحالي كما قالت لي والدتي رحمها الله
فقد ولدت في المورده وتربت هناك مع اهل امها هي وخالي
واذكر كنا صغارا نذهب لحبوباتنا في المورده وحديقه المورده والسماكه والخور وكت يتملي
واهلنا في الهاشماب والعباسيه والثورات
انا منتظر المزيد

سلام اخى العلقمابى--شنو حكاية قديم دى انا من الاول ما حذرتك الحكاية دى تخليها سر وما تجيب سيرتها - غاية الشكية لى اب ايدا قوية--
نعم السوق الفيهو دكان عمنا ود الحنان رحمة الله عليه-- فعلا يقع فى نفس المكان الذى تحول الان الى سوق للسمك--واصبر لى يا ما تسمع حكاوى

أب شخيت
05-26-2009, 09:21 AM
يا أبوليلي
نغيب يوم واحد بس نلقاك تسوط الحكاية كدي..:)..
يا ريت تقول للناس ديل الكلام دا كان سنة كم..:):):)..
لزوم التوثيق يعني.:)..
حكاويك سمحة شديد ويا ريت تكون دي بداية لكتابة ذكرياتك ومشاهداتك كاملة...
فما أطلعتني عليه من نذرٍ يسيرٍ من حياتك المليئة بالأحداث بالتأكيد فيه عظات وعبر كتيرة...
يا ريت ماتبخل على الناس بيها...
أهو يبقالك تلاقيط أجر...
تحياتي ومنتظرين...

العلقمابي
05-26-2009, 02:45 PM
يا أبوليلي
نغيب يوم واحد بس نلقاك تسوط الحكاية كدي..:)..
يا ريت تقول للناس ديل الكلام دا كان سنة كم..:):):)..
لزوم التوثيق يعني.:)..
حكاويك سمحة شديد ويا ريت تكون دي بداية لكتابة ذكرياتك ومشاهداتك كاملة...
فما أطلعتني عليه من نذرٍ يسيرٍ من حياتك المليئة بالأحداث بالتأكيد فيه عظات وعبر كتيرة...
يا ريت ماتبخل على الناس بيها...
أهو يبقالك تلاقيط أجر...
تحياتي ومنتظرين...

بركه الظهرت
انت ماتكتب برضك حاضر زمن الترماي
وحاضر الترلي والفلنكه

العلقمابي
05-27-2009, 09:08 AM
-عدت من سفر طويل فوجدت عمي رحمه الله مريض بالبروستات فذهبت به للخرطوم
وعملنا العمليه وبعدها باسبوع توفي واعددنا العده للرجوع للبلد بالقطار
-نسيت ان اخبركم اني تركت وراي زوجتي وابنتي ذات العامين
- وانا نايم حلمت ان ابي رحمه الله يقود ابنتي وهي تودعني
-رجعت بدون عمي الذي رباني
وقابلونا قدام الباب للعزاء ولفت انتباهي عدم حضور ابنتي لاستقبالي فقد كانت تنتظرني امام الباب
- قلت انتظر شويه وامشي اجيبه
- اتكي فوقي احد اعمامنا الجالسين وقال لي انت زول مؤمن وارادة الله غالبه
- جاء واحد للعزاء فعزيته ومرقت الشارع
- لحق بي احد الجيران وابلغني ان بنتي ماتت قبل اسبوع
-لازلت اذكر وقع الخبر علي
ذهلت للحظات فاسترجعت واستغفرت
وكتمت المي وصبرت
وبعد 5 دقائق اصبت بوجع راس ورعاف شديد
وبعد انتهاء عزاء عمي بقيت الذكريات المؤلمه
كلما راينا ملابسها ومكان لعبها
ورجعنا انا وزوجتي للمربع الاول
وصبرنا
وخلف الله علينا بالبنين والبنات
فان ربك ليس بظلام للعبيد
ولازالت ذكراها تؤلمنا
كلما ذكرنا (اماني )
الطفله الحلوه
الان لي طفله اسمها (اماني) تدخل هذا العام للمدرسه
-

abuleila
05-27-2009, 11:16 AM
-عدت من سفر طويل فوجدت عمي رحمه الله مريض بالبروستات فذهبت به للخرطوم
وعملنا العمليه وبعدها باسبوع توفي واعددنا العده للرجوع للبلد بالقطار
-نسيت ان اخبركم اني تركت وراي زوجتي وابنتي ذات العامين
- وانا نايم حلمت ان ابي رحمه الله يقود ابنتي وهي تودعني
-رجعت بدون عمي الذي رباني
وقابلونا قدام الباب للعزاء ولفت انتباهي عدم حضور ابنتي لاستقبالي فقد كانت تنتظرني امام الباب
- قلت انتظر شويه وامشي اجيبه
- اتكي فوقي احد اعمامنا الجالسين وقال لي انت زول مؤمن وارادة الله غالبه
- جاء واحد للعزاء فعزيته ومرقت الشارع
- لحق بي احد الجيران وابلغني ان بنتي ماتت قبل اسبوع
-لازلت اذكر وقع الخبر علي
ذهلت للحظات فاسترجعت واستغفرت
وكتمت المي وصبرت
وبعد 5 دقائق اصبت بوجع راس ورعاف شديد
وبعد انتهاء عزاء عمي بقيت الذكريات المؤلمه
كلما راينا ملابسها ومكان لعبها
ورجعنا انا وزوجتي للمربع الاول
وصبرنا
وخلف الله علينا بالبنين والبنات
فان ربك ليس بظلام للعبيد
ولازالت ذكراها تؤلمنا
كلما ذكرنا (اماني )
الطفله الحلوه
الان لي طفله اسمها (اماني) تدخل هذا العام للمدرسه
-
اخى العلقمابى
حكى حزين والله-- هكذا حال الدنيا ربنا يلهمكما الصبر والسلوان انت واهل بيتك -- ولمن مضى الرحمة والمغفرة وربنا يسعدكم بامانى الصغيرة واخوتها

abuleila
05-28-2009, 09:30 AM
شارع التمارة


وشارع التمارة كان يمثل اكبر تجمع لاهلنا خارج الرباطاب-- اقول كان - فاليوم لم يبق له من اثر--انتهى الجيل المؤثث - منهم من توفى رحمة الله عليهم ومنهم من اعقده الكبر مد الله فى ايامهم-- اما ابناؤهم فقد تلقوا التعليم وامتهنوا مهنا اخرى--
زرت المكان عام 2008 فلم اجد غير اخينا عوض فرج من ابوهشيم جالسا فى دكانة فى الشارع المقابل يشكو الوحدة بعد ان خلى الشارع من اهله--
وشارع التمارة هو امتداد لشارع الصاغة وكل دكاكينه كان يمتلكها الحاجى حسن من اولاد الريف واهلنا كانوا مؤجرين لا غير
من الشمال الى الجنوب كان يبدأ الشارع بدكان بنايوتى اليونانى وهو يبيع الاقمشة يليه محمد احمد الدنقلاوى وبعدهما يمتد صف الرباطاب الى نهاية الشارع عمنا محمد بدرى ثم عمنا عبدالله الشيخ ثم عمنا احمد عثمان الامين من الترعة مد الله فى ايامه ثم عثمان عزالدين من امردى ثم دكان الوالد يليه عمنا الجعلى محمد على وبعده عبدالكريم وسلطان جارعودو واخيه سراج يليه عمنا العوض ابختام واظنه من ندى وبعده الطيب الماحى ثم عمنا الطيب هاشم من ابوهشيم وينتهى الشارع بدكان عمنا جارعودو
ولان هؤلاء الناس كانوا يمثلون معظم قرى الرباطاب فان اخبار البلد كان تصل اول باول مع الواصلين من هناك
بل كان من عادة الضيوف الرجال ان ياتوا الى الشارع اولا ثم ينتقلون الى البيوت مع مضيفيهم فى نهاية اليوم-- وهذا ما فعلناه يحيث انتظرنا الوالد حتى يقفل دكانه لياخذنا الى البيت

ابووجدان
05-28-2009, 02:50 PM
-عدت من سفر طويل فوجدت عمي رحمه الله مريض بالبروستات فذهبت به للخرطوم
وعملنا العمليه وبعدها باسبوع توفي واعددنا العده للرجوع للبلد بالقطار
-نسيت ان اخبركم اني تركت وراي زوجتي وابنتي ذات العامين
- وانا نايم حلمت ان ابي رحمه الله يقود ابنتي وهي تودعني
-رجعت بدون عمي الذي رباني
وقابلونا قدام الباب للعزاء ولفت انتباهي عدم حضور ابنتي لاستقبالي فقد كانت تنتظرني امام الباب
- قلت انتظر شويه وامشي اجيبه
- اتكي فوقي احد اعمامنا الجالسين وقال لي انت زول مؤمن وارادة الله غالبه
- جاء واحد للعزاء فعزيته ومرقت الشارع
- لحق بي احد الجيران وابلغني ان بنتي ماتت قبل اسبوع
-لازلت اذكر وقع الخبر علي
ذهلت للحظات فاسترجعت واستغفرت
وكتمت المي وصبرت
وبعد 5 دقائق اصبت بوجع راس ورعاف شديد
وبعد انتهاء عزاء عمي بقيت الذكريات المؤلمه
كلما راينا ملابسها ومكان لعبها
ورجعنا انا وزوجتي للمربع الاول
وصبرنا
وخلف الله علينا بالبنين والبنات
فان ربك ليس بظلام للعبيد
ولازالت ذكراها تؤلمنا
كلما ذكرنا (اماني )
الطفله الحلوه
الان لي طفله اسمها (اماني) تدخل هذا العام للمدرسه
-
هذا ميسمي تنشيط الذاكرة اخي العلقمابي ارجو الاتقلب المواجع نعم يبقى فى الذاكرة ولندعه يخمد

العلقمابي
05-28-2009, 07:10 PM
اخى العلقمابى
حكى حزين والله-- هكذا حال الدنيا ربنا يلهمكما الصبر والسلوان انت واهل بيتك -- ولمن مضى الرحمة والمغفرة وربنا يسعدكم بامانى الصغيرة واخوتها

شارع التمارة


وشارع التمارة كان يمثل اكبر تجمع لاهلنا خارج الرباطاب-- اقول كان - فاليوم لم يبق له من اثر--انتهى الجيل المؤثث - منهم من توفى رحمة الله عليهم ومنهم من اعقده الكبر مد الله فى ايامهم-- اما ابناؤهم فقد تلقوا التعليم وامتهنوا مهنا اخرى--
زرت المكان عام 2008 فلم اجد غير اخينا عوض فرج من ابوهشيم جالسا فى دكانة فى الشارع المقابل يشكو الوحدة بعد ان خلى الشارع من اهله--
وشارع التمارة هو امتداد لشارع الصاغة وكل دكاكينه كان يمتلكها الحاجى حسن من اولاد الريف واهلنا كانوا مؤجرين لا غير
من الشمال الى الجنوب كان يبدأ الشارع بدكان بنايوتى اليونانى وهو يبيع الاقمشة يليه محمد احمد الدنقلاوى وبعدهما يمتد صف الرباطاب الى نهاية الشارع عمنا محمد بدرى ثم عمنا عبدالله الشيخ ثم عمنا احمد عثمان الامين من الترعة مد الله فى ايامه ثم عثمان عزالدين من امردى ثم دكان الوالد يليه عمنا الجعلى محمد على وبعده عبدالكريم وسلطان جارعودو واخيه سراج يليه عمنا العوض ابختام واظنه من ندى وبعده الطيب الماحى ثم عمنا الطيب هاشم من ابوهشيم وينتهى الشارع بدكان عمنا جارعودو
ولان هؤلاء الناس كانوا يمثلون معظم قرى الرباطاب فان اخبار البلد كان تصل اول باول مع الواصلين من هناك
بل كان من عادة الضيوف الرجال ان ياتوا الى الشارع اولا ثم ينتقلون الى البيوت مع مضيفيهم فى نهاية اليوم-- وهذا ما فعلناه يحيث انتظرنا الوالد حتى يقفل دكانه لياخذنا الى البيت

-شكرا اخي ابوليلي
وهذه الحكايه حصلت في ديسمبر عام 1994م

- شارع التماره من الاثار الجميله للرباطاب في ام درمان

العلقمابي
05-28-2009, 07:11 PM
هذا ميسمي تنشيط الذاكرة اخي العلقمابي ارجو الاتقلب المواجع نعم يبقى فى الذاكرة ولندعه يخمد

نعم اخي العزيز
ولتكن ذكري

abuleila
05-28-2009, 09:00 PM
يا أبوليلي
نغيب يوم واحد بس نلقاك تسوط الحكاية كدي..:)..
يا ريت تقول للناس ديل الكلام دا كان سنة كم..:):):)..
لزوم التوثيق يعني.:)..
حكاويك سمحة شديد ويا ريت تكون دي بداية لكتابة ذكرياتك ومشاهداتك كاملة...
فما أطلعتني عليه من نذرٍ يسيرٍ من حياتك المليئة بالأحداث بالتأكيد فيه عظات وعبر كتيرة...
يا ريت ماتبخل على الناس بيها...
أهو يبقالك تلاقيط أجر...
تحياتي ومنتظرين...


يازول انت عايز تقول شنو---- ما انت عارف انو بنتى الدكتورة ليلى اصغر منك بتلاتة سنين--- اها انا عجوز -- بس ناس ابوجدان ديل وضعهم شنو

العلقمابي
05-29-2009, 06:12 PM
يازول انت عايز تقول شنو---- ما انت عارف انو بنتى الدكتورة ليلى اصغر منك بتلاتة سنين--- اها انا عجوز -- بس ناس ابوجدان ديل وضعهم شنو

ابووجدان قدر اب شخيت
يعني العجوز براك

abuleila
05-29-2009, 09:39 PM
ابووجدان قدر اب شخيت
يعني العجوز براك


انت اقعد صغر فى نفسك--- تلقاك دخلوك الكتاب بعد ما بلغت --اما نحن دخلونا روضة فاطمة دكة على القسم-- مع ابناء البرجوا يا استاذ-- بينى بينك فى نصف السنة طردونى مترقى- للسنة الاولى كتاب-- قالوا ديك ما بتشبهم

العلقمابي
05-30-2009, 07:08 PM
انت اقعد صغر فى نفسك--- تلقاك دخلوك الكتاب بعد ما بلغت --اما نحن دخلونا روضة فاطمة دكة على القسم-- مع ابناء البرجوا يا استاذ-- بينى بينك فى نصف السنة طردونى مترقى- للسنة الاولى كتاب-- قالوا ديك ما بتشبهم

هههههههههههههههه
والله الكبر حصل
دايرك تواصل بدايات امدرمان

العلقمابي
05-31-2009, 09:00 AM
وين العجائز
ابوليلي
اب شخيت
ابووجدان
مرتضي رفسنجاني

فرنيب
05-31-2009, 09:26 AM
وين العجائز
ابوليلي
اب شخيت
ابووجدان
مرتضي رفسنجاني

اخوانا المصريين بيقولو الخير في العتايق


ونحنا بنقول الشجر الكبير فيهو الصمغ


مالو الكبر خبره وبتنفعوعنا بيها

لك مني اجمل سلام ياعمنا

العلقمابي
05-31-2009, 01:48 PM
اخوانا المصريين بيقولو الخير في العتايق


ونحنا بنقول الشجر الكبير فيهو الصمغ


مالو الكبر خبره وبتنفعوعنا بيها

لك مني اجمل سلام ياعمنا

الناس ديل خايفين انو يقولو عجائز
ودايرين ذكريات

abuleila
05-31-2009, 03:18 PM
اخوانا المصريين بيقولو الخير في العتايق


ونحنا بنقول الشجر الكبير فيهو الصمغ


مالو الكبر خبره وبتنفعوعنا بيها

لك مني اجمل سلام ياعمنا

شنو يا فرنيب ياخ--- طلعتونا مصمغين -- يعنى كدا زى توت عنخ امون-- ياخى اكان ما خانتنى الذاكرة بيقولوا الشدر الكبار فيهو الثمر --كدا الذ و احلى

العلقمابي
06-02-2009, 09:30 AM
شنو يا فرنيب ياخ--- طلعتونا مصمغين -- يعنى كدا زى توت عنخ امون-- ياخى اكان ما خانتنى الذاكرة بيقولوا الشدر الكبار فيهو الثمر --كدا الذ و احلى

ههههههه
حسع كان جينا للواقع نلقاهم عجائز كلهم

abuleila
06-04-2009, 11:42 AM
نتابع-- جاكى بلا يا امدرمان

بعد ان قضينا طيلة اليوم فى شارع التمارة تم قفل الدكان واتجهنا الى البيت وجود عمى خالد فرح مد الله فى ايامه خفف كثيرا من معاناتى فى غربتى من يومها الاول ثم لاحقا خالد يكبرنى بعدة سنوات وكنت اعرفه من البلد لانه كان ياتى فى الاجازة المدرسية--- خالد اصبح بمثابة الموجه لى فى غياهب هذه المدينة العجيبة-كنت كالمشدوه -اتلفت كثيرامتابعا السيارات والناس والبيوت وكل شئ جديد على طفل كان محيطه محدود بمجرى النهر وشريط من اشجار النخيل وعدوة فى الغرب--
خالد كان المرشد - كان يوجهنى كيف اسير على حافة الطريق وكيف اتصرف مع هؤلاء الغرباء كيف اتجنب شرهم وكيف اكتسب احترامهم -- خالد مر بكل هذا واكتسب تجربة استفدت انا منها كثيرا

وصلنا البيت-- اناس غرباء-- زوجة ابى-- وبناتها -ماسورة يجرى منها الماء -وبطة تغسل ريشها -الكل يتحدثون فى وقت واحد كانما الطيور عندما تعود الى اعشاشها فى المغربية -وفى ركن بعيد عدد من الاغنام وقف وسطها عمى خالد يوزع البرسيم الذى جلبه من السوق -- وفى هذا الاثناء جلست على حافة عنقريب تحيط بى اخواتى من ابى يدفعهن حب الاستطلاع لمعرفة هذا الاغبش الذى هبط فجاة وقيل انه اخ اخر لهن

رباطابية
06-04-2009, 11:47 AM
عمي ابو ليلي متابعة الرحلة الجميلة واستاذنك بعد ماتخلص انسخها بطريقة متتابعة وانزله في صفحة واحدة

abuleila
06-04-2009, 11:53 AM
عمي ابو ليلي متابعة الرحلة الجميلة واستاذنك بعد ماتخلص انسخها بطريقة متتابعة وانزله في صفحة واحدة

نعم يا بنت اخوى فكرة جميلة ربما تفيد تجاربنا اخرين فيتفادونها

العلقمابي
06-06-2009, 07:39 PM
نتابع-- جاكى بلا يا امدرمان

بعد ان قضينا طيلة اليوم فى شارع التمارة تم قفل الدكان واتجهنا الى البيت وجود عمى خالد فرح مد الله فى ايامه خفف كثيرا من معاناتى فى غربتى من يومها الاول ثم لاحقا خالد يكبرنى بعدة سنوات وكنت اعرفه من البلد لانه كان ياتى فى الاجازة المدرسية--- خالد اصبح بمثابة الموجه لى فى غياهب هذه المدينة العجيبة-كنت كالمشدوه -اتلفت كثيرامتابعا السيارات والناس والبيوت وكل شئ جديد على طفل كان محيطه محدود بمجرى النهر وشريط من اشجار النخيل وعدوة فى الغرب--
خالد كان المرشد - كان يوجهنى كيف اسير على حافة الطريق وكيف اتصرف مع هؤلاء الغرباء كيف اتجنب شرهم وكيف اكتسب احترامهم -- خالد مر بكل هذا واكتسب تجربة استفدت انا منها كثيرا

وصلنا البيت-- اناس غرباء-- زوجة ابى-- وبناتها -ماسورة يجرى منها الماء -وبطة تغسل ريشها -الكل يتحدثون فى وقت واحد كانما الطيور عندما تعود الى اعشاشها فى المغربية -وفى ركن بعيد عدد من الاغنام وقف وسطها عمى خالد يوزع البرسيم الذى جلبه من السوق -- وفى هذا الاثناء جلست على حافة عنقريب تحيط بى اخواتى من ابى يدفعهن حب الاستطلاع لمعرفة هذا الاغبش الذى هبط فجاة وقيل انه اخ اخر لهن

هههههههههههههههه
يااخي قصه سمحة لكن شغال لينا بي حقنة تطعيم 1 سيسي
الحلقات دي ماها للبيع طول شويه

abuleila
06-07-2009, 12:53 AM
اغبش وسط الحناكيش

بعد حوالى اسبوع خصص للتاقلم وفى صباح ذات سبت ومع صلاة الصبح ايقظنى الوالد وطلب منى الاستعداد للذهاب للمدرسة--عمى خالد امرنى ان استحم ثم بعد ذلك ارتديت الجلابية الجديدة ووضعت على راسى طاقية وبعد شراب الشاى انطلقنا راجلين حتى المحطة الوسطى ثم ركبنا الترماى حتى محطة الظبتية- نزلنا واتجهنا نحو مبنى كبير كبير قال لى عمى هامسا انه مدرسة الاحفاد-- ولجنا الى داخل المبنى وفى الحوش توقفنا-- تموج الساحة بعدد هائل من الاولاد منهم الصغير والكبير كلهم بملابس بيضا نظيفة والكبار منهم يرتدون العمم-- وانا فى انشغالى بما حولى لم الاحظ وصول ذلك الرجل ابيض اللون الذى يرتدى القفطان الازهرى وله لحية مستديرة-- انتبهت على صوت والدى وهو يرحب به -- مرحبا بالناظر ميرغنى السنجك --جبنالك الولد--- رتب الناظر على راسى وردد-- لكن يا البدوى ولدك دا صغير على سنة اولى-- ندخله الروضة-
ثم قادنا الناظر الى قاعة سداسية الاضلاع فى الركن الشمالى من المدرسة اصطف امامها عدد من الاطفال يرتدون القمصان البيضاء والبنطلونات القصيرة وينتعلون احذية سوداء وشرابات تقف امامهم سيدة فارعة الطول
قدمها الناظر لوالدى-- السيدة فاطمة دكة معلمة الروضة--
بعين تخلو من الرضا عاينتنى السيدة من اعلى راسى الى قدمى-- طاقيتى وجلابيتى الغير مفشوشة وحذائى الباتاو علقت النظافة ثم النظافة الولد لازم كل يوم يجى مغير ملابسه مكوية واظافره مقصصصة----

سبحان مغير الاحوال-- بعد خلوة جدى زين العابدين تسيب البلد يا الحسن علشان تجى لقراية شيختها مرة

العلقمابي
06-07-2009, 09:14 AM
اغبش وسط الحناكيش

بعد حوالى اسبوع خصص للتاقلم وفى صباح ذات سبت ومع صلاة الصبح ايقظنى الوالد وطلب منى الاستعداد للزهاب للمدرسة--عمى خالد امرنى ان استحم ثم بعد ذلك ارتديت الجلابية الجديدة ووضعت على راسى طاقية وبعد شراب الشاى انطلقنا راجلين حتى المحطة الوسطى ثم ركبنا الترماى حتى محطة الظبتية- نزلنا واتجهنا نحو مبنى كبير كبير قال لى عمى هامسا انه مدرسة الاحفاد-- ولجنا الى داخل المبنى وفى الحوش توقفنا-- تموج الساحة بعدد هائل من الاولاد منهم الصغير والكبير كلهم بملابس بيضا نظيفة والكبار منهم يرتدون العمم-- وانا فى انشغالى بما حولى لم الاحظ وصول ذلك الرجل ابيض اللون الذى يرتدى القفطان الازهرى وله لحية مستديرة-- انتبهت على صوت والدى وهو يرحب به -- مرحبا بالناظر ميرغنى السنجك --جبنالك الولد--- رتب الناظر على راسى وردد-- لكن يا البدوى ولدك دا صغير على سنة اولى-- ندخله الروضة-
ثم قادنا الناظر الى قاعة سداسية الاضلاع فى الركن الشمالى من المدرسة اصطف امامها عدد من الاطفال يرتدون القمصان البيضاء والبنطلونات القصيرة وينتعلون احذية سوداء وشرابات تقف امامهم سيدة فارعة الطول
قدمها الناظر لوالدى-- السيدة فاطمة دكة معلمة الروضة--
بعين تخلو من الرضا عاينتنى السيدة من اعلى راسى الى قدمى-- طاقيتى وجلابيتى الغير مفشوشة وحذائى الباتاو علقت النظافة ثم النظافة الولد لازم كل يوم يجى مغير ملابسه مكوية واظافره مقصصصة----

سبحان مغير الاحوال-- بعد خلوة جدى زين العابدين تسيب البلد يا الحسن علشان تجى لقراية شيختها مرة

ههههههههههه
بدايه مشجعه للتعليم
يااخوي ادعو لوالدك صباح ومساء
حسع كنت ماسك طوريتك وحالتك عجيبه

تخريمه
كبرنا كتابتك لانو في ناس من الكبر عميانه زي انا وابووجدان واب شخيت

abuleila
06-07-2009, 09:45 AM
وبدأ مشوارى مع القراية وكنت احسبه لن يطول فلا زالت احلامى مرتبطة بالبلد وهناك لم ارى متعلمين ولم اعرف لهم وظائف فى القرية غير قراءة الرسائل التى ترد لاهلنا من البندر فى القرية لا توجد مدرسة او مركز صى او نقطة بوليس فما الداعى للمتعلم فى القرية منذ نشاتى الاولى نظرت حولى فوجدت الناس يمارسون الزراعة والرعى وفتل الحبال وكلها مهن لا تحتاج للقراية فمن اين لى بطموحات واحلام جديدة افقى محدود جغرافيا بين ضفة النهر والعدوةواحلامى محدودة بواقعى اعظم ما كنت اتمناه واحلم به ان اكبر ويكون لى قطيع من الجمال كما للوالد ويشرف عليه راعى مثل امحمد ود عثمان المنصورى وزوجته فوقن كنت احلم ان ارافقهم نقطع العدوة الى وادى جورا لنمضى الخريف هناك ثم نعود عندما ينزل البحر لنقطع للجزيرة كشوى نضرب خيامنا ترعى جمالنا ونتمتع بصيد الحوت فى المهوة
اخى الكبير ذهب الى المدرسة وتخرج واصبح افنديا يرتدى البنطلون لكن حضوره للبلد كان نادرا وفى سنينى الاولى قبل ذهابى الى امدرمان لم اره الا مرة واحدة ربما اتى مرات وانا صغير لم يكتمل وعى وربما ارتباطه بالوظيفة حدد من زياراته-- كل هذه العوامل لم تساعد فى ان اتخذ من مسار اخى الوظيفى مثلا يحتذى لم تجذبنى الوظيفة ولا ارتداء البنطلون اما الماهية فلا اعرف عنها شيئا-- كما يقول علماء الاجتماع الانسان ابن محيطه الطبيعى وانا فى تلك السن لم اشذ عن هذه القاعدة

abuleila
06-07-2009, 11:43 AM
شيئا فشيئا انتظمت حياتى -فى الصباح الباكر رفقة عمى خالد نغادر البيت فى طرف امدرمان الشمالى متوجهين الى المدرسة وفى مرات عديدة نغامر بركوب الترماى ان لم يكون هناك مفتش نصل المدرسة عمى يتجه الى فصله وانا الى عذابى-- نعم عذاب اول الصباح نصطف امام الفصل السداسى الشكل وتمر علينا الست فاطمة وفى يدها مسطرة - افتح يديك- اظافرك طويلة - لماذا لم تقصها لك امك-- وتقع المسطرة على اصابعك - ضربات مؤلمة جعلتنى اهتدى لعادة سيئة-- اقضم اضفارى باسنانى حتى اتفادى العقاب -- ماذا افعل وامى بعيدة عنى
والعذاب الاكثر الما واحراجا يحدث فى الايام الاخيرة من الاسبوع -- الجلابية الوحيدة نقوم بغسلها مع عمى يوم الجمعة وتكون قداتسخت فى نهاية الاسبوع وهنا يقع العقاب و الاحراج ويصل اللوم حتى الوالدة المسكينة فى قريتها

كل هذا العذاب المتكرر واقع على راسى والحناكيش يتفرجون فهم دائما ملابسهم نظيفة واظافرهم مقلمة ياتون بالسيارات-- كان بينهم محمد عبدالرحمن المهدى وفيصل الصديق المهدى وغيرهم من ابناء علية القوم-- ما الذى رمانى وسطهم عير الشقاوة---
تقودنى ذكرياتى الى البلد الى خلوة جدى زين العابدين بالقرب من ساقية المهيراب كان جدنا خير معلم صبور واسع الصدر علمنا اداء الصلاة وحفظنا القران ومن لم يحفظ يعاقب بالفلقة ويقوم بذلك ابنه محمد احمد مد الله فى ايامه وكثيرا ما تتدخل والدته الله يرحمها حبوبة عاشة ام قزاز لتوقفه--كنا سواسية ولكل امرء ما جنى

اما هنا عند الشيخة فاطمة الامر اخر-- دخلنا الفصل-- اررف عليها العاب لم ارها من قبل وصور معلقة على الحائط والواح اردواس
الزمن عند الست فاطمة مقسم الى شوية قراية ثم فسحة فطور تليها شوية قراية ثم العاب خارج وداخل القاعة ثم حصة نوم- فى القراية طبعا انا فى المقدمة ولايستطيع حنكوش ان يجارينى - خلوة جدى-- فى فسحة الفطور اخرج لاصطف فى طابور العم عثمان من اجل ساندوتش فول بقرش اما الاخرين فلهم فطورهم الخاص داخل الفصل -- اما فى حصة اللعب فانا اغبش بحق وحقيق ايش درانى بلعب الكرة او الالعاب الاخرى وقد مارست لعب الكدة-- تاتى حصة النوم فاراهم ينومون بالجد وانا اراقبهم واضحك فى داخلى

العلقمابي
06-07-2009, 10:33 PM
والله حكايه عجيبه
ولكن تحمد الله وزي ماقلت ليك ادعو لوالدك الذي انقذك من الطوريه

abuleila
06-09-2009, 09:58 AM
والله حكايه عجيبه
ولكن تحمد الله وزي ماقلت ليك ادعو لوالدك الذي انقذك من الطوريه

السلام عليكم ورحمة الله وبركاته اخى العلقمابى--الحمد لله على ما انا فيه وادعو لوالدى بالرحمة والمغفرة--لا ادرى لماذا لكن مرات عديدة تمر على حالات تنطلق فيها خواطرى الى الخلف-- عكس عقارب الساعة استعرض ما لاقيته من شقاء وحرمان - شريط افتراضى يمرامام اعينى- طفولة تعيسة فقدت فيها حنان الام الذى لا يعوض=- خرجت من عندها وعمرى اقل من 6 سنوات وخلال السبعة سنوات التى تلتها-- حتى اكمالى المرحلة الاولية والمتوسطة لم تسنح لى الفرصة لزيارة البلد الا مرة واحدة--اذكر عندما بلغت التاسعة قرر والدى اجراء عملية الختان لى-- اخذنى ذات صباح على سيارة تاكسى الى الطهار اسماعيل فى مستشفى امدرمان واجريت لى العملية-- لا حريرة لا ضريرة-- لا فوق فوق-- لا وليدات اتلموا لا نسوان زغردن- تذكرت حينها طهارة صديقى مصطفى ود الماحى فى الرويساب-- كيف اجتمع الناس وضبحت الكباش وضجت الساحة باصوات المغنين ثم اتوا بمصطفى يلبس قفطانا وعلى راسه الضريرة-- اجلسوهوا على عنقريب غطته عتنيبة جميلة ثم جاء الطهار والتف الرجال حوله ثم تعالت فوق فوق تصحبها زغاريد النساء وطلقات البنادق-- لمدة سبعة ايام كان بيتهم فى فرح دائم

abuleila
06-09-2009, 11:01 AM
بعد نهاية اليوم الدراسى رفقة عمى خالد ننطلق راجعين اولا عبر الدكان للتمام ثم نتوجه للبيت لنعود بعمود الغداء وبعد تناول طعام الغداء مع الوالد يسمح لنا بالجلوس فى ظل زنك الطواقى المقابل - نجتمع كلنا من ابناء الرباطاب وكلنا من تلاميذ الاحفاد-- الاستاذ احمد بدرى مدير المدرسة السودانية بلندن وابن عمه عبدالرحمن الجعلى الفنان الذى صمم علم السودان وغيرهم وخلفنا حبوبة عاشة بدرى التى تبيع الطواقى وكانت رحمة الله عليها امراة طيبة تغمرنا بحنانها ودائما تحرص ان تهدى كل واحد منا طاقية العيد--- كانت هذه احلى ساعات يومى طوال السبع سنوات التى امضيتها فى امدرمان نحن كلنا ابناء اهل ظروفنا واحدة وطباعنا واحدة همومنا واحدة ولهجتنا واحدة نختلف انا وعمى عنهم فى شئ واحد-- هم اسرهم مكتملة ونحن امهاتنا فى البلد ونعيش كالغرباء
مع حلول المساء نعود للبيت بعلف للغنم ونمضى الليل وتصبح الدنيا وعلى نفس الرتابة
استمر حالى فى الروضة حتى نهاية الفصل الدراسى الاول-- بعدها قررت السيدة فاطمة دكة اننى لا انفع معهم-- وفى مقدورى ان اواصل الدراسة فى السنة الاولى من المرحلة الاولية-- وهكذا كان و الحمد لله انتقلت الى السنة الاولى حيث التلاميذ عاديون يلبسون الجلابية لا يسالهم احد عن اظافرهم ولا يحاسبون على اتساخ ملابسهم والمدرسون كلهم من الرجال بل من بينهم قريبى قمرالدين الحسين مالك--فقط امر واحدمزعج هنا لديهم 3 مواد-- عربى وحساب ودين وانا قضيت فصلا دراسيا كاملا فى اللعب والنوم عند الست فاطمة وعلى اللحاق بهم

فرنيب
06-09-2009, 01:09 PM
والله ياعمنا العلقماني موضعك كان جميل من البدايه وبيرجعنا لي ذكريات اجمل وكل يوم الشباب بيزيدوه ذكريات ممتعه وحزينه وحنينه الله يدي الجميع العافيه

صباحك سعيد كيف حالك لعلك بخير

فرنيب
06-09-2009, 01:19 PM
بعد نهاية اليوم الدراسى رفقة عمى خالد ننطلق راجعين اولا عبر الدكان للتمام ثم نتوجه للبيت لنعود بعمود الغداء وبعد تناول طعام الغداء مع الوالد يسمح لنا بالجلوس فى ظل زنك الطواقى المقابل - نجتمع كلنا من ابناء الرباطاب وكلنا من تلاميذ الاحفاد-- الاستاذ احمد بدرى مدير المدرسة السودانية بلندن وابن عمه عبدالرحمن الجعلى الفنان الذى صمم علم السودان وغيرهم وخلفنا حبوبة عاشة بدرى التى تبيع الطواقى وكانت رحمة الله عليها امراة طيبة تغمرنا بحنانها ودائما تحرص ان تهدى كل واحد منا طاقية العيد--- كانت هذه احلى ساعات يومى طوال السبع سنوات التى امضيتها فى امدرمان نحن كلنا ابناء اهل ظروفنا واحدة وطباعنا واحدة همومنا واحدة ولهجتنا واحدة نختلف انا وعمى عنهم فى شئ واحد-- هم اسرهم مكتملة ونحن امهاتنا فى البلد ونعيش كالغرباء
مع حلول المساء نعود للبيت بعلف للغنم ونمضى الليل وتصبح الدنيا وعلى نفس الرتابة
استمر حالى فى الروضة حتى نهاية الفصل الدراسى الاول-- بعدها قررت السيدة فاطمة دكة اننى لا انفع معهم-- وفى مقدورى ان اواصل الدراسة فى السنة الاولى من المرحلة الاولية-- وهكذا كان و الحمد لله انتقلت الى السنة الاولى حيث التلاميذ عاديون يلبسون الجلابية لا يسالهم احد عن اظافرهم ولا يحاسبون على اتساخ ملابسهم والمدرسون كلهم من الرجال بل من بينهم قريبى قمرالدين الحسين مالك--فقط امر واحدمزعج هنا لديهم 3 مواد-- عربى وحساب ودين وانا قضيت فصلا دراسيا كاملا فى اللعب والنوم عند الست فاطمة وعلى اللحاق بهم


ابو ليلا كيف الحال ان شاء الله تكون بخير والله بوحك متميز جداُ وعشت معاك القصه من بديته نحنا في الغربه بنواجه نفس المشاكل تقريباً وبالذات في بداية المراحل الدراسيه مثل البتدائيه اللعينه لمن تكون في مكان بعيد فيه عن بني جنسك والنوعيه التي تتعامل معها والله ما كانت ذات الم كبير لاننا كنا لسنا بذلك الوعي بقينا نتذكرها ونضحك بس كانت حاره لمن تكون مع ناس مفتكرين نفسهم شعب الله المختار وانت كائن غريب من كوكب تاني ولو جينا للحق تلقى نفسك ولله الحمد اشرف منهم نسباُ واصلاُ لا اريد ان اخوض في هذا الموضوع كثيراً بس حبيت ان اقول ليك انت تشبهنا في تلك الذكريات بس نحنا بين ناس اغراب ما بيعرفونا ولا بيعرفو اصولنا مفتكرين السوداني سوداني واحد لو كان من الفلاته ولا الشرق الرشايده ولا حلفاوي ولا دنقلاوي مابيعرفو الرباطاب والشوايقه والجعليه عشان كده بنعذرهم

شكراً ابو ليلى وتقبل مروري

العلقمابي
06-09-2009, 02:54 PM
السلام عليكم ورحمة الله وبركاته اخى العلقمابى--الحمد لله على ما انا فيه وادعو لوالدى بالرحمة والمغفرة--لا ادرى لماذا لكن مرات عديدة تمر على حالات تنطلق فيها خواطرى الى الخلف-- عكس عقارب الساعة استعرض ما لاقيته من شقاء وحرمان - شريط افتراضى يمرامام اعينى- طفولة تعيسة فقدت فيها حنان الام الذى لا يعوض=- خرجت من عندها وعمرى اقل من 6 سنوات وخلال السبعة سنوات التى تلتها-- حتى اكمالى المرحلة الاولية والمتوسطة لم تسنح لى الفرصة لزيارة البلد الا مرة واحدة--اذكر عندما بلغت التاسعة قرر والدى اجراء عملية الختان لى-- اخذنى ذات صباح على سيارة تاكسى الى الطهار اسماعيل فى مستشفى امدرمان واجريت لى العملية-- لا حريرة لا ضريرة-- لا فوق فوق-- لا وليدات اتلموا لا نسوان زغردن- تذكرت حينها طهارة صديقى مصطفى ود الماحى فى الرويساب-- كيف اجتمع الناس وضبحت الكباش وضجت الساحة باصوات المغنين ثم اتوا بمصطفى يلبس قفطانا وعلى راسه الضريرة-- اجلسوهوا على عنقريب غطته عتنيبة جميلة ثم جاء الطهار والتف الرجال حوله ثم تعالت فوق فوق تصحبها زغاريد النساء وطلقات البنادق-- لمدة سبعة ايام كان بيتهم فى فرح دائم

بعد نهاية اليوم الدراسى رفقة عمى خالد ننطلق راجعين اولا عبر الدكان للتمام ثم نتوجه للبيت لنعود بعمود الغداء وبعد تناول طعام الغداء مع الوالد يسمح لنا بالجلوس فى ظل زنك الطواقى المقابل - نجتمع كلنا من ابناء الرباطاب وكلنا من تلاميذ الاحفاد-- الاستاذ احمد بدرى مدير المدرسة السودانية بلندن وابن عمه عبدالرحمن الجعلى الفنان الذى صمم علم السودان وغيرهم وخلفنا حبوبة عاشة بدرى التى تبيع الطواقى وكانت رحمة الله عليها امراة طيبة تغمرنا بحنانها ودائما تحرص ان تهدى كل واحد منا طاقية العيد--- كانت هذه احلى ساعات يومى طوال السبع سنوات التى امضيتها فى امدرمان نحن كلنا ابناء اهل ظروفنا واحدة وطباعنا واحدة همومنا واحدة ولهجتنا واحدة نختلف انا وعمى عنهم فى شئ واحد-- هم اسرهم مكتملة ونحن امهاتنا فى البلد ونعيش كالغرباء
مع حلول المساء نعود للبيت بعلف للغنم ونمضى الليل وتصبح الدنيا وعلى نفس الرتابة
استمر حالى فى الروضة حتى نهاية الفصل الدراسى الاول-- بعدها قررت السيدة فاطمة دكة اننى لا انفع معهم-- وفى مقدورى ان اواصل الدراسة فى السنة الاولى من المرحلة الاولية-- وهكذا كان و الحمد لله انتقلت الى السنة الاولى حيث التلاميذ عاديون يلبسون الجلابية لا يسالهم احد عن اظافرهم ولا يحاسبون على اتساخ ملابسهم والمدرسون كلهم من الرجال بل من بينهم قريبى قمرالدين الحسين مالك--فقط امر واحدمزعج هنا لديهم 3 مواد-- عربى وحساب ودين وانا قضيت فصلا دراسيا كاملا فى اللعب والنوم عند الست فاطمة وعلى اللحاق بهم

اخي ابوليلي
تمر علينا ذكريات الطفوله بحلوها ومرها
بذكري اليتم ووفاة الوالد
وتعب الوالده عليها رحمه الله في تربيتنا
بالامال في ان نرد لها بعض حقها
وما ان بلغنا الاستطاعه حتي توفاها الله من قبل ان نمد لها يد الوفاء والعرفان
ذات صباح من عام 1999م وانا اعمل بمكتب شندي
استدعاني المدير وابلغني بوفاة والدتي ليل امس
هكذا وبدون مقدمات
لم تكن هناك موبايلات او اتصال متاح

abuleila
06-09-2009, 07:45 PM
اخي ابوليلي
تمر علينا ذكريات الطفوله بحلوها ومرها
بذكري اليتم ووفاة الوالد
وتعب الوالده عليها رحمه الله في تربيتنا
بالامال في ان نرد لها بعض حقها
وما ان بلغنا الاستطاعه حتي توفاها الله من قبل ان نمد لها يد الوفاء والعرفان
ذات صباح من عام 1999م وانا اعمل بمكتب شندي
استدعاني المدير وابلغني بوفاة والدتي ليل امس
هكذا وبدون مقدمات
لم تكن هناك موبايلات او اتصال متاح

الاخ علقمابى فقد الوالدين حزن لا يبرح ولا تطويه الايام نشاطرك الاحزان يا اخى اما والديك فلهما الرحمة والمغفرة وندعو ربى ان يسكنهما فسيح جناته--كن متاكدا ان الوالدة عافية عنك وما بزلته معكم من مجهود قطعا سيجازيها الخالق عليه خيرا انشاء الله

abuleila
06-09-2009, 08:05 PM
ابو ليلا كيف الحال ان شاء الله تكون بخير والله بوحك متميز جداُ وعشت معاك القصه من بديته نحنا في الغربه بنواجه نفس المشاكل تقريباً وبالذات في بداية المراحل الدراسيه مثل البتدائيه اللعينه لمن تكون في مكان بعيد فيه عن بني جنسك والنوعيه التي تتعامل معها والله ما كانت ذات الم كبير لاننا كنا لسنا بذلك الوعي بقينا نتذكرها ونضحك بس كانت حاره لمن تكون مع ناس مفتكرين نفسهم شعب الله المختار وانت كائن غريب من كوكب تاني ولو جينا للحق تلقى نفسك ولله الحمد اشرف منهم نسباُ واصلاُ لا اريد ان اخوض في هذا الموضوع كثيراً بس حبيت ان اقول ليك انت تشبهنا في تلك الذكريات بس نحنا بين ناس اغراب ما بيعرفونا ولا بيعرفو اصولنا مفتكرين السوداني سوداني واحد لو كان من الفلاته ولا الشرق الرشايده ولا حلفاوي ولا دنقلاوي مابيعرفو الرباطاب والشوايقه والجعليه عشان كده بنعذرهم

شكراً ابو ليلى وتقبل مروري

اخى او بالاحرى ابنى فرنيب اتفهم معاناتك وما لاقيته من متاعب اثناء الدراسة فى بلد اجنبى -وهذه من اكبر مآسى الاغتراب-- الكبار قد يتحملون لكن الصغار تبقى تلك المتاعب جرحا غائرا فى ذاكرتهم-- من ناحية اخرى اذا ترك الوالد الاسرة فى السودان واغترب لوحده تطل ماساة اخرى اكثر خطورة ولنا ان نتمعن فى حال الكثير من الاسر اليوم فى السودان--شخصيا ارى ان كان لا بد من الاغتراب فلتغترب الاسرة بكاملها

العلقمابي
06-12-2009, 07:42 PM
الاخ علقمابى فقد الوالدين حزن لا يبرح ولا تطويه الايام نشاطرك الاحزان يا اخى اما والديك فلهما الرحمة والمغفرة وندعو ربى ان يسكنهما فسيح جناته--كن متاكدا ان الوالدة عافية عنك وما بزلته معكم من مجهود قطعا سيجازيها الخالق عليه خيرا انشاء الله

شكري وتقديري لك ابوليلي
واتحفتنا بقلمك الانيق وشوقتنا لبقيه القصه

العلقمابي
06-15-2009, 11:59 AM
عوووووووووووووووووووووووووووك
وين ابوليلي وباقي العجائز

العلقمابي
06-17-2009, 09:53 PM
في يوم من ايام عام 1974م ونحن نازلين لنج في قنب الحلاوين نظرت غرب منزلنا الحكومي فرايت حاجه زي البحر ولم يذكره لي احد الا واحد رباطابي جارنا من ابوهشيم قال لي دا جدول المشروع
- تذكرت البحر عندنا في مقرات وقمت جري عليهو
- وقفت في الحافه فرايت الجدول الكبير زي البحر
المهم عاوز اقيس المويه والوكت داك مابعرف اعوم
انزلقت وشرقت وطقيت الكواريك
حصلوني جماعه يغسلو في هدومن جمب الترعه(الكنار)
المهم مرقوني واكلتها علي اللباد وسكت

في واحد من ناس المحطه جاء جمب الجماعه المرقوني وكلموه انهم انقذو ولد الناظر الجديد
الراجل حدث ابوي

وجنس علقه اخدتها

أسامة
06-18-2009, 01:16 PM
واحدة من أروع صورة المرأة التي نحب أن نراها قوية أمام الظروف، تتحدى الصعاب مثل هذه المرأة حري بأن تجد من التكريم والتبجيل ما تستحق لتكون مثالاً تلك للمرأة المكافحة الصابرة ، تلك المرأة التي تفننت الظروف القاسية في تشكيل شخصيتها .. تلك الأم الصبورة المجاهدة ، التي كانت تمثل حياة جديدة برزت لساحتها بسلاح الصبر وترس التوكل تسابق الناس التي تسكن تلك المدينة الصغيرة وتبحث معهم عن لقمة العيش لذلك الطفل الأسمر الذي أعياها بالبكاء جوعاً ومزق حلمتها بحثاً عن الحليب، الرجال أصبحوا ينظرون إلى تلك التي كانت سيدة نساء أهل الحي ، لما تتصف به من رجاحه عقل وقدراً من التعليم تفوق به عن مثيلاتها، أصبحوا ينظرون إليها كإمرأة بلا رجل فلقد سجن زوجها ومات والدها والزمن القادم طويل جداً حتى تتطاول هامة هذا الطفل الصغير الذي تحمله بين يديها.
اما زوجها ذاك القابع خلف قضان السجن فقد كان النقطة السوداء الوحيدة في حياتها فبعد مرور حولاً كاملاً على الزواج كشف الغطاء ، وبدأت الحقيقة ظاهرة للعيان وهي تبصر زوجها يتسلل إلى البيت في جوف الليل عائداً من سهراته ومغامراته وأندية القمار التي كان يعاقرها....أونمل كثيراً في مقارنة الموبقات التي كان يمارسها خارج أسوار البيت ثم تجرأ وفعلها داخله، حاولت جاهدة إصلاحه وإرشاده، حاولت إصلاحه مراراً وتكرراً ولكن هيهات هيهات ... لقد وقع تحت تأثير عصابة من رفقاء السوء يقتاتون على مائدته وقد رضى منهم أن نصبوه زعيماً لهم فكان هو الفاعل لكل سفاهاتهم فأصبح العار يطارده ، وأما هم فهربوا إلى الأماكن المظلمة .
أما هي فبعد سنوات قليلة من الزواج أيقنت أن ارض هذا الرجل مجدبة لا تنفع معها مياه النصح والإرشاد ( ومن يضلل الله فما له من هاد) عندها اتخذت قرارها قبل وقو ع الفاس في الرأس ودخول الزوج السجن.
أما ابنها في ذلك الوقت فقد كان يواصل ركل أحشائها بلاهوادة .. كانت حامل به في الشهر الثامن حينما تم الطلاق ودخل الزوج السجن ولم يرى ابنه القادم.
ونواصل الحكاية

أنا
06-18-2009, 01:36 PM
متابعين يا اسامة
ما تطول علينا


:D:d

بنت النيل
06-18-2009, 01:44 PM
متابعين ما تطول الغياب

ام حمزه
06-18-2009, 01:46 PM
قصه حلوه من بدايتها يا اسامه وفي انتظار الحلقه التانيه

أسامة
06-20-2009, 09:22 AM
شكرا بنت النيل أنا ، أم حمزة على مروركم وسوف أواصل بما يسركم بإذن الله

أسامة
06-20-2009, 10:34 AM
كان زواجها من ( مبارك الحجاز) حديثاً لأهل الحي كله .. يا لها من فتاة محظوظة ، سوف تعيش في بحبوحة من الحياة ، تلك الأطيان والأموال كلها لها ولأبنائها.. يا لحظ هذه الفتاة.. إن نصف بيوت هذا الحي تعود (للحجاز).. والحقيقة أنها كانت أمنية كل شباب الحي، أما زواجها من ( مبارك) فلم يكن سوى معركة تنافسية بين (مبارك) وبعض شباب الحي حول من يظفر بالحسناء ... حاولت جاهدة إصلاحه وإرشاده، تركت هم الحي وأسرتها ودراستها وعاهدت ذاتها على أن يكون (مبارك) هو مشروعها الوحيد فتكثيف الجهود على مسار واحد هي أفضل ما يمكن عمله.
أصبح ورود اسم ( مبارك) مثار الغضب والاحتقان في مجالس أهل الحي دوماً يتبعون اسمه بعدّة جمل (لعنة الله عليه ) (لا بارك الله فيه).
لقد بدد ثروة أبيه الهائلة في غضون بضع سنوات ثم أصبح (مضرب المثل) في مضمار( المكر والخديعة) أكل أموال الناس بالباطل، خدع هؤلاء وانطلت حيله على أولئك ... أوهمهم أنهم ينطلقون إلى عالم المال من خلال مشروعه الجديد فيتسابقوت يبذلون المال في (حجره) يُمنون أنفسهم وينشؤن تحت تأثير الأحلام الوردية التي أصبحت كالحة اللون.
ـ لماذا تم الانفصال يا أمي ؟
ـ كان لا بد منه فالحياة معه بعد ذلك هي الموت لي لا محالة .
ـ هل حاولتي معه.
ـ بذلت كل ما بوسعي.
لقد أصبح ( إبراهيم ) كبيراً ناضجاً ونضجت معه أسئلته وكانت أمه لها وللمفردات التي يستعملها فما كان يدخل في قائمة المحظورات سابقاً ويمنع الحديث عنه كان لابد لها من أن تبوح بسره له وتخبره تفاصيل الحقيقة كاملة ؟
ونواصل

رباطابية
06-20-2009, 10:50 AM
قصة جميلة يااسامه ياريت تواصل

بنت النيل
06-20-2009, 11:34 AM
الاخ اسامه اسعد الله صباحك
نحن متابعين وفي شوفا لسماع القصه مكتمله انت تجي
وتغيب كم يوم الحكايه شنو دايما نتعطش للجديد في الواحة
في الانتظار

العلقمابي
06-20-2009, 07:45 PM
انتو وين ابوليلي

ان شاء الله يكون طيب وشديد

abuleila
06-20-2009, 09:27 PM
انتو وين ابوليلي

ان شاء الله يكون طيب وشديد

تحياتى الحارة اصغر العجايز- اصبر لى شوية مشغوليات -- ننهيها ونستعدل -- ما بتلوم معاك تب

القطر
06-20-2009, 10:10 PM
انتو وين ابوليلي

ان شاء الله يكون طيب وشديد
دا يكون لحق ابو وجدان اصلن عجايز خرفو وعمو

العلقمابي
06-21-2009, 09:43 AM
تحياتى الحارة اصغر العجايز- اصبر لى شوية مشغوليات -- ننهيها ونستعدل -- ما بتلوم معاك تب

الحمد لله انك بخير وعافيه

وماتطول الغيبه

العلقمابي
06-21-2009, 09:44 AM
دا يكون لحق ابو وجدان اصلن عجايز خرفو وعمو

ههههههههههههههه
ابووجدان قالو نسي اسمو

أنا
06-21-2009, 03:40 PM
الاخ اسامه اسعد الله صباحك
نحن متابعين وفي شوفا لسماع القصه مكتمله انت تجي
وتغيب كم يوم الحكايه شنو دايما نتعطش للجديد في الواحة
في الانتظار
هههههههههه
ده اسمه نظام شحتفه روح ساااى
هووى يا اسامة نحنا كان روحنا حرقتنا تانى بنفتح للقصة دى :p:p

أسامة
06-21-2009, 06:53 PM
=أنا;57643]هههههههههه
ده اسمه نظام شحتفه روح ساااى
هووى يا اسامة نحنا كان روحنا حرقتنا تانى بنفتح للقصة دى :p:p[/bor]


أنا أنت ليك يومين مسجله غياب عشان كدى أنا قلت ما في زول حا يقرأ زاتو غير بنت النيل .. أها كان روحك شحتفتك والقصه دي سبتيها أنا زاتي بسيبها .. :p
وبعدين لسع نحنا في البداية يادووب ظهر بطل القصة إبراهيم وبعدين أمه اسمه منو انتي لسع ما عارفه .. الجاي كتير بس استعدي .. :D
لكن يفرحني .. ويسعدني .. ويطربني .. ويشجيني دائماً مرورك له وقع خاص مطرز بخفه دمك المعهودة فيك ، لنزداد شوقاً لمعرفة هذه الشخصية المرحه المحببة إلى نفسي .

الخواجه
06-21-2009, 09:47 PM
دا يكون لحق ابو وجدان اصلن عجايز خرفو وعمو

وشهد شاهد من اهلها
كدى اليجى ابووجدان بعدين وينكر الكلام ده
ولا يجى لى شنو ماهو قرينو قااااعد وشايفنا:p

abuleila
06-22-2009, 12:12 AM
وشهد شاهد من اهلها
كدى اليجى ابووجدان بعدين وينكر الكلام ده
ولا يجى لى شنو ماهو قرينو قااااعد وشايفنا:p

انت يا خوى ما قالوا خواجة--- الطمسة دى جبتها من وين-- قرينو قال-- ياخى ابو وجدان دا قالوا الايام دى مشغول بى عرس حفيدو

فرنيب
06-22-2009, 07:55 AM
اخى او بالاحرى ابنى فرنيب اتفهم معاناتك وما لاقيته من متاعب اثناء الدراسة فى بلد اجنبى -وهذه من اكبر مآسى الاغتراب-- الكبار قد يتحملون لكن الصغار تبقى تلك المتاعب جرحا غائرا فى ذاكرتهم-- من ناحية اخرى اذا ترك الوالد الاسرة فى السودان واغترب لوحده تطل ماساة اخرى اكثر خطورة ولنا ان نتمعن فى حال الكثير من الاسر اليوم فى السودان--شخصيا ارى ان كان لا بد من الاغتراب فلتغترب الاسرة بكاملها

هذا الرأي بتفق عليه معاك لازم ان تغترب الاسره كامله لان للأب دور مهم في التربيه ومعظم الشباب الذين نشأوا بعيدين عن آبائهم يعانون مشكله عدم الانتماء القبلي والديني والاخلاقيات الحميده

لان الوالد يسقل كل تربية الام الام تربي وتعلم وترشد لكن من يثبت تلك القيم الوالد وله تأثير كبير

العلقمابي
06-22-2009, 09:51 AM
انت يا خوى ما قالوا خواجة--- الطمسة دى جبتها من وين-- قرينو قال-- ياخى ابو وجدان دا قالوا الايام دى مشغول بى عرس حفيدو

هههههههههههههه
الخواجه اصلو مطموس

العلقمابي
06-22-2009, 09:52 AM
هذا الرأي بتفق عليه معاك لازم ان تغترب الاسره كامله لان للأب دور مهم في التربيه ومعظم الشباب الذين نشأوا بعيدين عن آبائهم يعانون مشكله عدم الانتماء القبلي والديني والاخلاقيات الحميده

لان الوالد يسقل كل تربية الام الام تربي وتعلم وترشد لكن من يثبت تلك القيم الوالد وله تأثير كبير

فعلا

الغربه لها ضريبته

أسامة
06-22-2009, 10:35 AM
ـ ضحايا والدك كُثر ... وأبلغ مثال على ذلك (البلول) هل عرفته؟
ـ نعم .. ذلك الرجل وكأن به مس من الجن ، إنه لا يفيق أبداً ثمل بالليل والنهار، يتسكع في الطرقات وقد حار به الدليل ، ماذا به يا أمي؟.
ـ نعم إنه هو .. أتعرف لماذا هو على هذا الحال، لقد نهبه والدك ، لم يترك له قرشاً واحداً بعد أن كان من أثرياء المدينة .. كل ذلك كان بالمكر والخديعة ، أتعلم لماذا أهل الحي لم ينسو تلك القضية لأنهم يتذكرونها أبصروا ( البلول) يترنح في طرقات المدينة .. لقد كان (البلول) أباً وزوجاً وإبناً لأمه العجوز، وقع المسكين في حبائل والدك ، وعده بأن ماله يتكاثر أضعافاً مضاعفة عندما يكون شريكاً له في تجارته ، دفع المسكين كل ما يملكه إلى والدك الذي بعثر المال على ملذاته وأندية القمار التي يعاقرها.. وأصبح (البلول) كما تراه، ماتت أمه لتلك الفاجعة وتركته زوجته وباع داره لتسديد ديونه، وهرب إلى الخمر والنسيان .. وكلما ألمحه طريداً شريداً في الطرقات أشعر بقشعريرة لشناعة الجرم...

بينما الأم وأبنها يتحدثان في داخل الدار المبنية من الطين وكانت الدار عبارة عن غرفتين تفتحان على برنده قد وضعت بها بعض الأسرة والكراسي العتيقة وللمنزل فناء واسع قد زرعت فيه بسمه بعض أشتال الورود وفي الجهة المقابلة في الفناء الخلفي للدار تقع غرفة إبراهيم .
اندفع فجأة الباب الخشبي للفناء الخارجي ليفتح بقوة ، ويدلف ( أبو الكلام) الزوج الثاني (لبسمة) وقد سبقته رائحته الكريهة .. ويبدو بقامته القصيرة وسحنته السمراء وشعره الكث الجعد وشاربه الضخم ولحيته القصيرة المبعثرة وتلك الملابس الرثة البالية وكأنه من أولئك القادمين من عمق التاريخ ، كانه وصل للتو من سفر طويل .. طويل جداً ..
ـ الابن المدلل ووالدته الحنون يتهامسان في صحن الدار في مثل هذا الوقت ... أشعر بالقلق من مثل هذه الاجتماعات المشبوهة.
( ولزواج بسمه من أبو الكلام قصة ) والقصة تطول ونواصل

بنت النيل
06-22-2009, 11:29 AM
الاخ اسامه حياك الله
الحمدالله مواعيد الحبه جات
الواحد فينا ينتظرها بفارغ الصبر
وياقول (انا ) ما تشحتف رويحتنا
سوف اظل متابعة

الحاج حمد الحاج العربي
06-22-2009, 12:39 PM
الأخ الأستاذ أسامة
أتابع القصة ، و استطعت أن تشوق المتابعين ليكونوا في انتظار الحلقة القادمة بطريقة ذكية ( زي المسلسلات المصرية)

تخريمة:
أخبار زهر الدين (الهاسري) شايفو طول الظاهر مزنوق في الشغل مع نهاية العام الدراسي..تحياتي له

مصعب الزنادى
06-22-2009, 02:26 PM
نحنا بالطريقه دى بنفتح ليها القصه دى

يازول ما تصدق واصل

بت الكربه
06-22-2009, 02:35 PM
الاخ اسامه معنا كاتب وقاص حقيقي

ولا غرو في ذلك

اذ لمست فيك تلك الموهبه من اول مشاركاتك بالواحه

التحيه لك ولقلمك وطريقتك السلسه والمشوقه

هكذا هو الابداع

ودي

بنت النيل
06-22-2009, 02:55 PM
اسامة صحي النوم

أنا
06-22-2009, 03:11 PM
[[bor=cc3300]quote[bor=cc0000]=أنا;57643]
لكن يفرحني .. ويسعدني .. ويطربني .. ويشجيني دائماً مرورك له وقع خاص مطرز بخفه دمك المعهودة فيك ، لنزداد شوقاً لمعرفة هذه الشخصية المرحه المحببة إلى نفسي .

تسلم تسلم يا اسامه :d
وانت قلم مميز فى الواحه يستحق المتابعه

متابعين القصه المشوقه وسردك الجميل

أنا
06-22-2009, 03:12 PM
اسامة صحي النوم

نايم نومة العصريه :p

بنت النيل
06-22-2009, 06:30 PM
نايم نومة العصريه :p

والله يا (انا ) حردنا
لكن بيني وبينك ونبض قلمه يجبرنا علي الانتظار

أسامة
06-22-2009, 06:39 PM
الاخ اسامه معنا كاتب وقاص حقيقي

ولا غرو في ذلك

اذ لمست فيك تلك الموهبه من اول مشاركاتك بالواحه

التحيه لك ولقلمك وطريقتك السلسه والمشوقه

هكذا هو الابداع

ودي


أختي بت الكربه العضو المميز بالواحة .. حينما تغيبين عن الواحة كأن الشمس قد غابت عنها لتستشرف شروق يوم جديد بحضورك مرة أخرى .. نجد أنفسنا دائماً متجمعين في سمر وأنس حول مواضيعك الشيقة تجميعن أهل الواحة حولك .. نريدك دائماً هكذا أختي أختنا التي نهجع إليها حينما تشتد بنا الهموم ..
( لك توقيع مميز كتميزك بالواحه)

أسامة
06-23-2009, 11:02 AM
من أجل أن لا يصبح منزلها مزاداً للعرسان ومرتعاً للفضوليين وإخراص الألسن فقد قررت بسمه الزواج من جديد وهي في الحقيقة تستحق أن يتسابق إليها الرجال برغم قساوة الظروف التي رسمت على وجهها تعابير المعاناة والحزن إلا أنها ما زالت تمتلك من الجمال والأنوثة ما يؤهلها بأن تكون مطمعاً للرجال .

ـ إبراهيم يا ولدي.. نحن نعيش وسط غابة من البشر أنت تعلم ما حل بنا وأنا إمرأة يا ولدي والبيت لا بد له من رجل .
ـ أنا رجل يا أمي .
ـ ستصبح رجلاً يا ولدي ولكن لقمة العيش أصبحت صعبة الآن وكذلك أنا إمرأة يأتيني ما يأتي النساء.
في تلك الليلة اتخذت ( بسمه) قرارها بأن تفاتح ابنها في موضوع زواجها
وكان (ود الزين) في تلك الفترة قد أكثر من طرق باب دارها ، يزعم أن هناك الكثير من الرجال يرغبون في الزواج منها، وأنه لا يرضون بمطلقة في الحي تعيش بمفردها مع ابنها الصغير دون رجل ... لا أدري لماذا نصب( ود الزين) نفسه أن يكون وسيط الزواج هذه المرة ، كان كل يوم يقطع تلك المسافة الطويلة إلى دار بسمة من أجل حفنة من القروش ، والرجل في حقيقة الأمر قد نصب نفسه منذ زمن طويل زعيماً لأهل الحي وناطقاً بأسمهم ليتصدر كل الأمور العامة والخاصة لأهل الحي جميعاً برضائهم أو دون رضاهم( وللرجل حكاية طويلة سوف نأتي لذكرها) .
كان يلمز إليها أن تلقمه هي أيضاً من حلاوة العرس بعد إتمامه.. فسألته هي عن الرجال الذين يرغبون فيها. فلم تجد عنده سوى (أبو الكلام) ، فقد كانت بسمه صفقة رابحة ( لود الزين) مع أبو كلام لا يعلم خفاياها أحد غيرهما..
وقد كان أبو الكلام يدعي أنه من أقرب الناس إلى ( مبارك الحجاز) وبالتالي فإن طليقته لا بد أن تكون من نصيبه وأخذ في توعد من تسول له نفسه بالدخول معه منافساَ فلا يلومن إلا نفسه.. وأخذ يتلو عليهم الوعيد الذي سيصيب من يخطب على خطبه أخيه المسلم.. هكذا قال وهكذا أمسى شيخاً يستدل على أفعاله بالنصوص النبوية .
ـ ماذا قلت يا إبراهيم.
ـ أماه تعلمين أني أكره هذا الرجل .. أنتي تعرفين عنه كل شيء .. يكفي أنه أفضل من يجيد (الكذب والاحتيال على الناس).
ـ أنا أعلم أنه يكذب ولا أعلم كذبة تناقلتها الألسن هنا إلا وقد صدرت عنه.
ـ سأعمل على إصلاحه.. فيكن هو هدفي القادم..
تمت تلك الزيجة التي لعبت فيها الظروف على إقناع بسمة( بابوالكلام) فإن لم يكن الرجل الكامل متوفراً فإن النسوة يكتفين بأنصاف الرجال، فعندهم القدرة للعمل كحائل بين قسوة الظروف وبين الأنثى الضعيفة بالفطرة أو على الأقل التخفيف عليها، هكذا ظنت بسمه.
ليلة العرس كانت باهتة كبهتان العريس الذي لم يستطيع الاستغناء عن عاداته القبيحه تلك المتمثلة في ضحكته المجلجلة ومظهره القبيح وهو يتصدر الجالسين بلسانه السليط فعادة العريس أن ينكمش في مقعده من فرط القلق أو محاصرة الخجل له لكن أبو الكلام العريس أصر على أن يحضر إلى هذا المكان بشخصية ذلك السمسار طفيلي السوق.
وللقصة بقية ونواصل

أنا
06-23-2009, 11:43 AM
غايتو شقاوتها بسمه دى :eek:
من مبارك الحجاز لابو الكلام :o
كل واحد انيل من التانى :p

بنت النيل
06-23-2009, 11:53 AM
يا عيني عليك يا بسمة
دي زاته قسوة الزمن رمتك دي الرميه
الله يكون في عونك
متابعين اسامه

رباطابية
06-23-2009, 11:55 AM
متابعين ومنتظرنك يااسامة

شمعه الرباطابيه
06-23-2009, 11:57 AM
كر علي البت حظها عجيب :(
في الانتظار ياسامه

بت الكربه
06-23-2009, 11:58 AM
أختي بت الكربه العضو المميز بالواحة .. حينما تغيبين عن الواحة كأن الشمس قد غابت عنها لتستشرف شروق يوم جديد بحضورك مرة أخرى .. نجد أنفسنا دائماً متجمعين في سمر وأنس حول مواضيعك الشيقة تجميعن أهل الواحة حولك .. نريدك دائماً هكذا أختي أختنا التي نهجع إليها حينما تشتد بنا الهموم ..
( لك توقيع مميز كتميزك بالواحه)

توردت خجلا...

تمهلت كثيرا قبل ان ارد عليك

جفت ينابيع الكلام عندي

شكرا للمجامله الانيقه كاناقه صاحبها

الكاتب والقاص اسامه

تحياتي اخي

ومتابعين الي حد الارتواء

ودي

الحاج حمد الحاج العربي
06-23-2009, 12:16 PM
تمت تلك الزيجة التي لعبت فيها الظروف على إقناع بسمة( بابوالكلام) فإن لم يكن الرجل الكامل متوفراً فإن النسوة يكتفين بأنصاف الرجال، فعندهم القدرة للعمل كحائل بين قسوة الظروف وبين الأنثى الضعيفة بالفطرة أو على الأقل التخفيف عليها

يا أسامة الظروف لو ماشة بالصورة دي أخاف على النساء من أرباع الرجال..ربنا يعين النساء على قسوة الحياة و ربنا يحميهن من ظلم الجهلاء و أنصاف الرجال..متابعين

هوارية
06-23-2009, 12:39 PM
اسامة كتاباتك جميلة وقصة اكثر من رائعة
لكننننننا منتظرين ما تطول علينا

أم شهدوتفاؤل
06-24-2009, 11:36 AM
الشكر يرجع لصاحب المنتدى لولاه ما عرفناك يا أستاذ القلم قصة جميلة وأتمنى نهايتها ما تكون مظلمة نحن ناس كاتلانا مَحَنه لك التقدير والإحترام

أسامة
06-24-2009, 11:44 AM
الشكر يرجع لصاحب المنتدى لولاه ما عرفناك يا أستاذ القلم قصة جميلة وأتمنى نهايتها ما تكون مظلمة نحن ناس كاتلانا مَحَنه لك التقدير والإحترام

أشكرك أم شهد على هذا الثناء ، واضم صوتي لشكر صاحب المنتدى الذي جمعنا بكم

بنت النيل
06-24-2009, 01:20 PM
وصلنا وين نحن

أب شخيت
06-24-2009, 01:30 PM
قصة سمحة خلاص...
لكين شغل المعلقة دا مابينفع معانا...
يا أدينا بالكواريك يا كمان حانديك كواريك..:)...
تكوركنا واللا نكورك ليك..:)..
غايتو كان بقيت على كوريكنا ماعندك مشكلة...
النسوان الداخلات هنا كتااااااار.....
هن النسوان بلا اللسنات عندهن شنو غير حب الشمار والنقة.:)..

اسماعيل سند
06-24-2009, 02:04 PM
غايتو شقاوتها بسمه دى :eek:
من مبارك الحجاز لابو الكلام :o
كل واحد انيل من التانى :p

القصه شكلها مشوقه ونحن فى انتظار الحلقه التاليه

رباطابية
06-24-2009, 02:05 PM
قصة سمحة خلاص...
لكين شغل المعلقة دا مابينفع معانا...
يا أدينا بالكواريك يا كمان حانديك كواريك..:)...
تكوركنا واللا نكورك ليك..:)..
غايتو كان بقيت على كوريكنا ماعندك مشكلة...
النسوان الداخلات هنا كتااااااار.....
هن النسوان بلا اللسنات عندهن شنو غير حب الشمار والنقة.:)..


غايتو جنس حقارة :mad::mad::mad::mad:

أنا
06-24-2009, 02:10 PM
اها يا جماعه مسلسل الساعه 7 بدأ؟؟:D:d

بنت النيل
06-24-2009, 03:00 PM
اها يا جماعه مسلسل الساعه 7 بدأ؟؟:D:d

الارسال قاطع

العلقمابي
06-24-2009, 11:15 PM
وين ابوليلي
راجنك تتم قصتك